प्रेरित 27:13 - डोटेलि

¹³ दछिणबटहइ सद्‍दिले बतास चल्‍न लाग्‍यो, सप्‍पइ मान्‍सले आब हाम जान सक्‍दाउ। तबइलाइ तिनुनले अड्‍काइबर राख्‍या पानि जहाजको लङगर निकाल्‍यो रे जहाजलाइ क्रेट टापुका किनारइ किनारतिरबटहइ लइया।

डोटेली नयाँ करार

¹³ जब दक्षिणी बतास सद्दिले चल्ल पस्यो, तिननले सोच्योकि हामरो योजना अन्सार हाम फोनिक्स बन्दरगाहमि पुगीजानाउ भणबर, तिननले अट्काइबर राख्या लङ्गर निकालिबर क्रेट टापुको किनारइ-किनार होइबर यात्रा अद्द पस्या।

प्रेरित 27:13 Referans Kwoze

लूका 12:55

जबइ दछिण बतास चलन्‍छ तनजेइ तमु भुनन्‌छउ, ‘गरम हुन्‍या छ’ रे तसोइ हुन्‍छ।

प्रेरित 2:11

रोम सहरबटहइ आया यहुदिन रे यहुदि धर्म मान्‍यान दुएइ छउँ, क्रेट टापु रे अरब देसबटहइ आया मान्‍सन छउँ, रे हाम आफना आफना भासामि परमेस्‍वरका माहान कामको चर्चा तिनुनले अद्‍दारया सुन्‍ना छु!”

प्रेरित 27:8

भउत कठिनाइसित टापुका किनारइ किनार लागिबर हाम सुन्‍दर भन्‍न्‍या पानि जहाज रोकिन्‍या ठउँर आया, ताँबटहइ लासिया सहर नजिकइ थ्‍यो।

प्रेरित 27:12

यो पानि जहाज रोक्‍द्‍या ठउँरमि हिउन काट्‍टाइलाइ सुबिधा नभयाहुनाले जसेरि लइ फोनिक्‍सइमि पुगिबर जाणि काट्‍ट पणन्‍छ भनिबर भउतले ताँबटहइ जहाज चलाइहाल्‍या सर-सल्‍लाहा दियो। फोनिक्‍स क्रेटको एक पानि जहाज रोक्‍द्‍या ठउँर हो, यो दछिण-पस्‍सिम रे उत्‍तर-पस्‍सिमतिर फर्किया छ।

प्रेरित 27:21

भउत दिनसम्‍म तिनुन नखाइ बस्‍या थ्‍या। तबइ पावलले तिनरा वाँ जाइबर भुन्‍यो, “दाइभाइन हो, तमुले मेरो सर-सल्‍लाहा मानिबर क्रेटबटहइ जहाज नचलाउनु पड्‍डयाथ्‍यो। तइबेला मुइले भुण्‍या कुरा माण्‍या भयाले नत यसो दुःख पाइनेइथ्‍यो नत मालसामानको नास हुनेइथ्‍यो।

तितस 1:5

ताँ बाकि रया काम पुरा अद्‍दाइलाइ मुइले तुलाइ क्रेटमि छाड्‍या हुँ। तबइलाइ मुइले भुन्‍या जसेरि तुइले सप्‍पइ सहरमि एल्‍डर निउक्‍ति अद्‍दु।

तितस 1:12

क्रेटका एक जना अगमबक्‍ताले यसेरि भुन्‍या छन्, “क्रेटका मान्‍स सप्‍पइ झुटि बोल्‍या, दुस्‍ट पसु रे अल्‍छि रे काँहार छन्।”