प्रेरित 23:6 - डोटेलि

⁶ माहासभामि सदुकि रे फरिसि समुहका मान्‍सन बस्‍या छन् भन्‍न्‍या कुरा था पाइबर पावलले ठुला स्‍वरमि भुन्‍यो, “दाइभाइन हो, मु फरिसिको चेलो फरिसि हुँ। मर्‍या मान्‍स अज जिउना हुनाछन्‌ भुन्न्‍या मुइले आसा राख्‍या कुरामि याँ मेरो मुद्‍दा चल्या छ।”

डोटेली नयाँ करार

⁶ तर तइ यहुदि महासभामि एक दल सदुकीको समुह रे अर्खो दल फरिसि मान्सन रइछन भण्न्या था पाइबर पावलले जोरले भण्यो, “भाइन हो, म फरिसि हु रे म फरिसि मान्सनको सन्तान हु। परमेश्वरले मर्या बठेइ जिउना बनाउन्या हुन भणन्या आसा राख्या हुनाले याँ मेरो मुद्दा चलिरइछ।”

प्रेरित 23:6 Referans Kwoze

प्रेरित 24:21

खालि एकइ कुरा मात्‍तरइ तिनुनले मुलाइ दोस लाउन सकन्‍ना, त्‍यो कि हो भन्‍या, ‘मुइले तिनुनका बिचमि कलिबर मर्‍या मान्‍सन जिउना हुनाहान भुण्‍या थ्‍या। आज यइ कुरामि हजुरका अगाडि मेरो मुद्‍दा चल्‍ला छ।’”

प्रेरित 24:15

धर्मि रे अधर्मिन दुएइ मान्‍स मर्‍यापाछा अज जिउना हुनाछन्‌ भन्‍न्‍या कुरा इनरि जसेरि मुइले लइ आसा राख्‍या छु।

प्रेरित 28:20

तबइलाइ मुइले तमुसित भेटिबर यो कुरा अद्‍द तमुलाइ बोलाया हुँ। हाम इज्राएलिनले आस राख्‍या मुक्‍ति दिन्‍या राजाका निउति मु इसेरि साङलाले बाँधिया हुँ।”

प्रेरित 22:5

ठुला पुजारि रे सप्‍पइ माहासभाले लइ यइ बिसयमि मेरा पछ्‍यमि गवाइ दिनाहान्‌। क्‍यालाकि उनराइ तर्फबटहइ दमस्‍कस भन्‍‍न्‍या ठउँरमि यहुदि दाइभाइनलाइ पकणाउन्‍या अधिकारको पुर्जि पाइबर मु ताँ भया बिस्‍वासिनलाइ बादिबर यरुसलेममि लेइबर सजाय दिनाइलाइ दमस्‍कसमि गयाथ्‍या।”

प्रेरित 22:3

“मु किलिकिया सहरका टार्ससमि जन्‍मिया एक यहुदि हुँ, रे यइ सहरमि गमलिएलको सिस्‍य होइबर हुर्किया हुँ, हामरा पुर्खाका बिधिअन्‍सार मुइले निकोनिको सिछ्‌या पाया हुँ, आज तमु परमेस्‍वरको सेबा अद्‍द जति उत्‍साहित छउ मुलइ तति उत्‍साहित थ्‍या।

प्रेरित 22:30

यहुदिनले पावललाइ क्‍याकि दोस लाया हुन्‌, त्‍यो कुरा सेनापति बुज्‍ज चाहान्‍थ्‍या, तसो भयाहुनाले भोलिबार उनुले मुख्‍य पुजारि रे माहासभाका सप्‍पइ सदस्‍यानलाइ बोलाइबर सभा अद्‌द्‌या आग्‍या दियो रे पावललाइ लयइबर सप्‍पइका अगाडि कलेयो।

प्रेरित 23:1

पावलले माहासभाका चारइतिर हेरिबर भुन्‍यो, “दाइभाइन हो, आजसम्‍म मेरा जिबनका यात्‍रामि मुइले मेरा मनलाइ परमेस्‍वरका अगाडि चोखो राख्‍या छु।”

प्रेरित 23:7

तनले यसो भनिसक्‍यापाछा फरिसिनमि मतभेत भयो, रे भिडमि फाटो भयो।

प्रेरित 23:15

तबइलाइ तमु रे माहासभाका सप्‍पइ मिलिबर सेनापतिलाइ जानकारि दिय रे तइको मुद्‍दाको निर्णय अज ठिक तरिकाले अद्‍दु पड्‍न्‍छ भन्‍या बाहाना बनाइबर तइलाइ ब्‍यारेकबटहइ निकाल, रे माहासभामि आउना आउनइ हाम तइलाइ बाटाइमि माद्‍दया छउ।”

प्रेरित 23:20

तइले भुन्‍यो, “यहुदिनले पावलका बिसयमि अज निकेरि सोदखोज अद्‌द्‌या निउ बनाइबर भोल तिनलाइ माहासभामि लेइदिय भणि तमसङ अनुरोध अद्‌द्‌या मत अर्‍या छ।