प्रेरित 12:12 - डोटेलि

¹² त्‍यो कुरा तनलाइ था भयापाछा, तन मर्कुस भुनिन्‍या युहन्‍नाकि इजा मरियमका घरमि गया। ताँ भउत जना जम्‍मा होइबर प्रार्थना अद्‍दाथ्‍या।

डोटेली नयाँ करार

¹² यिन कुरणी जाणिबर कि परमेश्वरले तिनलाइ बचायो भणि पत्रुसले था भया पछा, तिन मर्कुस भणिन्या यूहन्नाइ इजा मरियमका घर गया। ताँ भौत बिश्वासि मान्सन जम्मा होइबर प्रार्थना अद्दाथ्या।

प्रेरित 12:12 Referans Kwoze

प्रेरित 12:5

इसेरि पत्‍रुस झेलखानामि राखिया, तर तनरि निउति मण्‍डलिका बिस्‍वासिनले परमेस्‍वरसित लगातार प्रार्थना अद्‍दाथ्‍या।

प्रेरित 13:5

सलामिस सहरमि आयापाछा तिनुनले यहुदिनका सभाघरनमि परमेस्‍वरको बचन प्रचार अर्‍यो। तिनुनलाइ साहेता अद्‍द युहन्‍ना तिनुनसित थ्‍या।

प्रेरित 12:25

बारनाबास रे साउल आफनो सेबा पुरा अरिबर यरुसलेमबटहइ फर्किया। तइबेला उनुनसित मर्कुस भुनिन्‍या युहन्‍नालाइ लइ लेया।

२ तिमोथी 4:11

लुका मात्‍तरइ मुसित छ। मर्कुसलाइ खोजिबर तुइले आफुइसितइ लेइबर आयइ, क्‍यालाइकि तइले मेरा सेबाका काममि साहेता अद्‍द सक्‍द्‍या छ।

प्रेरित 13:13

पावल रे तिनरा सङिन पाफोस सहरबटहइ पानिजहाजमि चणिबर पामफिलिया छेत्‍रका पर्गा सहरमि पुग्‍या, रे ताँबटहइ मर्कुस भनिन्‍या युहन्‍ना तिनुनबटहइ छुट्‍टिबर यरुसलेम फर्क्‍या।

प्रेरित 16:40

झेलखानाबटहइ बाइर निकल्‍यापाछा पावल रे सिलास लिडियाका घरमि गया। ताँ प्रभुमि बिस्‍वास अद्‌या दाइभाइनसित भेटघाट अर्‍यापाछा उनुनलाइ हउसाला दिबर ताँबटहइ गया।

प्रेरित 4:23

ताँबटहइ छुटन्‍जेइ पत्‍रुस रे युहन्‍ना आफना बिस्‍वासि संङिनका वाँ आया, रे मुख्‍य पुजारिन रे अगुवानले भुण्‍या सप्‍पइ कुरा उनुनलाइ बताइदियो।