२ तिमोथी 1:8 - डोटेलि

⁸ तबइलाइ हामरा प्रभुको गवाइ रे मु उनरो कइदिको लाज जनमानइ, तर परमेस्‍वरका सक्‍तिमि असल रइबारकि निउति मुसितइ दुःख भोगाइमि तु लइ सहभागि हो।

डोटेली नयाँ करार

⁸ तबइकिलाइ हामरा प्रभुको बारेमि और मान्सनलाइ भण्नाइलाइ लाज जन माणउ, न त लाज माण्न्नु पणन्छ कि उनरो सेवा अर्या हुनाले म झेलमि छु। बरु तुइले परमेश्वरको सक्तिलाइ प्रयोग अददु पणन्छ रे सुसमाचारका निउति मेरो दु:खमी मसित सहभागी हो।

२ तिमोथी 1:8 Referans Kwoze

मर्कुस 8:38

पइ यइ ब्‍यबिचारि रे पापि पुस्‍तामि जो मुसित रे मेरा बचनसित लाज मानन्‍छ, मान्‍सको चेलो लइ आफना पिताका महिमामि पबित्‍तर स्‍वर्गदुतसित आउन्‍याबेला लाज मान्‍न्‍या छ।”

२ तिमोथी 4:5

तर तु भुन्‍या सप्‍पइ कुरामि होसियार हो। कस्‍ट भोग्‌, असल रइबार प्रचार अर, रे तेरा सेबाको काम पुरा अर्‌।

२ तिमोथी 2:9

यसइ असल रइबारकि निउति मु दुःख भोग्‍दा छु। तति मात्‍तरइ हइन, अपराधिकि जसेरि साङलामि बाँदिया छु। तर परमेस्‍वरको बचन त साङलाले बाधिनइन्‌।

२ तिमोथी 1:12

तबइलाइ मु यिनु कुरामि दुःख भोग्‍दा छु। तर मुलाइ यइ कुरामि लाज लाग्‍दइन्‌ क्‍यालाइकि मुइले कइमि बिस्‍वास राख्‍या छु, त्‍यो मुलाइ था छ। परमेस्‍वरले मेरा जिम्‍मामि लाया कुरालाइ उनइले तइ दिनसम्‍मखिलाइ जोगाइ राख्‍द्‍या छन्। यइमि मु ढुक्‍क छु।

लूका 9:26

जइले मेरो नाउँ लिन्‌ रे मेरा सिछ्‍यासित सरम माणन्‍छ, मान्‍सको चेलोलइ आफना महिमा, रे परमेस्‍वर पिता रे पबित्‍तर स्‍वर्गदुतका महिमामि आउनज्‍या तइसित सर्माउन्‍या छ।

२ तिमोथी 1:16

प्रभुले ओनेसिफरसका घर परिवारमि किर्पा अरुन, क्‍यालाइकि मु झेलखानामि भयाबेला ओनेसिफरसले लाज नमाणिबर मुइलाइ भिट्‍ट आयो रे हउसला दियो।

२ तिमोथी 2:3

ख्रिस्‍ट इसुको साँचो सिपाइ जसोइ होइबर तु हामुसितइ दुःख भोगमि सहभागि हो।

१ थेसलोनिकि 3:4

क्‍यालाइकि जबइ हामु तमुसित थ्‍या, तबइ तमुले दुःख-कस्‍ट भोग्‍दुइ पडन्‍छ भुनि हामुले अगाडिबटहइ भन्‍या थ्‍या। यो साँच्‍चि लइ भयो, रे तमुलाइ थाइ छ।

२ तिमोथी 4:17

तर प्रभु मुसित भइबर अउरजातिले असल रइबार सुन्‍न पाउन भनिबर असल रइबार प्रचार अद्‌द्‌या सक्‍ति मुलाइ दियो। यसेरि प्रभुले मुलाइ बागका मुखबटहइ छुट्‍या जसेरि बचायो।

प्रेरित 5:41

प्रेरितन माहासभाबटहइ बाइर आया रे परमेस्‍वरले हामुलाइ इसुका नाउँमि दुःख रे अमान सहन्‍या योग्यका बनाइया भनिबर तिनुन आन्‍नदले भरिपुर भया।

१ तिमोथी 2:6

उनु सप्‍पइ मान्‍सका पापका मोलकि निउति छुट्‍कारा दिनाइलाइ आफुइ बलिदान भया। यइ कुराको गवाइ परमेस्‍वरले ठिक्‍क समयमि दियो।

२ तिमोथी 1:10

यो अनुग्रह हामरा मुक्‍तिदाता इसु ख्रिस्‍टबटहइ धेकियो जइले मिरत्‍युलाइ नास अर्‍यो। रे असल रइबारबटहइ कभइ नमद्‍दया जिबन लेइबर आया।

२ तिमोथी 2:8

इसु ख्रिस्‍टलाइ सम्‍जिराख, उनु मर्‍याबटहइ जिउना भया हुन्‌। उनु दाउद बन्‍सका हुन्‌ मुइले प्रचार अर्‍या असल रइबार यइ हो।