प्रेरित 13:4 - डोटेलि

⁴ तबइ पबित्‍तर आत्‍माबटहइ पठाइया हुनाले तिनुन एन्‍टिओखियाबटहइ सिलुकियामि गया रे ताँबटहइ पानिजहाजमि चडिबर साइप्रसतिर गया।

डोटेली नयाँ करार

⁴ बारनाबास रे शाउललाइ पबित्र आत्माले पठाया हुनाले तिनन एन्टिओखिया सहर बठेइ सिलुकिया सहरमि गया, रे ताँ बठेइ जहाजमि चड़िबर साइप्रस टापुमि गया।

प्रेरित 13:4 Referans Kwoze

प्रेरित 4:36

लेबि कुलका योसेफ नाउँ भया एक जना मान्‍स थ्‍या। तिन साइप्रस भन्‍न्‍या ठउँरबटहइ आया थ्‍या। प्रेरितनले तिनलाइ बारनाबास भनि नाउँ राख्‍या थ्‍यो, जइको अर्थ हो उत्‍साहको चेलो।

प्रेरित 13:2

तिनुनले प्रभुको आराधना अद्‍दारया रे उबास बसिरयाबेला पबित्‍तर आत्‍माले भुन्‍यो, “मेरि निउति बारनाबास रे साउललाइ जइ कामकि निउति मुइले तिनुनलाइ बोलाया छु, तइ कामकि निउति अलग अर।”

प्रेरित 11:19

आब स्‍तिफनसलाइ मार्‍यापाछा यरुसलेममि सतावट भयाहुनाले बिस्‍वासिन चारइतिर छरबट्‍ट भया। कोइ कोइ फोनिके, साइप्रस रे एन्‍टिओखियाका इलाकासम्‍म गया रे यहुदिनलाइ मात्‍तरइ असल रइबार प्रचार अर्‍यो।

प्रेरित 27:4

ताँबटहइ हामरो पानि जहाज अज बाटा लाग्‍यो, रे जहाजका अगाडिबटहइ बतास चल्‍याहुनाले हाम साइप्रस टापुका किनाराइ किनारा होइबर गया।

प्रेरित 20:23

इति मात्‍तरइ जान्‍नउ कि मु गया सप्‍पइ सहरमि सतावट रे झेलखानाको दु:ख मुइले भोग्‍दुपड्‌या छ भनिबर पबित्‍तर आत्‍माले मुलाइ थाँ दिया छन्।

प्रेरित 13:3

तबइ उबास बसिबर तन दुइजनामि हात राखिबर प्रेरितनले प्रार्थना अर्‍यो, रे तिनुनलाइ तइ कामकि निउति पठाइदिय।

प्रेरित 15:36

केइ दिनपाछा पावलले बारनाबासलाइ भुन्‍यो, “आस जइजइ सहरमि प्रभुको बचन हामले प्रचार अर्‍या थ्‍या तिन सहरनमि फर्‌किबर गइ दाइभाइलाइ भेट अद्‍दाउ रे तिनुन कि-कसा छन् हेद्‍दाउ।”