२ तिमोथी 1:7 - डोटेलि

⁷ क्‍यालाइकि परमेस्‍वरले हामुलाइ डरको आत्‍मा हइन, तर सक्‍ति, पिरिम रे आत्‍मा-संयमको आत्‍मा दिया छन्।

डोटेली नयाँ करार

⁷ परमेश्वरले हामलाइ डर पोख बनाया आथिन। बरु उनरो आत्माले हमरा ह्रदयलाइ बलियो बनाउछ, हामले औरलाइ प्रेम अददाइ, रे हामलाइ आत्मा नियन्त्रण हुनाइ सहयोग अरन्छ।

२ तिमोथी 1:7 Referans Kwoze

लूका 10:19

मुइले तमुलाइ स्‍याप रे बिच्‍छिलाइ कुचल्‍या रे सत्‌तुरका सप्‍पइ सक्‍तिलाइ जित्‍या अधिकार दिया छु, रे केइ कुराले तमुलाइ हानि अद्‌या आथिन्‌।

प्रेरित 1:8

तर पबित्‍तर आत्‍मा तमुमि आयापाछा तमुले सक्‍ति पाउन्‍याछउ, रे तमु यरुसलेममि, सारा यहुदियामि, सामरियामि रे धर्तिका सप्‍पइ ठउँरमि मेरा साछि हुन्‍या छउ।”

प्रेरित 20:24

तर मु आफना जिबनलाइ केइ मोलको लइ ठान्‍नइन, इति मात्‍र चाहानउ कि परमेस्‍वरले मान्‍स जातिलाइ अनुग्रह अर्‍या छ भन्‍या असल रइबारको गवाहि दिनाइलाइ मेरो दउड रे प्रभु इसुबटहइ मिल्‍या मेरो सेबकाइ मु पुरा अद्‌द सकु।

लूका 24:49

हेर, मु मेरा पिताले अर्‍या प्रतिग्‍या तमरा वाँ पठाउन्‍या छु। रे स्‍वर्गबटहइ सक्‍ति नपाउन्‍ज्‍यासम्‍म तमु इसइ सहरमि बसिराख।”

प्रेरित 10:38

परमेस्‍वरले नासरतका इसुलाइ पबित्‍तर आत्‍मा रे सक्‍तिले अबिसेक अर्‍यो, कि कसेरि उनुले भलाइको काम अद्‍दाइ भुत लाग्‍यालाइ निको पाड्‍डाइ सप्‍पइ ठउँरतिर गया। क्‍यालाइकि परमेस्‍वर उनसित थ्‍या।

प्रेरित 21:13

रे पावलले भुन्‍यो, “तमु इसेरि रोइबर मेरा मनलाइ क्‍याकि छिया छिया पाडन्‍छउ? क्‍यालाइकि प्रभु इसुका नाउँकि निउति बादिन्‌ मात्‍र हइन, यरुसलेममि मद्‍द लइ तयार छु।”

प्रेरित 6:8

स्‍तिफनसले प्रभुबटहइ भउत आसिस रे सक्‍ति पाइबर मान्‍सनका बिचमि ठुला ठुला अचम्‍मका काम रे चिन्‍ह अर्‍यो

प्रेरित 9:22

तर साउल अज बर्ता सक्‍तिसालि हुनाइ गया, रे इसुइ ख्रिस्‍ट हुन्‌ भनिबर तिनले यसो पक्‍का प्रमाण दियो कि दमस्‍कसका यहुदिनले केइ लइ जबाफ दिन सकेनन्‌।

लूका 8:35

भउत मान्‍सन कि भयो भनिबर हेद्‌दाकि इसुका वाँ आया। पइलि भुतले सताया तइ मान्‍सलाइ अइले निको होइबर लत्‍ता लाइबर इसुका खुट्‌टाखि बसिरया तिनुनले धेक्‍यो। त्‍यो धेकिबर तिनुनले भउत डर मान्‍यो।

प्रेरित 26:25

रे पावलले भुन्‍यो, “माननिय फेस्‍तस, मु बउलिया हइन्‌, मु सत्‍य रे साँचो कुरा बोल्‍ला छु।

लूका 15:17

जब तइको होस खुल्‍यो, तइले भुन्‍यो, ‘मेरा बाका कद्‌बइ नउकरचाकरले पेटभरि खाइबर उबरन्‍थ्‍यो, रे मु याँ भोकले मद्‌दाछु।

प्रेरित 26:11

भउतबेर मुइले उनुनलाइ आबबटहइ नासरतका इसुमि बिस्‍वास अद्‍दइन भन्‍न्‍या पाड्‍डाइलाइ सभाघरमि जबरजस्‍ति अरिबर सजाइ दिन लाया, मु उनुन धेकिबर रिसले इति आगो भया थ्‍या कि, अउर देसका सहरनमि लइ गइबर मुइले उनुनलाइ सताया।”