प्रेरित 14:3 - डोटेलि

³ तर प्रभुका भरोसामि साहाससित बोल्‍लाइ भउत समयसम्‍म पावल रे बारनाबास ताँ रया। प्रभुले तिनुनका हातबटहइ चिन्‍ह रे अचम्‍मका काम अराइबर आफनो अनुग्रहका बचनको साँचो हो भुणि धेकाइदियो।

डोटेली नयाँ करार

³ प्रभुका निउति साहससित बोल्लाइ भौत बेर सम्म पावल रे बारनाबास ताँइ रया। प्रभुले तिनन बठेइ चमत्कारी चिन्ह रे अचम्मका काम अराइबर तिननले यो साबित अर्यो कि यइ अनुग्रहका बारेमि तिनरो सन्देश साच्ची थ्यो।

प्रेरित 14:3 Referans Kwoze

प्रेरित 20:32

“आब मु तमुलाइ परमेस्‍वरका हातमि जिम्‍मा लाउन्‍नाछु रे उनराइ अनुग्रहले भरिया बचनका भरमि सउपिदिनउ, जइबटहइ परमेस्‍वरले तमुलाइ बिस्‍वासमि बलियो बनाइरन्‍या छन् रे आफना मान्‍सनलाइ आसिसका भागिदार बनाउन्‍या छन्।

प्रेरित 20:24

तर मु आफना जिबनलाइ केइ मोलको लइ ठान्‍नइन, इति मात्‍र चाहानउ कि परमेस्‍वरले मान्‍स जातिलाइ अनुग्रह अर्‍या छ भन्‍या असल रइबारको गवाहि दिनाइलाइ मेरो दउड रे प्रभु इसुबटहइ मिल्‍या मेरो सेबकाइ मु पुरा अद्‌द सकु।

१ थेसलोनिकि 2:2

ताँ आउनुभन्‍ना अगाडि फिलिप्‍पिका मान्‍सले हामुलाइ दुःख दियो रे हामरो बेइजत अर्‍यो, यो कुरा लइ तमुलाइ थाइ छ। तबलाइ परमेस्‍वरले हामुलाइ साहास दियो रे बिरोधि जति भया लइ हामुले तमुलाइ असल रइबार सुनाइबरइ छाड्‍याउँ।

मर्कुस 16:20

पइ तिनु सिस्‍या गइबर सप्‍पइ ठउँर प्रचार अर्‍यो। प्रभु तिनुसित होइबर काम अद्‍दइ रया, रे अचम्‍मका चिन्‍हबटहइ बचनलाइ सत्‍य पाड्‍यो।

प्रेरित 5:32

यइ कुराका साछि हाम छउँ, रे परमेस्‍वरले उनरा आग्‍या मान्‍यान्‌लाइ दिया पबित्‍तर आत्‍माले लइ साछि दिन्‍नाछन्।

प्रेरित 2:22

“इज्राएलका मान्‍सन हो, मेरा कुरा सुण! नासरतका इसुका जिबनबटहइ परमेस्‍वरले तमरा बिचमि सक्‍तिसालि काम अर्‍यो रे भउत अचम्‍मका चिन्‍ह धेकायो। त्‍यो त तमुलाइ थाइ छ, परमेस्‍वरले इसुलाइ आफुले पठाया हुँ भनिबर तिनइ कामबटहइ धेकायो।

प्रेरित 13:46

तर पावल रे बारनाबासले साहस अरिबर भुन्‍यो, “परमेस्‍वरको बचन सबभन्‍ना पइलि तमुइलाइ सुणाउन आबस्‍यक थ्‍यो। तमुले यइलाइ इन्‍कार अरिबर आफुलाइ कभइ नमद्‍दया जिबनका भागिदारबटहइ अयोग्‍य बनायाहुनाले हाम आब अउरजातिनका वाँ जान्‍याछउ।

प्रेरित 4:31

इसेरि प्रार्थना अरिसक्‍यापाछा तिनुन भेला भया ठउँरमि कम्‍प भयो। तिनुन सप्‍पइ जना पबित्‍तर आत्‍माले भरिया। रे तिनुनले साहाससित परमेस्‍वरको बचन बोल्‍यो।