लूका 7:29 - डोटेलि

²⁹ युहन्‍नाको सिछ्‌या सुणिबर मान्‍सनले “परमेस्‍वरको भन्‍या साँच्‍चि ठिक रइछ” भनिबर उनुले दिन्‍या बप्‍तिस्‍मा लियो। कर उठाउन्‍या पापि भयालइ तिनुनलेलइ भन्‍या मानिबर बप्‍तिस्‍मा लियो।

डोटेली नयाँ करार

²⁹ जब तिननले येशूले भण्या कुरणी सुण्यो, तब सब मान्सनले याँ सम्मकि कर उठाउन्याले लगइ यो भण्यो कि परमेश्वर धर्मि छन, क्याकि तिननले यूहन्ना बठेइ बप्तिस्मा लिइराइथ्यो।

लूका 7:29 Referans Kwoze

लूका 3:12

कर उठाउन्‍यालइ बप्‍तिस्‍मा लिनाकि आया रे युहन्‍नालाइ सोध्‍यो, “गुरुज्‍यु, हामले कि अद्‌दु पड्‍या हो?”

लूका 7:35

बुद्‌दि ठिक हो भनिबर बुद्वि अन्‍सार चल्‍यानले धेकाउनाहान्।”

प्रेरित 19:3

अज पावलले सोध्‍यो, “तसो हो भन्‍या तमुले कसो बप्‍तिस्‍मा लिया?” तिनुनले भुन्‍यो, “युहन्‍नाले सिकाया बप्‍तिस्‍मा पाया।”

प्रेरित 18:25

उनुले मुक्‍ति दिन्‍या प्रभु इसुका बारेमि सिछ्‍या पाया थ्‍यो, रे आत्‍मामि जोसिला भइबर इसुका बिसयमि निकेरि सिकाउथ्‍या, तबइलइ उनलाइ युहन्‍नाले दिया बप्‍तिस्‍माका बिसयमि मात्‍र थाँ थ्‍यो।

लूका 7:28

मु तमखि भन्‍नउ स्‍वानिबटहइ जन्‍मिया मध्‍ये युहन्‍नाहइ ठुलो मान्‍स कोइ आथिनन्‌। रे परमेस्‍वरका राज्‍यमि जो सब भन्‍ना नानो छ उइ युहन्‍नाहइ ठुलो हुन्‍या छ।”

लूका 20:6

मान्‍सबटहइ भुन्‍नाउ भन्‍या, सप्‍पइ मान्‍सले हामुलाइ ढुङा हान्‍याछन्, क्‍यालाइकि युहन्‍ना अगमबक्‍ता हुन्‌ भन्‍या तिनुनले पक्‍का बिस्‍वास अर्‍या छन्।”