प्रेरित 18:8 - डोटेलि

⁸ यहुदि सभाघरका सासक क्रिस्‍पस रे उनरा पुराइ मउकपिलाले प्रभुमि बिस्‍वास अर्‍यो, रे कोरिन्‍थिका अउर भउत मान्‍सले लइ पावलको सिछ्‍या सुनिबर प्रभुमि बिस्‍वास अर्‍यो, रे बप्‍तिस्‍मा लियो।

डोटेली नयाँ करार

⁸ यहुदि सभाघरको सासक क्रिस्पसका सब परिबारले प्रभुमि बिश्वास अर्यो, रे कोरिन्थी सहर मान्सनमि हइ लगइ भौतले पावलको सन्देश सुणिबर प्रभुमि बिश्वास अर्यो, रे बप्तिस्मा लियो।

प्रेरित 18:8 Referans Kwoze

प्रेरित 11:14

उनुले तमलाइ परमेस्‍वरको बचन सुणाउन्‍या छन्। जइबटहइ तम रे तमरा पुराइ परिवारले मुक्‍ति पाउन्‍याछउ।’

प्रेरित 8:12

तर फिलिपले परमेस्‍वरको राज्‍यका रे इसु ख्रिस्‍टका नाउँमि असल रइबार सुणायो। तबइ भउत मान्‍सनले फिलिपका कुरामि बिस्‍वास अरिबर बप्‍तिस्‍मा लियो।

प्रेरित 18:17

तबइ तिनुन सप्‍पइले सभाघरका सासक सोस्‍थेनेसलाइ समाइबर अदालतका अगाडि हाण्‍यो, रे गलियोनले तइ कुराको वास्‍ताइ अरेइन।

प्रेरित 16:34

तइपाछा तिनुनलाइ हाकिमले आफना घर लइजाइबर खाना ख्‍वायो, रे परमेस्‍वरमि बिस्‍वास अर्‍या हुनाले उनरा घरका सप्‍पइ मान्‍स खुसि भया।

प्रेरित 13:15

आब ब्‍यबस्‍थाका किताब रे अगमबक्‍तानले लेख्‍या किताबको पाठ पण्‍यापाछा सभाघरका सासकले तिनुनका वाँ यसो भुणि पठायो, “ए भाइ हो, तमुसित मान्‍सनकि निउति अर्तिका बचन केइ छ भुन्‍या भण।”

प्रेरित 10:2

तन परमेस्‍वरको आराधना अद्‌द्‌या मान्‍स थ्‍या। तन रे तनरा सप्‍पइ मउकपिलाले परमेस्‍वरको डर राखन्‍थ्‍या। तन खाँचामि पण्‍या मान्‍सनलाइ उदार चित्‍तले दान दिइबर परमेस्‍वरसित सदाइँ प्रार्थना अरनथ्‍या।

मर्कुस 5:35

उनु बोल्‍ला बोल्‍लाइ सभाघरका सासक याइरसका घरहइ मान्‍स आया। तिनुले यारसलाइ भुन्‍यो, “तमरि चेलि त मरिगइ। आब गुरुलाइ दु:ख जनदिय।”

मर्कुस 5:22

तइका केइ समय पाछा सभाघरका सासकमध्‍येका एक जना याइरस नाउँ भया इसुका वाँ आया। इसुलाइ धेकिबर उनरा खुट्‌टाइनि घोप्‍टो पणिबर बिन्‍ति अर्‍यो,

प्रेरित 18:1

तइपाछा पावल एथेन्‍सबटहइ बिदा भइबर कोरिन्‍थ सहरमि गया।

प्रेरित 19:1

अपोल्‍लोस कोरिन्‍थ सहरमि हुन्‍ज्‍या पावल एसिया इलाकाका बिचबटहइ भइबर एफिसस सहरमि आइपुग्‍या। ताँ पावलले प्रभुमि बिस्‍वास अद्‌या सिस्‍यानलाइ भिट्‍यो।

२ तिमोथी 4:20

इरास्‍तस कोरिन्‍थमि रयो। तोरोफिमस बिरामि भयाहुनाले तइलाइ मिलेटस सहरइ छाड्‍याँ।