प्रेरित 15:7 - डोटेलि

⁷ भउत बहस चल्‍यापाछा पत्‍रुसले कलिबर तिनुनलाइ भुन्‍यो, “दाइभाइ हो, तमुलाइ थाइ छ, सुरुका दिननमि कसेरि परमेस्‍वरले मेरा मुखबटहइ अउरजातिनले असल रइबारकको बचन सुणुन रे बिस्‍वास अरुन भुणि तमरा बिचबटहइ मुलाइ चुन्‍यो।

डोटेली नयाँ करार

⁷ भौत वाद-बिबाद भया पछा पत्रुसले कल्लिबर तिननलाइ भण्यो, “भाइन हो, तमनलाइ थाइछ, सुरुका दिनमि कसेरी परमेश्वरले म बठेइ गैर-यहुदि मान्सनले सुसमाचारको बचन सुणुन रे बिश्वास अरुन भणि तमरा बिच बठेइ मलाइ छान्यो।

प्रेरित 15:7 Referans Kwoze

प्रेरित 15:2

तबइ पावल रे बारनाबासको तिनुनसित भउत मतभेत रे बाद-बिवाद भयापाछा, ताँका दाइभाइनले पावल, बारनाबास रे अउर कति जनालाइ यइ कुराको फइसलाकि निउति प्रेरितन रे अगुवानका वाँ यरुसलेम जानाइलाइ निउक्‍ति अर्‍यो।

प्रेरित 20:24

तर मु आफना जिबनलाइ केइ मोलको लइ ठान्‍नइन, इति मात्‍र चाहानउ कि परमेस्‍वरले मान्‍स जातिलाइ अनुग्रह अर्‍या छ भन्‍या असल रइबारको गवाहि दिनाइलाइ मेरो दउड रे प्रभु इसुबटहइ मिल्‍या मेरो सेबकाइ मु पुरा अद्‌द सकु।

प्रेरित 10:20

उठ, रे तल्‍तिर ओरल, रे नहिचकिचाइबर तिनुनसित जा, क्‍यालाइकि तिनुनलाइ मुइले पठाया हुँ।”

प्रेरित 15:39

तइ कुरडिले पावल रे बारनाबासका बिचमि इति ठुलो मतभेद भयो, कि तिनुन एक अर्काबटहइ छुट्‍टिबर, बारनाबासले मर्कुसलाइ लइयइबर पानि जहाज चडि साइप्रसतिर गया।

प्रेरित 13:2

तिनुनले प्रभुको आराधना अद्‍दारया रे उबास बसिरयाबेला पबित्‍तर आत्‍माले भुन्‍यो, “मेरि निउति बारनाबास रे साउललाइ जइ कामकि निउति मुइले तिनुनलाइ बोलाया छु, तइ कामकि निउति अलग अर।”

प्रेरित 9:15

तर प्रभुले तनलाइ भुन्‍यो, “जा, क्‍यालाइकि अउरजातिन, राजान रे इज्राएलिनका सन्‍तानका अगाडि मेरो नाउँ प्रचार अद्‌द्‌या मान्‍स हुनाइलाइ मुइले तनलाइ चुन्या छु।

प्रेरित 4:25

तमले पबित्‍तर आत्‍माबटहइ आफना सेबक हामरा पुर्खा दाउदका मुखबटहइ भुन्‍या, “अउरजातिन क्‍याकि झोकिया, रे मान्‍सनले खालिसारा कुराको क्‍याकि योजना अर्‍यो?

प्रेरित 3:18

ख्रिस्‍टले दुःख भोग्‍दु पणन्‍छ भनि परमेस्‍वरले सप्‍पइ अगमबक्‍ताका मुखबटहइ भुन्‍या अगमबाणि उनुले इसेरि पुरा अर्‍यो।

प्रेरित 1:24

तबइ प्रेरितनले इसेरि प्रार्थना अर्‍यो, “हे प्रभु, तमले सप्‍पइ मान्‍सका ह्रिदयाका कुरा जाणन्‍छउ। यिन दुइ जनामध्‍ये तमले कइलाइ चुन्‍या छउ त्‍यो हामुलाइ धेकाइदिय,

प्रेरित 1:16

“दाइभाइन हो, इसुलाइ पक्राउ अद्‌द्‌या मान्‍सनको अगुवा यहुदाका बारेमि दाउद राजाले पबित्‍तर आत्‍माबटहइ धर्म- सास्‍त्‍तरमि भउत पइलि भुण्‍या थ्‍यो। यो कुरा पुरा हुनइपड्‍डया थ्‍यो।

प्रेरित 10:19

जबइ पत्‍रुस दर्सनका बिसयमि बिचार अद्‍दाथ्‍या तबइ पबित्‍तर आत्‍माले तनलाइ भुन्‍यो, “हेर, तिन जना मान्‍सनले तुलाइ खोज्‍जाछन्।

प्रेरित 15:14

परमेस्‍वरले कसेरि दया अरि पइलिबेर अउरजातिका मान्‍सनका ह्रिदयमि काम अरिबर तिनुनलाइ आफना जन बनायो भन्‍न्‍या कुरा तमुले सिमोन पत्‍रुसका मुखबटहइ सुणिहाल्‍या।

प्रेरित 21:16

हामसित कइसरिया भन्‍या ठउँरका प्रभुमि बिस्‍वास अद्‌द्‌या कोइ कोइ दाइभाइन लइ आया, रे तिनुनले हामुलाइ साइप्रस टापुबटहइ आइबर बस्‍या प्रभुका एक जना पुराना बिस्‍वासि मनासोनका घरमि लइया, तनरा वाँ हाम बास बस्‍या।