लूका 4:35 - डोटेलि

³⁵ यो सुनिबर इसुले तइलाइ हकारिबर भुन्‍यो, “चुप लाग् रे यइ मान्‍सबटहइ निकलिबर जा” तइ मान्‍सलाइ सप्‍पइका आगाडि लोटाइबर भुत निकल्‍यो रे तबलइ उइलाइ चोट लागेइन्।

डोटेली नयाँ करार

³⁵ रे येशूले भूतलाइ यिसो भणि हकाद्द पस्या, “चुप लाग रे तइ बठेइ निकलिबर जा।” तइ मान्सलाइ घुडबुडयाउनोइ तइलाइ केइलगइ हानि नअरिबर त्यो भूत तइ मान्स बठेइ निकलिबर गयो।

लूका 4:35 Referans Kwoze

लूका 4:41

भउत मान्‍सबटहइ भुत डाको छाणिबर यसो भनिबर निकल्‍यो, “तम परमेस्‍वरका चेला हउ” रे इसुले तइ भुतलाइ हाकारिबर बोल्‍ल दिएन क्‍यालाइकि उन मुक्‍तिदिन्‍या राजा ख्रिस्‍ट हुन् भनिबर तिनुन चिनन्‍थ्‍या।

लूका 4:39

उन तिनरा नजिक गया जरलाइ हकार्‍यो रे जरले तनलाइ छड्‌यो तइपाछा तिन उठिबर उनरो सेबा अद्‌द लागिन्।

लूका 11:22

रे तइभन्‍ना बलियो मान्‍स आइबर तइसित जाइ लागिबर जित्‍यो भन्‍या, उइले भर पड्‍या तइका जम्‍माइ हतियार खोसिबर लइजान्‍छ, रे तइका मालसामान लुटिबर आफना मान्‍ससित बाणन्‍छ।

लूका 9:42

बाले चेलोलाइ ल्‍याउना ल्‍याउनाइ भुतले तइलाइ ढलाइबर घडबणायो। रे इसुले भुतलाइ हकारिबर केटालाइ निको पाडिबर उइका बालाइ दियो।

लूका 9:39

भुतले तइलाइ जनज्‍यालइ समाउन्‍छ रे त्‍यो कालाहालन्‍छ। मुखबटहइ फिज निकालन्‍छ, घडबणिन्‍छ रे तइलाइ चोट नलाउन्‍ज्‍यासम्‍म छाड्‍डइन्‌।

लूका 8:24

तसो भयाहुतनक सिस्‍यानले इसुलाइ उठायो रे भुन्‍न लाग्‍या, “गुरुज्‍यु, गुरुज्‍यु, हाम त मरिजानाउ।” यो सुनिबर इसु उठ्‌या रे हुरिबतास रे छाललाइ हकार्‍यो। तन्‍जेइ हुरिबतास थामियो रे सान्‍त भयो।

मर्कुस 9:26

तबइ तइ भुतले चिच्‍च्‍याउनोइ केटालाइ मुर्छा पाडिबर निकबर गयो। तइपाछा त्‍यो केटो त मर्‍या जसो भयो, सप्‍पइले भुन्‍न लाग्‍या, “लउ हेर केटो त मर्‍यो”

मर्कुस 1:26

तन्‍जेइ तइ मान्‍सलाइ लछाडपछाड अरिबर, त्‍यो भुत आत्‍मा ठुला स्‍वरले कला हालि निकल्‍बर गयो।

मर्कुस 4:39

तबइ उनु उठ्‍या, रे बतासलाइ हप्‍कायो, पइ समुन्‍दरका छाललाइ भुन्‍यो, “सान्‍त हो! रोकिजा!” रे बतास थामियो रे सान्‍त भयो।

लूका 4:23

रे इसुले तिनुनलाइ भुन्‍यो कि, “आब साँच्‍चि तमुले मुलाइ यो उखान भुन्‍याछउ, ‘ए बइदि तम आफुलाइ निको पाण’ तमुले मुलाइ ‘कफर्नहुममि अर्‍याजसो आफना गाँउमि अचम्‍मका काम अर’ भुन्‍याछउ।”