प्रेरित 9:13 - डोटेलि

¹³ तर हननियाले भुन्‍यो, “हे प्रभु, तन मान्‍सले यरुसलेममि भया तमरा पबित्‍तर जननलाइ कति खराबि अरिराइछ, त्‍यो मुइले भउत जनाबटहइ सुणिराइछु।

डोटेली नयाँ करार

¹³ हननियाले भण्यो, “प्रभु, यइ मान्सले यरुशलेम सहरमि भया तमरा शिष्यालाइ बड्ताइ खराब अरिराइछ, त्यो मइले भौत जाना बठेइ सुणिराइछु।

प्रेरित 9:13 Referans Kwoze

प्रेरित 8:3

तर साउलले बिस्‍वासिनलाइ नास अद्‍दाइलाइ घर घरमि पसिबर बिस्‍वास अद्‌द्‌या स्‍वानि रे बइकान मान्‍सनलाइ घसाणि लइजाइबर झेलखानामि हालिदिन्‍थ्‍या।

प्रेरित 9:1

साउल प्रभु इसुका सिस्‍यानलाइ माद्‍दया धम्‍कि दिनाइ ठुला पुजारिका वाँ गया,

प्रेरित 22:4

मुइले मुक्‍तिका बाटामि लाग्‍या मान्‍सनलाइ माद्‍दाइसम्‍म सताया थ्‍या। मुइले बइकान मान्‍स रे स्‍वाइनि मान्‍सनलाइ पकणिबर झेलखानामि थुन्‍न लाया थ्‍या।

प्रेरित 9:32

पत्‍रुस इथउथ सप्‍पइ ठउँरमि यात्‍रा अद्‍दाइ लुड्‍डामि भया प्रभुमि बिस्‍वास अद्‌द्‌या मान्‍सनका वा आइपुग्‍या।

प्रेरित 9:21

तबइ सुन्‍न्‍याजति सप्‍पइले अचम्‍म मानिबर भन्‍न लाग्‍या, “क्‍या यरुसलेममि इसुमि बिस्‍वास अद्‌द्‌या जतिलाइ खतम अद्‍द खोज्‍या मान्‍स यइ हइन ब? याँ लइ इसुका सिस्‍यानलाइ पकणिबर मुख्‍य पुजारिनका वाँ लइजान्‍या नियतले आया यइ हइन ब?”

प्रेरित 9:41

पत्‍रुसले तनलाइ आफना हातले समाइबर जुणुक्‍क उठायो, रे उनुले प्रभुका पबित्‍तर जन रे बिधुवानलाइ बोलाइबर तबितालाइ जिउनि भयइ धेकायो।