लूका 19:44 - डोटेलि

⁴⁴ तिनुनले तु लाइ रे तुभित्‌र बास अद्‌या तेरा सन्‍तानलाइ नास अद्‌या छन्, रे एक ढुङामि अर्खो ढुङो रन्‍या आथिन्‌, क्‍यालाइकि परमेस्‍वरले बचाउन आया समयलाइ तुइले चिन्‍न सकिनि।”

डोटेली नयाँ करार

⁴⁴ तमनका सत्तुरले तमनलाइ पुरा रितिले नास अद्द्या हुन तमरा मान्सनलाइ सहरका जमिनमी मद्द्या हुन। रे एक ढुङामि अर्खो ढुङा रन्या आथिन। क्याकि तुइले त्यो समय पछेण्न सकिनी जब परमेश्वर तुलाइ बचाउनाइ आयाथ्या।

लूका 19:44 Referans Kwoze

लूका 21:6

“तमुले जि अइले धेक्‍द्‌दा छउ, यसो बेला आउन्‍या छ जब एक ढुङो अर्खा ढुङामि रन्‍या आथिन्‌ तिन जम्‍माइ भत्‍किन्‍याछन्।”

लूका 19:42

“सान्‍ति कि कुराले ल्‍याउछ भनिबर तुइले आजलइ जान्‍या भयाले हुनेइथ्‍यो! रे तुइले त्‍यो धेक्‍द सकिनि!

लूका 1:68

“इज्राएलिनका परमप्रभु परमेस्‍वरको प्रसम्‍सा हउ। क्‍यालाइकि उन आयाछन्, रे आफना मान्‍सनलाइ उद्‍दार दिइराइछन्।

लूका 1:78

क्‍यालाइकि हामरा परमेस्‍वरका कोमल दयाका कारणले स्‍वर्गबटहइ ब्‍याहानको उजालो हाममि पड्‍या छ।

मर्कुस 13:2

पइ इसुले तिनुलाइ भुन्‍यो, “साँच्‍चि मु तमुलाइ भन्‍नउ, यिनु जो तमुले धेक्‍या भबन छन्‌, यिनु भबनका एक ढुङामि अर्खो ढुङो बाँकि नरन्‍या अरि सप्‍पइ भत्‍काइन्‍या छन्‌।”