प्रेरित 14:2 - डोटेलि

² तर बिस्‍वास नअद्‌द्‌या यहुदिनले भन्‍या अउरजातिनलाइ भड्‍काइबर प्रभुमि बिस्‍वास अद्‌द्‌या दाइभाइका बिरुद्‍दमि उनुनको मन तितो पाणिदियो।

डोटेली नयाँ करार

² तर बिश्वास नअद्द्या यहुदि मान्सनले गैर-यहुदि मान्सनलाइ उर्यायो रे तिननले बिश्वासि भाइनको बिरोध अर्यो।

प्रेरित 14:2 Referans Kwoze

प्रेरित 13:50

तर पावल रे बारनाबासका बिरुद्‍द यहुदिनले भक्‍त रे नाउँचलेइ स्‍वानिन रे सहरका मुख्‍या मुख्‍या मान्‍सनलाइ उस्‍कायो, रे पावल रे बारनाबासलाइ आफना साँधसिमानाबटहइ बाइर निकालिदियो।

प्रेरित 17:5

तर अउर यहुदिनले तिनुनको डाहाँ अरिबर बजारका गुन्‍डानलाइ जम्‍मा अरि हुल बाधिबर सहरमि हुलदङा मच्‍चाउन लाया। तिनुनले यासोनका घरमि गइबर पावल रे सिलासलाइ सप्‍पइका अगाडि लेइबर कल्‍लेउन खोज्‍यो।

प्रेरित 14:19

तर कोइ कोइ यहुदिन एन्‍टिओखिया रे आइकोनियनबटहइ ताँ आया। रे भिडलाइ मनाइबर पावललाइ ढुङाले हाण्‍यो, रे तन मर्‍या हुन्‍ना भनिबर सहरबटहइ बाइर घिसाड्‍डाइ लइया।

प्रेरित 13:45

भिडलाइ धेकिबर यहुदि अगुवान रिसले चुर भया रे पावलले भुण्‍या कुराको खण्‍डन अद्‍दाइ तिनरो निन्‍दा अद्‍द लाग्‍या।

प्रेरित 17:13

रे जबइ परमेस्‍वरको बचन पावलबटहइ बेरियामि लइ प्रचार हुन्‍ना छ भन्‍या थेसलोनिकेका यहुदिनले था पायो, तबइ तिनुन ताँ लइ हुलदङा मच्‍चाउनाइलाइ आया।

प्रेरित 18:12

अखइया इलाकामि गलियोन भनिन्‍या मान्‍स ठुला हाकिम भया बेला यहुदिन एक जुट होइबर पावलमि जाइलाग्‍या रे पकणिबर उनलाइ ठुला हाकिमका वाँ ले‍इबर भुन्‍यो,

प्रेरित 1:15

केइ दिनपाछा ताँ लगभग एक सय बिस जना प्रभु इसुमि बिस्‍वास अद्‌द्‌या मान्‍सन जम्‍मा होइरइथ्‍या, पत्‍रुसले कल्‍लिबर तिनुनका बिचमि बोल्‍ल लाग्‍या,

प्रेरित 14:4

तर सहरका मान्‍सनमि फाटो हुन गयो, रे कोइ यहुदिनतिर रे कोइ प्रेरितनतिर लाग्‍या।

प्रेरित 14:5

अउरजाति रे यहुदिन दुएइले उनुनका सासकनसित मिलिबर पावल रे बारनाबासलाइ साताउन्‍या रे ढुङा हान्‍न्‍या मतो अर्‍यो।

१ थेसलोनिकि 2:14

क्‍यालाइकि मेरा प्‍यारा भाइबिना हो, तमु लइ इसु ख्रिस्‍टमि बिस्‍वास अद्‌द्‌या यहुदियामि भया परमेस्‍वरका मण्‍डलि जसाइ भया छउ, क्‍यालाइकि यहुदियाका मण्‍डलिले इज्राएलबटहइ जसो दुःख-कस्‍ट भोग्‍यो तसेरि तमुले लइ आफनाइ जातिका मान्‍सबटहइ दुःख कस्‍ट भोग्‍या।