प्रेरित 24:21 - डोटेलि

²¹ खालि एकइ कुरा मात्‍तरइ तिनुनले मुलाइ दोस लाउन सकन्‍ना, त्‍यो कि हो भन्‍या, ‘मुइले तिनुनका बिचमि कलिबर मर्‍या मान्‍सन जिउना हुनाहान भुण्‍या थ्‍या। आज यइ कुरामि हजुरका अगाडि मेरो मुद्‍दा चल्‍ला छ।’”

डोटेली नयाँ करार

²¹ एक मान्तरइ दोस जो तिनन मेरा बिरोधमी लाउन सक्दाहान, जब मइले आगनमी कल्लिबर जोरले भणिराइथ्या, ‘मर्या बठेइ जिउना हुनाहान भण्न्या कुरणीमि मइले बिश्वास अर्या हुनाले आज तमरा अगाडी मेरो मुद्दा चलिरइछ।’”

प्रेरित 24:21 Referans Kwoze

प्रेरित 23:6

माहासभामि सदुकि रे फरिसि समुहका मान्‍सन बस्‍या छन् भन्‍न्‍या कुरा था पाइबर पावलले ठुला स्‍वरमि भुन्‍यो, “दाइभाइन हो, मु फरिसिको चेलो फरिसि हुँ। मर्‍या मान्‍स अज जिउना हुनाछन्‌ भुन्न्‍या मुइले आसा राख्‍या कुरामि याँ मेरो मुद्‍दा चल्या छ।”

प्रेरित 28:20

तबइलाइ मुइले तमुसित भेटिबर यो कुरा अद्‍द तमुलाइ बोलाया हुँ। हाम इज्राएलिनले आस राख्‍या मुक्‍ति दिन्‍या राजाका निउति मु इसेरि साङलाले बाँधिया हुँ।”

प्रेरित 4:2

उनुन रिसाया थ्‍या क्‍यालाइकि इसु मर्‍याबटहइ जिउना भया छन्, तबइलाइ अउर मर्‍या मान्‍सन लइ जिउना हुन्‍या छन्। भन्‍न्‍या कुरा तिनुनले मान्‍सनलाइ सिकाउन्‍नाथ्‍या।

प्रेरित 24:15

धर्मि रे अधर्मिन दुएइ मान्‍स मर्‍यापाछा अज जिउना हुनाछन्‌ भन्‍न्‍या कुरा इनरि जसेरि मुइले लइ आसा राख्‍या छु।