प्रेरित 26:10 - डोटेलि

¹⁰ मुइले यरुसलेममि तसेरि बिरोध अर्‍या। मुख्‍य पुजारिनबटहइ अधिकार पाइबर प्रभु इसुमि बिस्‍वास अद्‌द्‌या मान्‍सनलाइ मुइले झेलखानामि हालिबर उनुनलाइ माद्‍दया काममि समेत साहेता अर्‍या।

डोटेली नयाँ करार

¹⁰ मइले यरुशलेम सहरमि तसोइ अर्या, रे मुख्य पुजारि बठेइ अधिकार पाइबर प्रभु येशूमि बिश्वास अद्द्या भौत मान्सनलाइ झेल मान्तर हालेइन, या सम्मकि तिननलाइ मारन्ज्या तिनराइ बिरोधमी मइले मेरो सहमत लगइ दिया।

प्रेरित 26:10 Referans Kwoze

प्रेरित 8:3

तर साउलले बिस्‍वासिनलाइ नास अद्‍दाइलाइ घर घरमि पसिबर बिस्‍वास अद्‌द्‌या स्‍वानि रे बइकान मान्‍सनलाइ घसाणि लइजाइबर झेलखानामि हालिदिन्‍थ्‍या।

प्रेरित 9:21

तबइ सुन्‍न्‍याजति सप्‍पइले अचम्‍म मानिबर भन्‍न लाग्‍या, “क्‍या यरुसलेममि इसुमि बिस्‍वास अद्‌द्‌या जतिलाइ खतम अद्‍द खोज्‍या मान्‍स यइ हइन ब? याँ लइ इसुका सिस्‍यानलाइ पकणिबर मुख्‍य पुजारिनका वाँ लइजान्‍या नियतले आया यइ हइन ब?”

प्रेरित 9:26

साउल यरुसलेममि आयापाछा सिस्‍यानसित मिल्‍न खोज्‍यो। तर तिनुनलाइ साउल इसुका सिस्‍य हुन्‌ भन्‍न्‍या पत्‍यार नभयाहुनाले सप्‍पइ तनसित डराया।

प्रेरित 8:1

मान्‍सनले स्‍तिफनसलाइ इस्‍या ढुङाले हानिबर मारन्‍ज्‍या साउल लइ सहमत थ्‍या। तसइ दिन यरुसलेममि भया मण्‍डलिका बिरुद्‍मि ठुलो सतावट सुरु भयो। रे प्रेरितन बाहेक अउर बिस्‍वासिन सप्‍पइ यहुदिया रे सामरियाका इलाकातिर छरबट्‍ट भया।

प्रेरित 7:58

तिनुनले स्तिफनसलाइ सहर बाइर निकालि लइएइ तनमि ढुङाले हान्‍न लाग्‍या। स्‍तिफनसलाइ झुटा दोस लाउन्‍या मान्‍सनले आफना लत्‍ता फुकाइबर साउल नाउँ भया एक जनो ज्‍वान मान्‍सका खुट्‍टाखि राख्‍यो।

प्रेरित 9:41

पत्‍रुसले तनलाइ आफना हातले समाइबर जुणुक्‍क उठायो, रे उनुले प्रभुका पबित्‍तर जन रे बिधुवानलाइ बोलाइबर तबितालाइ जिउनि भयइ धेकायो।

प्रेरित 9:32

पत्‍रुस इथउथ सप्‍पइ ठउँरमि यात्‍रा अद्‍दाइ लुड्‍डामि भया प्रभुमि बिस्‍वास अद्‌द्‌या मान्‍सनका वा आइपुग्‍या।