लूका 10:7 - डोटेलि

⁷ तिनले दिया खान्‍या कुरा खाइबर तसइ घरमि बस्‌। क्‍यालाइकि खेतालाले आफ्नो ध्‍याडि पाउनइ पडन्‍छ। घर घरमि नपसिबर हिट।

डोटेली नयाँ करार

⁷ तिननले दिया चिज खानपिन अरिबर तसइ घर बस। क्याकि खेताला आफना द्याणीको लायक हुन्छ। तबइकिलाइ घर-घर बास बसिबर जन हिँट।

लूका 10:7 Referans Kwoze

२ तिमोथी 2:6

जइ किसानले मिहिनत अरिबर आफनो खेति लाउछ, बालिको पइलो फल उसइले पाउछ।

लूका 9:4

जइ घरका मान्‍सनले तमुलाइ स्‍वागत अद्‌दाहान्‌, तइ गाउँबटहइ बिदा नहुन्‍ज्‍यासम्‍म तसइ घरमि बस्‌।

मर्कुस 6:10

इसुले तिनुलाइ भुन्‍यो, “तमु जइ घर पसन्‍छउ, तइ गाउँबटहइ ननिकलन्‍ज्‍यासम्‍म तसइ घर बस।

१ तिमोथी 5:13

रे ज्‍वान बिधुवा त अउर मान्‍सका घरघरइ डुल्‍लेइ बानि होइबर बेकामइ हुन्‍छिन्‌। तति मात्‍तरइ हइन, कुराउटेइ, अउरका काममि हात हाल्‍लेइ, बोल्‍ल नहुन्‍या कुरा बोल्‍लेइ हुन्‍छिन्‌।

प्रेरित 16:34

तइपाछा तिनुनलाइ हाकिमले आफना घर लइजाइबर खाना ख्‍वायो, रे परमेस्‍वरमि बिस्‍वास अर्‍या हुनाले उनरा घरका सप्‍पइ मान्‍स खुसि भया।

प्रेरित 16:15

बिस्‍वास अरिबर लिडियाले रे तिनरा घरका सप्‍पइले बप्‍तिस्‍मा लियो। तइपाछा तिनले हामुलाइ आफना घरमि बस्‍साइलाइ इसेरि बिन्‍ति अर्‍यो, “तमुले मुलाइ साँच्‍चि प्रभुमि बिस्‍वास अरेइ बइनि मानन्‌छउ भन्‍या मेरा घरमि आइबर बस।” इसेरि तिनले हामुलाइ आफना घरमि जानाइलाइ कर लायो।

प्रेरित 16:40

झेलखानाबटहइ बाइर निकल्‍यापाछा पावल रे सिलास लिडियाका घरमि गया। ताँ प्रभुमि बिस्‍वास अद्‌या दाइभाइनसित भेटघाट अर्‍यापाछा उनुनलाइ हउसाला दिबर ताँबटहइ गया।

लूका 10:6

ताँ सान्‍ति चाहान्‍या मान्‍स छन् भन्‍या तमरो सान्‍ति तिनसङ रन्‍या छ। रे ताँ सान्‍ति चाहान्‍या मान्‍स आथिन्‌ भन्‍या त्‍यो सान्‍ति तमसित फर्‌किन्‍या छ।