प्रेरित 27:1 - डोटेलि

¹ हामले पानि जहाजको यात्‍रा अरिबर इटालिया देसमि जानुपणन्‍छ भुणि निर्णय भयापाछा तिनुनले पावल रे अउर कतिबइ कइदिनलाइ रोमि महाराजा अगस्‍टसका युलियस भन्‍न्‍या कप्‍तानका जिम्‍मामि लाइदियो।

डोटेली नयाँ करार

¹ जब ठुला हाकिम फेस्तसले समुद्रको यात्रा बठेइ हामलाइ इटालिया प्रदेसको रोम सहरमि जानु पणन्छ भणि पक्‍का भया तब तिननले पावल रे और केइ कैदीलाइ सम्राट अगस्टसको फौजको युलियस नाउँ भया कप्तानका जिम्मा लाइदियो।

प्रेरित 27:1 Referans Kwoze

प्रेरित 25:25

तर ज्‍यानसजाय पाउन्‍या यइले केइ अर्‍या मुइले नपायाहुनाले रे यइले महाराजाका वाँ बिन्‍ति अर्‍या हुनाले मुइले यइलाइ पठाउन्‍या निर्णय अर्‍या।

प्रेरित 25:12

बडा-हाकिम फेस्‍तसले सल्‍लाकारसित सल्‍ला अर्‍यापाछा पावललाइ भुन्‍यो, “तुइले महाराजाका अगाडि बिन्‍ति अर्‍याहुनाले मु तुलाइ रोमि माहाराजाकाँइ वाँ पठाइदिनउ।”

प्रेरित 10:1

कइसरिया सहरमि कर्नेलियस नाउँ भया एक जना मान्‍स थ्‍या। जो रोमि सेना इटालिया भन्‍या पल्‍टनका कप्‍तान थ्‍या।

प्रेरित 27:11

रे कप्‍तानले पावलका कुरामि बिस्‍वास अरेन रे तिनले जहाज चलाउन्‍या रे जहाजका मालिकले भुण्‍या कुरामि बर्ता बिस्‍वास अर्‍यो।

प्रेरित 18:2

ताँ उनुले पोन्‍टस देसका अकिलास नाउँ भया एक जना यहुदि भिट्‍यो, तिन इटालिया देसबटहइ आफ्‍नि स्‍वाइनि प्रिस्‍किलासित आया थ्‍या, क्‍यालाइकि माहाराजा क्‍लोडियसले सप्‍पइ यहुदिनलाइ रोमबटहइ निकलबर जान्‍या आग्‍या दिया थ्‍यो। पावल तिनुनलाइ भेट अद्‍द गया।

प्रेरित 28:16

हाम रोम सहरमि आयापाछा पावललाइ एक जनो सिपाइका पहरामि आफनोइ डेरा लिबर बस्‍या अनुमति मिल्‍यो।

प्रेरित 27:43

तर कप्‍तानले पावललाइ बचाउन चाहान्‍थ्‍या तसो भयाहुनाले उनुले कसइलाइ लइ माद्‍द दिएन, उनुले पउडिन सक्‍द्‍याजति पइलि पउडिबर जाँ भन्‍न्‍या हुकुम दियो।

प्रेरित 27:6

ताँ कप्‍तान युलियसले अलेक्‍जेन्‍डिरिया सहरबटहइ इटालिया देसमि जान्‍या जहाज भेट्‍यापाछा उनुले हामुलाइ तसइ जहाजमि चडाइदियो।

प्रेरित 24:23

इति भुनिबर बडा-हाकिम फेलिक्‍सले कप्‍तानलाइ भुन्‍यो, “पावललाइ निकेरि पहरा दिबर राख्‌, तर पावललाइ चाइन्‍या कुरा पुर्‍याउन्‍या सङिनलाइ भन्‍या जनरोक्‍या रे उनलाइ कडा ब्‍यबहार जनअर्‍या भन्‍न्‍या आग्‍या दियो।”

प्रेरित 23:17

पावलले तन्‍जेइ एक जना कप्‍तानलाइ बोलाइबर भुन्‍यो, “यइ केटालाइ सेनापतितका वाँ पुर्‍याइदिय क्‍यालाइकि यइले उनसित केइ भुन्‍नु पड्‍या कुरा छ।”

प्रेरित 23:11

तइ रात प्रभु पावलका नजिकइ धेकिया रे यसो भुन्‍यो, “हिम्‍मत अर, पावल क्‍यालाइकि जसरि तुइले यरुसलेममि मेरा बिसयमि गवाहि दिइ, तसेरि तुइले रोममिलइ गवाहि दिनुपणन्‍छ।”

प्रेरित 22:26

कप्‍तानले सेनापतिका वाँ जाइबर यो कुरडि सुनायो रे भुन्‍यो, “हजुर! कि अद्‍द चाहान्‍छउ? तमलाइ थ्‍या आथिन्‌? यो मान्‍स त रोमि नागरि रइछ।”

प्रेरित 21:32

रोमि सेनापतिले उन्‍जेइ सिपाइ रे कप्‍तान लेइबर दगुड्‍डाइ आया। मान्‍सले सेनापति रे कप्‍तानलाइ आउन्‍नारया धेकिबर पावललाइ हान्‍न छाड्‌यो।

प्रेरित 19:21

तइपाछा पावल माकेडोनिया रे अखइया हुनाइ येरुसलेम जान्‍या मन अर्‍यो, उनुले भुन्‍यो, “यरुसलेम पुग्‍या पाछा मुइले रोम सहर लइ जानुपणन्‍छ।”

प्रेरित 16:10

जबइ पावलले यो दर्सन पायो, तन्‍जेइ हाम माकेडोनिया जानाइलाइ तयार भया, हामले यो निर्णय अर्‍या कि तिनुनलाइ असल रइबार प्रचार अद्‍द परमेस्‍वरले हामुलाइ बोलाया रइछन् भन्‍या कुरा हामले जाण्‍या।

प्रेरित 10:22

तिनुनले भुन्‍यो, “एक जना कप्‍तान कर्नेलियस, जो सोजा रे परमेस्‍वरसित डराउन्‍या रे सारा यहुदि जातिबटहइ सम्‍मान पाया मान्‍स हुन्‌। तमलाइ उनरा घरमि बोलाया छन् क्‍यालाइकि तमबटहइ परमेस्‍वरको बचन सुन्‍न भुणि एक पबित्‍तर स्‍वर्गदुतबटहइ उनलाइ आदेस मिल्‍या छ।”

लूका 23:47

यो सब घटना धेकिबर कप्‍तानले यसो भन्‍नोइ परमेस्‍वरको महिमा अर्‍यो, “साँच्‍चिलइ यिन मान्‍स धर्मि रइछन्।”

लूका 7:2

कसइ एक जनो रोमि कप्‍तानको सप्‍पइ हइ निको नउकर बिमारिले मद्‌दाकि बटिरइथ्‍यो।

प्रेरित 28:1

इसेरि बाँचिबर किनारमि आयापाछा तइ टापुको नाउँ माल्‍टा रइछ भन्‍न्‍या कुरा हामले था पाया।