प्रेरित 20:21 - डोटेलि

²¹ यहुदिनलाइ रे ग्रिकनलाइ पस्‍साताप अरिबर परमेस्‍वरतिर फर्किय रे हामरा प्रभु इसु ख्रिस्‍टमि बिस्‍वास अर भन्‍न्‍या कुराको प्रचार मुइले अर्‍या छु।

डोटेली नयाँ करार

²¹ यहुदि मान्सन रे गैर-यहुदि मान्सनलाइ पाप अद्द छाडिबर परमेश्वरतिर फर्क रे हामरा प्रभु येशू ख्रीष्टमी बिश्वास अर भण्नेइ कुरणीको गवाही मइले दिइराइछु।”

प्रेरित 20:21 Referans Kwoze

प्रेरित 2:38

“पत्‍रुसले तिनुनलाइ भन्‍यो, तमु सप्‍पइले पाप छिमापाउनाइलाइ पस्‍याताप अरिबर इसु ख्रिस्‍टका नाउँमि बप्‍तिस्‍मा लिय, रे तमुले पबित्‍तर आत्‍माको बर्दान पाउन्‍या छउ।

प्रेरित 11:18

यो कुरा सुण्‍यापाछा प्रभुमि बिस्‍वास अद्‌द्‌या यहुदि दाइभाइनले पत्‍रुसलाइ दोस्‍याउन छाड्‍यो रे “आब त परमेस्‍वरले अउरजातिनलाइ उनुनका पापबटहइ पस्‍साताप अद्‍द रे जिबन पाउनाइलाइ बोलायारइछन” भनिबर परमेस्‍वरको प्रसम्‍सा अर्‍यो।

प्रेरित 20:24

तर मु आफना जिबनलाइ केइ मोलको लइ ठान्‍नइन, इति मात्‍र चाहानउ कि परमेस्‍वरले मान्‍स जातिलाइ अनुग्रह अर्‍या छ भन्‍या असल रइबारको गवाहि दिनाइलाइ मेरो दउड रे प्रभु इसुबटहइ मिल्‍या मेरो सेबकाइ मु पुरा अद्‌द सकु।

लूका 13:3

मु तमुखि भुन्‍नउ, तसो हइन, रे तमुले पस्‍याताप अर्‍यानु भन्‍या तमु लइ सप्‍पइ तसेरि नास हुन्‍याछउ।

प्रेरित 26:18

तुइले तिनुनका आँखा खोलिदिन्‍या, रे तिनुनलाइ अन्‍याराबटहइ उज्‍यालामि, रे सइतानका सक्‍तिबटहइ परमेस्‍वरतिर फर्काउन्‍पडन्‍छ। इसरि तिनुनले पापको छिमा पाउन्‍याछन् रे मुलाइ बिस्‍वास अर्‍या हुनाले परमेस्‍वरले चुन्‍या मान्‍सनका ठउँर बस्‍स पाउन्‍याछन्।’

लूका 24:47

रे यरुसलेमबटहइ सुरु अरिबर सप्‍पइ जातिनलाइ उनरा नाउँमि पस्‍याताप रे पाप छिमाको प्रचार हुनपड्‌न्‍छ।

प्रेरित 26:20

तर पइलि दमस्कसमि, तबइ यरुसलेममि रे सारा यहुदिया देसभरि रन्‍यानलाइ, रे अउरजातिनलाइ लइ पस्‍साताप अरिबर परमेस्‍वरतिर फर्क रे आफनो पस्‍साताप अन्‍सार काम अरिबर प्रमाण दिय भुणिबर मुइले प्रचार अर्‍या।

प्रेरित 17:30

तबइलाइ अन्‍जानमि नजाणि अर्‍या कामलाइ परमेस्‍वरले वास्‍ता अद्‍दाइन्‌, रे आब परमेस्‍वरले सप्‍पइ मान्‍सनलाइ आफना आफना पापलाइ मानिबर छाणुन भन्‍न्‍या आग्‍या दिया छन्।

मर्कुस 6:12

तइपाछा सिस्‍या गया रे मान्‍सलाइ “पस्‍साताप अर,” भनिबर प्रचार अद्‌द लाग्‍या।

मर्कुस 1:15

उनुले भुन्‍यो, “समय पुरा भया छ, रे परमेस्‍वरको राज्‍य नजिकइ आइरइ छ! पस्‍साताप अर रे असल रइबारमि बिस्‍वास अर।”

