प्रेरित 19:21 - डोटेलि

²¹ तइपाछा पावल माकेडोनिया रे अखइया हुनाइ येरुसलेम जान्‍या मन अर्‍यो, उनुले भुन्‍यो, “यरुसलेम पुग्‍या पाछा मुइले रोम सहर लइ जानुपणन्‍छ।”

डोटेली नयाँ करार

²¹ यिन कुरणी भइ सक्या पछा पावल माकेडोनिया प्रदेस रे अखैया प्रदेशका बिश्वासीसित भेट्यो रे तइ पछा यरुशलेम सहरमि जान्या फैसला अर्यो। तिनले भण्यो, “यरुशलेम सहरमि पुग्या पछा म रोम सहरमि जानुइ पणन्छ।”

प्रेरित 19:21 Referans Kwoze

प्रेरित 20:22

अइल मु पबित्‍तर आत्‍माले भुण्‍या मानिबर यरुसलेमतिर जान्‍नाछु, ताँ मुलाइ कि हुन्‍या हो मु जान्‍नइन।

प्रेरित 20:16

एसियामि अलमल्‍ल हुन्‍छ भनिबर पावल एफिसस सहरमि नपसि जान्‍या बिचार अर्‍यो, क्‍यालाइकि उनलाइ यरुसलेममि पुग्‍द हतार भया थ्‍यो, उनुले पेन्‍तिकोसको चाडसम्‍म पुग्‍द्‍या इच्‍छा राख्‍या थ्‍यो।

प्रेरित 23:11

तइ रात प्रभु पावलका नजिकइ धेकिया रे यसो भुन्‍यो, “हिम्‍मत अर, पावल क्‍यालाइकि जसरि तुइले यरुसलेममि मेरा बिसयमि गवाहि दिइ, तसेरि तुइले रोममिलइ गवाहि दिनुपणन्‍छ।”

प्रेरित 18:21

तिनुनबटहइ बिदा हुन्‍ज्‍या पावलले यसो भुन्‍यो, “परमेस्‍वरको इच्‍छा भयाले मु अज फर्‌किबर तमरा वाँ आउन्‍या छु।” तइपाछा उन एफिससबटहइ पानि जहाज चडिबर गया।

१ थेसलोनिकि 1:7

तबइलाइ तमु माकेडोनिया रे अखइयामि भया सप्‍पइ बिस्‍वासिकि निउति एक उदारण भया छउँ।

प्रेरित 28:16

हाम रोम सहरमि आयापाछा पावललाइ एक जनो सिपाइका पहरामि आफनोइ डेरा लिबर बस्‍या अनुमति मिल्‍यो।

प्रेरित 27:24

‘पावल जनडराइ, तु रोमि महाराजा अगाडि जसेरि लइ पुग्‍द्‍या छइ। सुण, तुसित जहाजमि जान्‍या सप्‍पइलाइ परमेस्‍वरले रछ्‍या अद्‌द्‌याछन्।’

प्रेरित 27:1

हामले पानि जहाजको यात्‍रा अरिबर इटालिया देसमि जानुपणन्‍छ भुणि निर्णय भयापाछा तिनुनले पावल रे अउर कतिबइ कइदिनलाइ रोमि महाराजा अगस्‍टसका युलियस भन्‍न्‍या कप्‍तानका जिम्‍मामि लाइदियो।

प्रेरित 21:17

हाम यरुसलेममि आइ पुगन्‍ज्‍या, ताँका बिस्‍वासिनले हामुलाइ भउत खुसिहोइबर स्‍वागत सत्‍कार अर्‍यो।

प्रेरित 21:4

रे ताँ बस्‍या बिस्‍वासि दाइभाइनलाइ भेट्‍ट गया रे एक हप्‍तासम्‍म तिनुनसितइ बस्‍या। पबित्‍तर आत्‍माबटहइ अगुवाइ पाइबर तिनुनले पावललाइ यरुसलेममि जन्‍जा भनिबर बिन्‍ति अर्‍यो।

प्रेरित 18:12

अखइया इलाकामि गलियोन भनिन्‍या मान्‍स ठुला हाकिम भया बेला यहुदिन एक जुट होइबर पावलमि जाइलाग्‍या रे पकणिबर उनलाइ ठुला हाकिमका वाँ ले‍इबर भुन्‍यो,

प्रेरित 16:12

रे ताँबटहइ हामले यात्‍रा अरिबर फिलिप्‍पिमि पुग्‍या, जो माकेडोनियाको प्रमुख सहर रे रोमि सरकारका अधिनमि थ्‍यो। हाम तइ सहरमि केइ दिन बस्‍या।

प्रेरित 19:22

तइपाछा उनुले आफनो सेबा अद्‌द्‌या तिमोथि रे इरास्‍तसलाइ माकेडोनिया पठायो, रे आफु केइ दिनसम्‍म एसिया इलाकामि बस्‍या।

प्रेरित 19:29

सारा सहरमि होहल्‍ला मचियो, रे तिनुन सप्‍पइ हुल बाधिबर पावलका सङि माकेडोनियामि बस्‍या गायस रे अरिस्‍तार्खसलाइ समाइबर रङ्‌गसालामि लइया।