लूका 21:16 - डोटेलि

¹⁶ रे तमरा इजा-बा रे दाइ भाइ, नातेदार रे सङिले लइ तमुलाइ पकडाइ दिन्‍याछन्, रे तमुमध्‍ये कसइ कसइलाइ तिनुनले माद्‌याछन्।

डोटेली नयाँ करार

¹⁶ तर तमन इजा-बा रे दाइ-भाइ, नातेदार रे मित्तुर लगइ तमनलाइ पकडाइ दिन्या हुन, रे तमनमि हइ कसइ-कसइलाइ तिननले मारिदिन्या हुन।

लूका 21:16 Referans Kwoze

लूका 12:53

तिनुनमि फाटो हुन्‍या छ: बा का बिरुद्‌मि चेलो, रे चेलाका बिरुद्‌मि बा रे चेलि इजाका बिरुद्‌मि, रे ब्‍वारि आफ्‍नि सासुका बिरुद्‌मि हुनेइ छ।”

प्रेरित 12:2

तनले युहन्‍नाका दाइ याकुबलाइ तरबारले माद्‍द लायो।

प्रेरित 7:59

तिनुनले स्‍तिफनसलाइ ढुङाले हाणन्‍ज्‍या तिनले प्रभुलाइ पुकार्‍यो रे भुन्‍यो, “हे प्रभु इसु, मेरा आत्‍मालाइ लिय।”

मर्कुस 13:12

तइबेला मान्‍सले आफनाइ दाइभाइलाइ माराउन्‍या छन्। बाले चेला-चेलिलाइ रे चेला-चेलिले इजा-बालाइ बिरोध अरिबर माराउन्‍या छन्।

लूका 21:15

क्‍यालाइकि मु तमलाइ यसो बोल्‍या मुख रे बुद्‌दि दिन्‍याछु, कि तमरा बिरोधिनले तमरो प्रति उत्‍तर दिन सक्‍द्‌या आथिनन्‌।

लूका 21:17

मेरा नाउँका खातिर तमुलाइ सप्‍पइ मान्‍सले घिणा अद्‌या छन्।