प्रेरित 21:19 - डोटेलि

¹⁹ पावलले तिनुन सप्‍पइलाइ भेटघाट अर्‍यापाछा, उनुले तिनरा सेबकाइमि भया अउरजातिका बिचमि परमेस्‍वरले अर्‍या काम तिनुनलाइ एक एक अरिबर बताइदियो।

डोटेली नयाँ करार

¹⁹ पावलले तिननलाइ अबिबादन अर्या पछा उनरो सेवा बठेइ गैर-यहुदि मान्सनका बिचमि परमेश्वरले कसा-कसा काम अर्याथ्यो, त्यो सब एक-एक अरिबर भणिदियो।

प्रेरित 21:19 Referans Kwoze

प्रेरित 14:27

पावल रे बारनाबास एन्‍टिओखियामि आया, तबइ मण्‍डलिका बिस्‍वासिनलाइ भेला अरायो, रे परमेस्‍वरले तिनुनसित अर्‍या सप्‍पइ कामको बयान अर्‍यो, रे कसेरि परमेस्‍वरले अउरजातिनका मान्‍सनकि निउति बिस्‍वास अद्‌द्‌या बाटो खोलिदियो त्‍यो कुरा सुणायो।

प्रेरित 1:17

क्‍यालाइकि त्‍यो हाम मध्‍येकोइ थ्‍यो, रे इसइ सेबामि प्रभुको काम अद्‍दाइलाइ चुनिया थ्‍यो।”

प्रेरित 20:24

तर मु आफना जिबनलाइ केइ मोलको लइ ठान्‍नइन, इति मात्‍र चाहानउ कि परमेस्‍वरले मान्‍स जातिलाइ अनुग्रह अर्‍या छ भन्‍या असल रइबारको गवाहि दिनाइलाइ मेरो दउड रे प्रभु इसुबटहइ मिल्‍या मेरो सेबकाइ मु पुरा अद्‌द सकु।

प्रेरित 15:12

यो सुनिबर सभाका सप्‍पइ मान्‍सन चुप लागि बस्‍या, रे अउरजातिनका बिचमि परमेस्‍वरले तिनुनबटहइ कसा चिन्‍हन रे अचम्‍मका काम अर्‍यो तइको बयान पावल रे बारनाबासले अर्‍यो, उनुनले यो बयान सुणिरया।

प्रेरित 15:4

जबइ तिनुन यरुसलेम आया, तबइ तिनुनलाइ मण्‍डलिका बिस्‍वासिन, प्रेरितन रे अगुवानले स्‍वागत अर्‍यो। परमेस्‍वरले तिनुनसित अर्‍या सप्‍पइ कुराको प्रतिबेदन तिनुनले ताँ दियो।