प्रेरित 11:19 - डोटेलि

¹⁹ आब स्‍तिफनसलाइ मार्‍यापाछा यरुसलेममि सतावट भयाहुनाले बिस्‍वासिन चारइतिर छरबट्‍ट भया। कोइ कोइ फोनिके, साइप्रस रे एन्‍टिओखियाका इलाकासम्‍म गया रे यहुदिनलाइ मात्‍तरइ असल रइबार प्रचार अर्‍यो।

डोटेली नयाँ करार

¹⁹ स्तिफनसलाइ मार्या पछा, प्रभु येशूमि बिश्वास अद्द्या सब मान्सनलाइ दुख दिया हुनाले भौत मान्सन यरुशलेम सहर छाडिबर गया। तर तिननले यहुदि मान्सनलाइ मान्तर येशू ख्रीष्टका बारेमि सन्देश दिनाइ, फोनिके जिल्ला, साइप्रस टापु रे सिरिया जिल्लाको एन्टिओखिया सहर सम्म यात्रा अर्यो।

प्रेरित 11:19 Referans Kwoze

प्रेरित 21:2

ताँ हामले फोनिके छेत्‍रसम्‍म जान्‍या पानिजहाज पाया रे हाम तसइमि चडिबर गया।

प्रेरित 15:35

पावल रे बारनाबास भन्‍या सिछ्‍या दिनाइ रे प्रभुको बचन प्रचार अद्‍दाइ अउर कद्‍बइ जनासित एन्‍टिओखियामि बस्‍या।

प्रेरित 15:22

तबइ प्रेरितन, रे मण्‍डलिका धर्म-गुरुन रे सप्‍पइ मण्‍डलिले मिलिबर आफना बिचबटहइ कतिपइ मान्‍सनलाइ चुनिबर पावल रे बारनाबाससित एन्‍टिओखियामि पठाउन उच्‍चित माण्‍यो, रे दाइभाइनमध्‍ये प्रमुख मान्‍सन, यहुदा भुनिन्‍या बारनाबास रे सिलासलाइ चुन्‍यो।

प्रेरित 15:3

तबइलाइ मण्‍डलिका बिस्‍वासिनले तिनुनलाइ ताँबटहइ बिदा दियो। तिनुन फोनिके रे सामरियाबटहइ भइबर जान्‍ज्‍या अउरजातिनले लइ प्रभुमि बिस्‍वास अर्‍या छन् भन्‍न्‍या कुरा तिनुनलाइ सुणायो, यो कुरा सुनिबर तन दाइभाइन भउत खुसि भया।

प्रेरित 4:36

लेबि कुलका योसेफ नाउँ भया एक जना मान्‍स थ्‍या। तिन साइप्रस भन्‍न्‍या ठउँरबटहइ आया थ्‍या। प्रेरितनले तिनलाइ बारनाबास भनि नाउँ राख्‍या थ्‍यो, जइको अर्थ हो उत्‍साहको चेलो।

प्रेरित 21:16

हामसित कइसरिया भन्‍या ठउँरका प्रभुमि बिस्‍वास अद्‌द्‌या कोइ कोइ दाइभाइन लइ आया, रे तिनुनले हामुलाइ साइप्रस टापुबटहइ आइबर बस्‍या प्रभुका एक जना पुराना बिस्‍वासि मनासोनका घरमि लइया, तनरा वाँ हाम बास बस्‍या।

प्रेरित 18:22

पावल कइसरिया सहरमि आयापाछा यरुसलेममि गया रे मण्‍डलिका मान्‍सनसित भेटघाट अर्‍यो, तइपाछा उन एन्‍टिओखिया सहरमि ओरल्‍या।

प्रेरित 15:39

तइ कुरडिले पावल रे बारनाबासका बिचमि इति ठुलो मतभेद भयो, कि तिनुन एक अर्काबटहइ छुट्‍टिबर, बारनाबासले मर्कुसलाइ लइयइबर पानि जहाज चडि साइप्रसतिर गया।

प्रेरित 13:46

तर पावल रे बारनाबासले साहस अरिबर भुन्‍यो, “परमेस्‍वरको बचन सबभन्‍ना पइलि तमुइलाइ सुणाउन आबस्‍यक थ्‍यो। तमुले यइलाइ इन्‍कार अरिबर आफुलाइ कभइ नमद्‍दया जिबनका भागिदारबटहइ अयोग्‍य बनायाहुनाले हाम आब अउरजातिनका वाँ जान्‍याछउ।

प्रेरित 13:4

तबइ पबित्‍तर आत्‍माबटहइ पठाइया हुनाले तिनुन एन्‍टिओखियाबटहइ सिलुकियामि गया रे ताँबटहइ पानिजहाजमि चडिबर साइप्रसतिर गया।

प्रेरित 13:1

एन्‍टिओखिया सहरका मण्‍डलिमि परमेस्‍वरका अगमबक्‍तान रे सिछ्‍या दिन्‍या मान्‍सन भउत थ्‍या। तिनुनमध्‍ये ताँ बारनाबास, काला भनिन्‍या सिमियोन, कुरेनिका लुकियस, हेरोद राजासित हुक्‍र्या मनेन रे साउल थ्‍या।

प्रेरित 3:26

तमु हरेकलाइ आफना दुस्‍टताबटहइ परमेस्‍वरतिर फर्काइबर तमुलाइ आसिस दिनाइलाइ परमेस्‍वरले आफना सेबक इसु ख्रिस्‍टलाइ निउक्‍ति अर्‍यो रे सबभन्‍ना पइलि तमरा वाँ पठायो।”

प्रेरित 6:5

भेला भया सप्‍पइलाइ यो कुरा निको लाग्‍यो। तिनुनले बिस्‍वास अर्‍या रे पबित्‍तर आत्‍माले भरिपुर भया स्‍तिफनस, फिलिप, प्रखरस, निकनोर, तिमोन, पर्मिनास, रे एन्‍टिओखियाका यहुदि मत मान्‍या निकोलाउसलाइ छान्‍यो।

प्रेरित 11:20

तर तिनुनमध्‍ये कोइ-कोइ साइप्रस रे कुरेनिका मान्‍सन थ्‍या। तिनुनले एन्‍टिओखियामि आइबर ग्रिकनलाइ लइ प्रभु इसुका बिसयमि प्रचार अर्‍यो।

प्रेरित 11:22

जबइ यो रइबार यरुसलेममि भया मण्‍डलिका बिस्वासिनले सुण्‍यो, तबइ मण्‍डलिनका अगुवानले बारनाबासलाइ एन्‍टिओखियामि पठायो।

प्रेरित 14:26

रे ताँबटहइ तिनुन समुन्‍दरको यात्‍रा अरिबर एन्‍टिओखियामि फर्क्‍या। जाँ प्रभुमि बिस्‍वास अद्‌द्‌या दाइभाइले पावल रे बारनाबासलाइ परमेस्‍वरका अनुग्रहमि सउपिबर प्रचारका काममि पठाया थ्‍यो।

प्रेरित 15:30

तइपाछा तन चार दाइभाइन ताँबटहइ गयापाछा एन्‍टिओखिया सहरमि आया, रे ताँ उनुनले मण्‍डलिका सप्‍पइ मान्‍सनलाइ बोलाइबर त्‍यो चिट्‌ठि दियो।