प्रेरित 18:12 - डोटेलि

¹² अखइया इलाकामि गलियोन भनिन्‍या मान्‍स ठुला हाकिम भया बेला यहुदिन एक जुट होइबर पावलमि जाइलाग्‍या रे पकणिबर उनलाइ ठुला हाकिमका वाँ ले‍इबर भुन्‍यो,

डोटेली नयाँ करार

¹² जब गलियोन अखैया प्रदेसका हाकिम भया, तब यहुदि मान्सन मिलिबर पावललाइ जाइ लाग्या रे उनलाइ समाइबर अदालतमि हाकिमका वाँ लैजाइबर भण्यो,

प्रेरित 18:12 Referans Kwoze

प्रेरित 18:27

तइपाछा अपोल्‍लोसले अखइया इलाकामि जान्‍या बिचार अर्‍यो, एफिससमि भया प्रभुका सिस्‍यानले उनलाइ जान्‍या हउसला दियो रे अपोल्‍लोसको स्‍वागत अद्‍दु भनि ताँ बस्या बिस्‍वासिनलाइ एक चिट्‌ठि लइ लेख्‍दियो। अखइया पुग्‍यापाछा अपोल्‍लोसले ताँ प्रभुका अनुग्रहले अरन्‍ज्‍या बिस्‍वास अद्‌द्‌यानलाइ भउत साहेता अर्‍यो।

प्रेरित 13:50

तर पावल रे बारनाबासका बिरुद्‍द यहुदिनले भक्‍त रे नाउँचलेइ स्‍वानिन रे सहरका मुख्‍या मुख्‍या मान्‍सनलाइ उस्‍कायो, रे पावल रे बारनाबासलाइ आफना साँधसिमानाबटहइ बाइर निकालिदियो।

प्रेरित 13:7

त्‍यो जादुगर साइप्रस टापुका बडा-हाकिम अग्‍गासियस पउलससित बसन्‍थ्‍यो। अग्‍गासियस पउलस बुद्‍दिमान मान्‍स थ्‍या। तनले साउल रे बारनाबासलाइ बोलाइबर परमेस्‍वरको बचन सुन्‍न्‍या इछ्‍या अर्‍यो।

प्रेरित 25:10

तर पावलले भुन्‍यो, “मु रोमि माहाराजाका न्‍यायलय अगाडि कलिरइछु। याँइ मेरो न्‍याय हुन्‍पडन्‍छ। मुइले यहुदिनका बिरोधमि केइ खराबि अर्‍या आथिन्‌ भन्‍न्‍या कुरा हजुरलाइ लइ थाइ छ।

प्रेरित 17:13

रे जबइ परमेस्‍वरको बचन पावलबटहइ बेरियामि लइ प्रचार हुन्‍ना छ भन्‍या थेसलोनिकेका यहुदिनले था पायो, तबइ तिनुन ताँ लइ हुलदङा मच्‍चाउनाइलाइ आया।

प्रेरित 14:19

तर कोइ कोइ यहुदिन एन्‍टिओखिया रे आइकोनियनबटहइ ताँ आया। रे भिडलाइ मनाइबर पावललाइ ढुङाले हाण्‍यो, रे तन मर्‍या हुन्‍ना भनिबर सहरबटहइ बाइर घिसाड्‍डाइ लइया।

प्रेरित 14:2

तर बिस्‍वास नअद्‌द्‌या यहुदिनले भन्‍या अउरजातिनलाइ भड्‍काइबर प्रभुमि बिस्‍वास अद्‌द्‌या दाइभाइका बिरुद्‍दमि उनुनको मन तितो पाणिदियो।

प्रेरित 17:5

तर अउर यहुदिनले तिनुनको डाहाँ अरिबर बजारका गुन्‍डानलाइ जम्‍मा अरि हुल बाधिबर सहरमि हुलदङा मच्‍चाउन लाया। तिनुनले यासोनका घरमि गइबर पावल रे सिलासलाइ सप्‍पइका अगाडि लेइबर कल्‍लेउन खोज्‍यो।

प्रेरित 13:12

तबइ प्रान्‍तका तिन सासकले यो भया धेकिबर बिस्‍वास अर्‍यो, क्‍यालाइकि प्रभुका सिछ्‍यामि तन अचम्‍म पण्‍याथ्‍या।

प्रेरित 13:8

तर एलुमास जादुगरले तिनुनको बिरोद अद्‍दोइ (क्‍यालाइकि ग्रिक भासामि तइको नाउँको अर्थ यइ हो) अग्‍गासियस पउलसलाइ इसुमि बिस्‍वास अद्‍दबटहइ बहकाउन खोज्‍यो।

प्रेरित 18:11

रे परमेस्‍वरको बचन सिकाउनाइ पावल एक बर्स छइ मइनासम्‍म कोरिन्‍थ सहरमि बस्‍या।

प्रेरित 19:21

तइपाछा पावल माकेडोनिया रे अखइया हुनाइ येरुसलेम जान्‍या मन अर्‍यो, उनुले भुन्‍यो, “यरुसलेम पुग्‍या पाछा मुइले रोम सहर लइ जानुपणन्‍छ।”

१ थेसलोनिकि 2:14

क्‍यालाइकि मेरा प्‍यारा भाइबिना हो, तमु लइ इसु ख्रिस्‍टमि बिस्‍वास अद्‌द्‌या यहुदियामि भया परमेस्‍वरका मण्‍डलि जसाइ भया छउ, क्‍यालाइकि यहुदियाका मण्‍डलिले इज्राएलबटहइ जसो दुःख-कस्‍ट भोग्‍यो तसेरि तमुले लइ आफनाइ जातिका मान्‍सबटहइ दुःख कस्‍ट भोग्‍या।

१ थेसलोनिकि 2:16

परमेस्‍वरको असल रइबार अउरजातिले सुनिबर मुक्‍ति नपाउन भनिबर तिनुले असल रइबार प्रचार अद्‍द रोक्‍द्‍या कोसिस अर्‍या छन्। यसेरि तिनरो पाप थुपणिन्‍ना छ। तर आब त परमेस्‍वरको क्रोध तिनुमि पण्‍या छ।