लूका 23:5 - डोटेलि

⁵ रे तिनुनले खुब जोड दिबर भुन्‍यो, “यइले सारा यहुदिया, रे गालिलबटहइ यइ ठउँरसम्‍म सिछ्‌या दिनोइ मान्‍सनलाइ भड्‌काउन्‍ना छ।”

डोटेली नयाँ करार

⁵ तर तिननले बडा जोर दिबर भण्यो, “उन यहुदिया जिल्लाका सब मान्सनका बिचमि आफ्नो शिक्षा बठेइ दङगाका कारण भया छन। उनले गालील जिल्लामि दङगा सुरु अर्यो रे आब याँ आया छन।”

लूका 23:5 Referans Kwoze

मर्कुस 1:14

युहन्‍ना पक्राउमि पण्‍यापाछा परमेस्‍वरको असल रइबार प्रचार अद्‍दइ इसु गालिलमि आया।

प्रेरित 23:10

ताँ ठुलो मतभेत भयापाछा उनुनका हातबटहइ पावल लुछालुछ हुन्‍ना भन्‍या डरले सेनापतिले सिपाइनलाइ तल्‍तिर गइबर तनलाइ उनुनका बिचबटहइ बलजबस्‍तिसित लेइबर ब्‍यारेक भितर लइजा भनि आग्‍या दियो।

प्रेरित 10:37

युहन्‍नाले बप्‍तिस्‍माको प्रचार अर्‍या पाछा गालिल छेत्‍रबटहइ सुरु अरिबर सारा यहुदियाभरि प्रचार अरिया बचन तमुलाइ थाँ छ।

प्रेरित 7:57

तर तिनुन ठुला स्‍वरले कला हालिबर उठ्‍या, रे आफना आफना कान थुन्‍यो, रे तिनुन एकहोइबर तनमि झम्‍टिया।

प्रेरित 7:54

जबइ तिनुनले स्‍तिफनसको यो कुरा सुण्‍यो तबइ तिनुन रिसले चुर भइबर दाणा किट्‍ट लाग्‍या।

प्रेरित 5:33

रे जबइ उनुनले यो कुरा सुण्‍यो, तबइ माहासभाका अगुवान रिसले आगो भया, रे प्रेरितनलाइ माद्‍दया इछ्‍या आर्‍यो।

लूका 23:23

रे तिनुनले ठुला ठुला सोरले कला हाल्‍लाइ क्रुसमि टाङदइपडन्‍छ भन्‍न्‍या माग अद्‌द लाग्‍या। इसेरि मान्‍सनले कला हालिबर जित्‍यो।

लूका 11:53

इसु ताँ बटहइ निकल्‍या, फरिसिनले उनरो भउत बिरोध अद्‌दाइ कद्‍बइ बिसयमि उनलाइ सोधपुछ अद्‌द लाग्‍या,

लूका 23:6

पिलातसले यो सुनिबर, “यो मान्‍स गालिलको हो?” भनिबर सोध्‍यो।