प्रेरित 28:23

तइपाछा उनुनले पावलका कुरा सुन्‍नाइलाइ एक दिन तोक्‍यो। तोक्‍या दिनमि भउत मान्‍सन तिनरा डेरामि आया। तइ दिन पावलले ब्‍याहानइबटहइ बासाइतिकसम्‍म परमेस्‍वरको राज्‍यका बिसयमि सिछ्‍या दियो। धर्म- सास्‍त्‍तरमि मोसा रे अगमबक्‍तानले लेख्‍या कुरा लेइबर उनुले इसुका बिसयमि बुजाउनाइ तिनुनलाइ बिस्‍वासमि ल्‍याउन्‍या कोसिस अर्‍यो।

प्रेरित 16:31

रे तिनुनले भुन्‍यो, “प्रभु इसु ख्रिस्‍टमि बिस्‍वास अर तम रे तमरा घरका मान्‍सनले मुक्‍ति पाउन्‍याछउ।”

प्रेरित 10:43

सप्‍पइ अगमबक्‍तानले उनरा बिसयमि इसेरि गवाइ दिया छन्, ‘उनमि बिस्‍वास अद्‌द्‌या सप्‍पइले उनरो नाउँबटहइ पाप-छिमा पाउँछ।’”

प्रेरित 8:25

तइपाछा पत्‍रुस रे युहन्‍नाले प्रभुका बिसयमि प्रचार अरिसक्‍यापाछा यरुसलेम फर्‌किबर आउनज्‍या तिनुनले सामरियाका भउत गाउँ गाउँमि जाइबर असल रइबार सुणायो।

प्रेरित 3:19

तबइलाइ पस्‍साताप अर रे परमेस्‍वरतिर फर्किय, उनुले तमरा पाप छिमा अद्‌द्‌या छन्। रे परमप्रभु परमेस्‍वरले तमुलाइ आत्‍मामि ताजापन दिन्‍या समय दिन्‍या छन्।

प्रेरित 2:40

पत्‍रुसले अउर भउत कुराबटहइ यसो भुनिबर बिन्‍ति अर्‍यो, “यइ दुस्‍ट पुस्‍ताबटहइ तमुले आफुइलाइ बचा।”

लूका 15:10

मु तमुखि भुन्‍नउ, इसेरि पस्‍याताप अद्‍या एक जनो पापिखिलाइ परमेस्‍वरका स्‍वर्गदुतनका आगाडि आनन्‍न हुन्‍छ।”

लूका 15:7

मु तमुखि भुन्‍नउ, इसेरि पस्‍याताप अद्‌दु नपड्‍या उनान्‍सय धार्मिक जनकि निउति भन्‍ना पस्‍याताप अद्‌या एक जना पापिकि निउति स्‍वर्गमि अज बर्ता आनन्‍न हुन्‍या छ।

लूका 13:5

तसो हइन, रे मु तमुखि भुन्‍नउ, तमुले लइ पस्‍याताप अर्‍यानु भन्‍या, तम सप्‍पइ तसेरि नास हुन्‍याछउ।”

प्रेरित 24:24

केइ दिन पाछा बडा-हाकिम फेलिक्‍स आफनि यहुदि स्‍वाइनि द्रुसिल्‍लालाइ सङ लेबर आया, उनुले पावललाइ बोलाइबर ख्रिस्‍ट इसुलाइ बिस्‍वास अद्‌द्‌या बिसयमि तनबटहइ सुण्‍यो।

प्रेरित 19:17

यो कुरडि एफिससमि भया यहुदि रे ग्रिकनमि फइलियो, रे तिनुनले प्रभु इसुका नाउँको ठुलो प्रसम्‍सा अर्‍यो।

लूका 16:28

क्‍यालाइकि मेरा पाँच भाइ छन्, रे तइले जाइबर तिनुनलाइ चेतावनि दियाले हुनेइथ्‍यो नति तिनुन लइ इसइ दुःखका ठउँरमि आउन्‍याछन्।’

प्रेरित 20:23

इति मात्‍तरइ जान्‍नउ कि मु गया सप्‍पइ सहरमि सतावट रे झेलखानाको दु:ख मुइले भोग्‍दुपड्‌या छ भनिबर पबित्‍तर आत्‍माले मुलाइ थाँ दिया छन्।