लूका 8:13 - डोटेलि

¹³ ढुङेनि जमिनमि पड्‌या बि ले बुझाउन्‍छ कि तिनुन परमेस्‍वरको बचन सुनिबर खुसि होइबर लिनाहान्‌ रे त्‍यो बचन निकेरि मनइनि राख्‍द् सक्‍दाइन्‌। तसो भया हुनतक तिनुनको बिस्‍वास केइ दिनकि निउति हुन्‍छ रे दुःख आउनज्‍या तिनुनको बिस्‍वास हराइबर जान्‍छ।

डोटेली नयाँ करार

¹³ ढुङगेनि जमिनमी बोइएका बि, त्यो जसाइ हुनाहान जो बचन सुणन्जेइ त्यो खुसीसित बचन स्वीकार अरन्छ। तिननले आफ्नो हृदयमि तइका जडा बड्ड अनुमति दिनइन रे तिननले थोकाइ समयकीलाइ बिश्वास अद्दाहान। तर परिक्षाका बेलामि तिनरो पतन हुन्छ।

लूका 8:13 Referans Kwoze

१ तिमोथी 1:19

तइबेला तुइले आफनो बिस्‍वास रे असल बिबेकलाइ बचाइराखेइ। कसइ कसइले आफना बिबेकले भन्‍या नमानिबर कति जना बिस्‍वासबटहइ पतन भया छन्।

१ थेसलोनिकि 3:5

तबइलाइ मुइले अज रन नसकिबर तमरो बिस्‍वास बुज्‍जाइलाइ तिमोथिलाइ पठाया थ्‍या। क्‍यालाइकि सइतानले तमुलाइ परिछ्‍या अरिबर हामुले अर्‍या मिहिनत बेकार हुन्‍छ कि भनिबर मु डराया थ्‍या।

मर्कुस 6:20

क्‍यालाइकि युहन्‍नालाइ एक धार्मिक रे पबित्‍तर जन हुनभनिबर हेरोद तिनुसङ डराउथ्‍या, रे तिनुलाइ सुरछित्‌ ठउँर राख्‍याथ्‍यो। युहन्‍नाको सिछ्‍या सुनिबर राजा धरमराया लइ खुसिसित सुन्‍नथ्‍या।

लूका 8:12

बाटाका किनारमि पड्‍या बि ले बुझाउछ कि तिनुनले बचन सुन्‍ना त सुन्‍नाहान्‌ रे मनइनि राख्‍द सक्‍दाइन्‌ क्‍यालाइकि बिस्‍वास अरिबर जनबाचउ भनि सइतान आउन्‍छ रे तिनरा मनबटहइ बचन टिपिबर लइजान्‍छ।

लूका 8:14

काँडानका बिच पड्‌या बिले बुझाउन्‍छ कि तिनुनले परमेस्‍वरको बचन सुन्‍न त सुन्‍नाहान रे सन्‍सारको चिन्‍ता धनसम्‍पति रे सुख बिलासले अरनज्‍या बिस्‍वासलाइ बड् दिनइन्‌ रे तिनुनबटहइ केइ फल फल्‍लइन्।