प्रेरित 3:17 - डोटेलि

¹⁷ “हे मेरा दाइभाइ हो, मुलाइ था छ, कि तमुले अन्‍जानमि तसो अर्‍या हउ, रे तमरा सासकनले लइ तसोइ अर्‍यो।

डोटेली नयाँ करार

¹⁷ “आब भाइन हो, मलाइ थाइछ, कि तमनले रे तमरा अगुवानले येशूलाइ अन्जानमि मार्या हौ, क्याकि उन ख्रीष्ट हुन भणन्या तमनलाइ था थेइन।

प्रेरित 3:17 Referans Kwoze

लूका 23:34

रे इसुले भुन्‍यो, “हे पिता, यिनुनलाइ छिमा अर, क्‍यालाइकि यिनुन कि अद्‌दाछन् जान्‍नाइन्।” रे तिनुनले उनरो लत्‍ता बान्‍नाइलाइ चिठ्‌ठा हाल्‍यो।

प्रेरित 13:27

तर यरुसलेममि बस्‍या दाइभाइन रे उनुनका अगुवानले इसुलाइ मुक्‍तिदाता हुन भनिबर चिन्‍न सकेन। अगमबक्‍तानले धर्म- सास्‍त्‍तरमि लेख्‍या कुरा हरेक बिस्रामका दिनमि पडिया भया लइ बुजेनन्‌। इसुलाइ माद्‍द लाइबर धर्म- सास्‍त्‍तरमि उनरा बिसयमि लेखिया कुरा पुरा अर्‍यो।

१ तिमोथी 1:13

पइल्‍लि मुइले उनरो निन्‍दा अर्‍या खेदो अर्‍या रे अपमान अर्‍या। तर मुइले यिनु सप्‍पइ कुरा अन्‍जान रे अबिस्‍वासमि अर्‍या हुनाले अनुग्रह पाया।

प्रेरित 26:9

“हुन त मुइले लइ नासरत इसुका नाउँको बिरोध अद्‍दुपणन्‍छ भन्‍न्‍या मु आफुइ लइ बिस्‍वास अरन्‍थ्‍या।

प्रेरित 7:40

तिनुनले मोसाका दाइ हारुनलाइ यसो भुन्‍यो, “हामरा अगाडि अगाडि लाग्‍द्‍या कोइ देबता हामरि निउति बनाइदिय, क्‍यालाइकि हामुलाइ मिस्रदेसबटहइ निकालिबर ल्‍याउन्‍या तिन मोसालाइ कि कसो भयो हाम जान्‍नाइन।”

लूका 23:13

तइपाछा पिलातसले मुख्‍य पुजारिन, सासक रे मान्‍सनलाइ जम्‍मा अर्‍यो।

प्रेरित 22:5

ठुला पुजारि रे सप्‍पइ माहासभाले लइ यइ बिसयमि मेरा पछ्‍यमि गवाइ दिनाहान्‌। क्‍यालाकि उनराइ तर्फबटहइ दमस्‍कस भन्‍‍न्‍या ठउँरमि यहुदि दाइभाइनलाइ पकणाउन्‍या अधिकारको पुर्जि पाइबर मु ताँ भया बिस्‍वासिनलाइ बादिबर यरुसलेममि लेइबर सजाय दिनाइलाइ दमस्‍कसमि गयाथ्‍या।”

प्रेरित 28:21

उनुनले तनलाइ भुन्‍यो, “हामले त तमरा बिसयमि यहुदियाबटहइ केइ चिट्‌ठि पाया आथिन्‌। कसइ भाइनले आइबर तमरा बिरुद्‍दमि केइ कुरा लइ सुणाया या बोल्‍या लइ आथिनन्‌।