प्रेरित 12:7 - डोटेलि

⁷ तबइ अचानक प्रभुका एक स्‍वर्गदुत ताँ धेकापण्‍या, रे झेलखानाका कोठामि ज्‍योति चम्‍क्‍यो। स्‍वर्गदुतले पत्‍रुसलाइ कोखिमि हाण्‍यो रे “छिटाइ उठ,” भुनिबर तनलाइ उठायो, तसइबेला पत्‍रुसका हात बाधिया साङलान चुडिबर झड्‍या।

डोटेली नयाँ करार

⁷ उतन्जेइ प्रभुका एक स्वर्गदुत पत्रुसका नजिकै धेका पड्या, रे झेलमि उज्यालो चम्कियो। स्वर्गदुतले पत्रुसलाइ घाचघच्यायो रे “छिटाइ उठ” भणबर तिनलाइ उठायो। तब साङला तिनरा हात हइ खुस्या।

प्रेरित 12:7 Referans Kwoze

प्रेरित 5:19

रे प्रभुका एक स्‍वर्गदुतले रात झेलखानाको देलो खोल्‍दियो, रे प्रेरितनलाइ बाइर लेइबर भुन्‍यो,

प्रेरित 16:26

तन्‍जेइ भंइकर भुइचालो आयो। झेलखानाका जग लइ हल्‍लिया, रे उन्‍जेइ सप्‍पइ देलि खुल्‍या, रे कइदिनलाइ बाध्‍या साङ्ला लइ खुल्‍या।

प्रेरित 10:30

“चार दिनअगाडि लगभग इसइ समयमि दिनका तिनबजेतिर मु घरमि प्रार्थना अद्‍दाथ्‍या, अचानक चम्‍किला लत्‍ता लाया एक जनो मान्‍स मेरा अगाडि कलियो,

प्रेरित 2:24

तर इसुलाइ परमेस्‍वरले मिरत्‍युका पिडाबटहइ छुट्‍कारा दिबर जिउनो पाण्‍यो, क्‍यालाइकि मिरत्‍युले इसुलाइ रोकिराख्‍द सकेन।

लूका 24:4

जबइ तिनुन यइ बिसयमि अलमल पणिरइथ्‍या, अचानक चम्‍किला लत्‍ता लाया दुइ मान्‍स तिनुनका अगाडि कल्‍लिया।

लूका 2:9

परमप्रभुका स्‍वर्गदुत तनरा वाँ धेकिया परमप्रभुको उजालो तिनरा चारइतिर चम्‍कियो, त्‍यो धेकिबर ग्‍वाला डरले काम्‍द लाग्‍या।

प्रेरित 12:23

तर परमेस्‍वरलाइ महिमा नदिया हुनाले तन्‍जेइ प्रभुका एक स्‍वर्गदुतले उनलाइ प्रहार अर्‍यो, रे स्‍याउँ-स्‍याउँ किडा पडिबर उन मर्‍या।

प्रेरित 9:3

जबइ तन जानाजानाइ दमस्‍कस सहर नजिकइ पुगन्‍ज्‍या अचानक अग्‍गासबटहइ एक ज्‍योति तिनरा वरिपरि चम्‍कियो।

प्रेरित 12:6

आब हेरोदले पत्‍रुसलाइ मान्‍सनका अगाडि ल्‍याउन्‍या दिनका अगाडिका रात पत्‍रुस दुइ जना सिपाइनका बिचमि सिरइथ्‍या। उनलाइ दुइ साङलाले बाँध्‍याथ्‍यो रे देलिमि सिपाइनले पहरा दिराइथ्‍यो।

प्रेरित 12:8

स्‍वर्गदुतले तनलाइ भुन्‍यो, “पटुको बाद, रे जुत्‍ता लगा!” तबइ तनले तसोइ अर्‍यो। उनुले तनलाइ भुन्‍यो, “खास्‍टो ओडिबर मेरा पाछापाछा लाग।”