प्रेरित 11:22 - डोटेलि

²² जबइ यो रइबार यरुसलेममि भया मण्‍डलिका बिस्वासिनले सुण्‍यो, तबइ मण्‍डलिनका अगुवानले बारनाबासलाइ एन्‍टिओखियामि पठायो।

डोटेली नयाँ करार

²² यो रैबार यरुशलेम सहरमि भया मण्डलिका मान्सनका वाँ पुग्यो, रे तिननले बारनाबासलाइ एन्टिओखिया सहरमि पठायो।

प्रेरित 11:22 Referans Kwoze

प्रेरित 9:27

तर बारनाबासले तनलाइ सङइ लेइयबर प्रेरितनका वाँ गया। रे साउलले प्रभुलाइ बाटामि धेक्‍या रे प्रभु तनसित बोल्‍या कुरा तनले दमस्‍कसमि साहाससित इसुका नाउँमि प्रचार अर्‍या कुरा तिनुनलाइ बताइदियो।

१ थेसलोनिकि 3:6

तर अइल तिमोथि तमुलाइ भेटिबर हामरा वाँ आयापइतर तमरो बिस्‍वास रे पिरिमको असल रइबार हामुलाइ सुनायो। तमुले हामुलाइ भिट्‍टया ठुलो इच्‍छा राखिबर सदाइँ पिरिमसित हामरो सम्‍झना अरन्‍छउ भुन्‍न्‍या रइबार तिनुले हामुलाइ सुनायो हामु लइ तमुलाइ भिट्‍टया तसोइ चाहाना अद्‍दाउ।

प्रेरित 15:22

तबइ प्रेरितन, रे मण्‍डलिका धर्म-गुरुन रे सप्‍पइ मण्‍डलिले मिलिबर आफना बिचबटहइ कतिपइ मान्‍सनलाइ चुनिबर पावल रे बारनाबाससित एन्‍टिओखियामि पठाउन उच्‍चित माण्‍यो, रे दाइभाइनमध्‍ये प्रमुख मान्‍सन, यहुदा भुनिन्‍या बारनाबास रे सिलासलाइ चुन्‍यो।

प्रेरित 15:2

तबइ पावल रे बारनाबासको तिनुनसित भउत मतभेत रे बाद-बिवाद भयापाछा, ताँका दाइभाइनले पावल, बारनाबास रे अउर कति जनालाइ यइ कुराको फइसलाकि निउति प्रेरितन रे अगुवानका वाँ यरुसलेम जानाइलाइ निउक्‍ति अर्‍यो।

प्रेरित 11:1

यहुदियामि हुन्‍या प्रेरित रे दाइभाइनले अउरजातिनले लइ परमेस्‍वरका बचनमि बिस्‍वास अर्‍या छन् भुन्‍न्‍या सुण्‍यो।

प्रेरित 8:14

सामरिया सहरका मान्‍सनले परमेस्‍वरको बचन ग्रहण अर्‍यो भन्‍न्‍या सुनिबर यरुसलेममि हुन्‍या प्रेरितनले पत्‍रुस रे युहन्‍नालाइ तिनुनका वाँ पठायो।

प्रेरित 6:5

भेला भया सप्‍पइलाइ यो कुरा निको लाग्‍यो। तिनुनले बिस्‍वास अर्‍या रे पबित्‍तर आत्‍माले भरिपुर भया स्‍तिफनस, फिलिप, प्रखरस, निकनोर, तिमोन, पर्मिनास, रे एन्‍टिओखियाका यहुदि मत मान्‍या निकोलाउसलाइ छान्‍यो।

प्रेरित 11:19

आब स्‍तिफनसलाइ मार्‍यापाछा यरुसलेममि सतावट भयाहुनाले बिस्‍वासिन चारइतिर छरबट्‍ट भया। कोइ कोइ फोनिके, साइप्रस रे एन्‍टिओखियाका इलाकासम्‍म गया रे यहुदिनलाइ मात्‍तरइ असल रइबार प्रचार अर्‍यो।

प्रेरित 11:20

तर तिनुनमध्‍ये कोइ-कोइ साइप्रस रे कुरेनिका मान्‍सन थ्‍या। तिनुनले एन्‍टिओखियामि आइबर ग्रिकनलाइ लइ प्रभु इसुका बिसयमि प्रचार अर्‍यो।

प्रेरित 11:26

जबइ बारनाबासले सावललाइ भिट्‍यो तबइ उनलाइ एन्‍टिओखियामि लेया। तबइ पुरा एक बर्ससम्‍मइ मण्‍डलिका मान्‍सनसित तनुनले भेटघाट अरिरया, रे मान्‍सनको ठुलो समुहलाइ सिछ्‍या दियो। ख्रिस्‍टका सिस्‍यानलाइ पइलिबेर एन्‍टिओखियाइमि ख्रिस्‍टयान भुनियो।

प्रेरित 11:27

तइ बेला कोइ अगमबक्‍तान यरुसलेमबटहइ एन्‍टिओखियामि आया।

प्रेरित 18:22

पावल कइसरिया सहरमि आयापाछा यरुसलेममि गया रे मण्‍डलिका मान्‍सनसित भेटघाट अर्‍यो, तइपाछा उन एन्‍टिओखिया सहरमि ओरल्‍या।