लूका 8:43 - डोटेलि

⁴³ तइ हुलमि बार बर्सबटहइ रगत बगिबर दुःख पाएकि एक स्‍वानि थि। तिनले आफुसित भया धन आफु निको हुनालाइ खर्च अरिबर लइ केइले तिनलाइ निको पाड् सक्‍या थेइन्।

डोटेली नयाँ करार

⁴³ एक स्वानी थी जइलाइ बार बर्ष बठेइ रगत बग्द्दया रोग थ्यो, जइलाइ कसइले लगइ निको पाड्ड सक्या थेइन,

लूका 8:43 Referans Kwoze

लूका 13:16

अब्राहामका कुलकि यो चेलि जो अठार बर्ससम्‍म सइतानका बन्‍धनमि थिइ, रे बिस्राम दिनमि यइ बन्‍धनबटहइ त्‍यो मुक्‍त हुनपड्‍या हइन ब?”

लूका 13:11

ताँ एक स्‍वानि थिइ, जइलाइ अठार बर्सबटहइ कमजोर पाड्‍या फुचेरो आत्‍मा लाग्‍रइथ्‍यो। त्‍यो कुपडि पडेइथिइ, रे आफुइ पुराइ सिधा हुन्‌ सकन्‍थिन।

लूका 8:27

जबइ उनुन डुङ्‍ङाबटहइ ओरल्‍या तइ सहरको एक जनो मान्‍सलाइ उनुले भिट्‍यो जइलाइ भुत लाग्‍याथ्‍यो। त्‍यो मान्‍स भउत दिनबटहइ लत्‍ता लाउन्‍थेइन् रे घरमि नबसिबर च्‍याहानमि बसन्‍थ्‍यो।

प्रेरित 4:22

क्‍यालाइकि जो मान्‍स अचम्‍म किसिमले निको पाडिया थ्‍यो, तइको उमर चालिस बर्सभन्‍ना लइ बर्ता थ्‍यो।

प्रेरित 3:2

मन्‍धिरका चोकमि पस्‍या सुन्‍दर भन्‍न्‍या देलिमि एक जन्‍मइबटहइको लङ्‍गडो बसन्‍थ्‍यो। मान्‍सनले उइलाइ दिनदिनि बोकिबर ताँइ ल्‍याउथ्‍या। उइले मन्‍धिर भितर जान्‍यान्‌ मान्‍सनसित भिक मागन्‍थ्‍यो।

मर्कुस 9:18

जबइ भुतले मेरा चेलालाइ समाउन्‍छ, तइलाइ भुइयइनु लछाणपछाण अरन्‍छ, मुखबटहइ फिज निकालिबर दाणा किट्‌न्‍छ रे अइठिन्‍छ। मुइले हजुरका सिस्‍यालाइ भुत निकालि दिय भनि बिन्‍ति अर्‍या तर तिनुले सकेइन्‌।”

मर्कुस 12:44

क्‍यालाइकि सप्‍पइले त आ-आफना बर्ता धन-सम्‍पतिबटहइ चणाया छन्, तर एइ गरिब बिधुवाले त गरिब होइबरलइ आफनो जिबन चलाउन्‍या भया जति सप्‍पइ पइसा चणाएइ छ।”

लूका 8:42

क्‍यालाइकि उनरि बार बर्सकि चेलि मद्‍दलागेइ थि। तनरो बिन्‍ति सुनिबर इसु तनसित जानलाग्‍या यो धेकिबर मान्‍सनले उनलाइ चारइतिर बटहइ घेद्‍द लाग्‍या।

लूका 8:44

तइ स्‍वानिले मान्‍सका भिडमि पाछाडिबटहइ आइबर इसुका लत्‍ताको किनार छोयो उनरा लत्‍ता छुनज्‍याइ तिनरो रगत बग्‍द्‍द निको भयो।