२ थेसलोनिकि 1:10 - डोटेलि

¹⁰ जइ दिन यो कुरा हुन्‍या छ, तइ दिन उनुले आफना पबित्‍तर मान्‍सबटहइ महिमा पाउन्‍या छन्‌ रे उनुलाइ बिस्‍वास अद्‌द्‌या अचम्‍म पड्‍डया छन्‌। तमु लइ ताँइ हुन्‍या छउ क्‍यालाइकि हामुले भुन्‍या कुरा तमुले बिस्‍वास अर्‍या छउ।

डोटेली नयाँ करार

¹⁰ यो त्यो दिन हुन्या हो, जब प्रभु येशू परमेश्वरका मान्स बठेइ सम्मान पाउनाइ फर्कि आउन्याहुन। उनमी बिश्वास अद्द्या बठेइ उनले सम्मान पाउन्या हुन, रे त्यो दिनमि तमन तिन सम्मान अद्द्या मान्सनसित हुन्या हुन, क्याकि हामले येशू ख्रीष्टका बारेमि भण्या कुरणीमि तमनले बिश्वास अर्या।

२ थेसलोनिकि 1:10 Referans Kwoze

२ तिमोथी 4:8

आब यइपाछा मेरि निउति धर्मिकताको मुकुट राखिया छ, जो धार्मिक न्‍याइदिस प्रभुले तइ दिन मुलाइ दिन्‍याछन्, रे मुलाइ मात्‍तरइ हइन, तर उनु दोसर्‍या आउन्‍या दिनको बाटो हेद्‍दया जति सप्‍पइलाइ यो दिन्‍याछन्।

२ थेसलोनिकि 2:13

प्रभुले पिरिम अर्‍या भाइबिना हो, तमरि निउति हामुले परमेस्‍वरलाइ सदाइँ धन्‍यवाद दिनइ पडन्‍छ, क्‍यालाइकि परमेस्‍वरले तमुलाइ पबित्‍तर आत्‍माको पबित्‍तर पाड्‍डया कामले रे साँचा बिस्‍वासबटहइ मुक्‍ति पाउनाइलाइ सुरुबटहइ चुन्‍यो।

२ तिमोथी 1:18

ख्रिस्‍टका आगमनका दिनमि प्रभुबटहइ तिनुले अनुग्रह पाउन सकुन्‌! तुलाइ थाइ छ, मु एफिससमि हुन्‍याबेला लइ तिनुले मेरो पुरा सेबा अर्‍या थ्‍यो।

२ तिमोथी 1:12

तबइलाइ मु यिनु कुरामि दुःख भोग्‍दा छु। तर मुलाइ यइ कुरामि लाज लाग्‍दइन्‌ क्‍यालाइकि मुइले कइमि बिस्‍वास राख्‍या छु, त्‍यो मुलाइ था छ। परमेस्‍वरले मेरा जिम्‍मामि लाया कुरालाइ उनइले तइ दिनसम्‍मखिलाइ जोगाइ राख्‍द्‍या छन्। यइमि मु ढुक्‍क छु।

२ थेसलोनिकि 1:12

यसेरि हामरा परमेस्‍वर रे प्रभु इसु ख्रिस्‍टको अनुग्रहअन्‍सार हामरा प्रभु इसुको नाउँको आदर हुन्‍याछ रे तमरो लइ उनुबटहइ आदर हुन्‍या छ।

१ थेसलोनिकि 2:13

हामुले तमुलाइ परमेस्‍वरको बचन सुनाउन्‍या बेला तमुले त्‍यो बचन मान्‍सले जसेरि होइन्‌ तर यो बास्‍तबमि परमेस्‍वरइको बचन हो भनिबर ग्रहण अर्‍या। तइ बचनले तमु बिस्‍वास अद्‌द्‌याका जिबनमि काम अद्‍दा छ। यइकि निउति हामु परमेस्‍वरलाइ सदाइँ धन्‍यवाद दिनाउ।

१ थेसलोनिकि 2:1

मेरा प्‍यारा भाइबिना हो, तमुसितको हामरो भेटघाट खालिसारको भएइन, यो त तमुलाइ थाइ छ।

१ थेसलोनिकि 1:5

क्‍यालाइकि हामुले सुनाया असल रइबार बेकारको थेइन, तर पबित्‍तर आत्‍मामि रे सक्‍तिसित सुनाइया एकदमइ साँचो कुरा थ्‍यो। हामु तमुसित हुन्‍याबेला तमरि निउति हामरो जिबन कसो थ्‍यो भन्‍न्‍या कुरा तमुले निकेरि जान्‍या छउँ।

लूका 10:12

मु तमलाइ भुन्‍नउ, न्‍यायका दिनमि यइ सहरको भन्‍नाहइ सदोम सहरको हालत सहनिय हुन्‍या छ।’”

१ थेसलोनिकि 2:12

क्‍यालाइकि तमरो चालचलन परमेस्‍वरका योग्‍यको हउ, जइले तमुलाइ उनरो आफनो राज्‍य रे महिमामि बोलाया छन्।

१ तिमोथी 3:16

हामु सुइकार अद्‍दाउ, कि हामरो बिस्‍वासको रहस्‍य भउतइ माहान छ। उनु सरिलमि धेकिया, पबित्‍तर आत्‍माबटहइ सत्‍य साबित भया, उनुलाइ स्‍वर्ग दुतले धेक्‍यो, जाति जातिका बिचमि प्रचारिया, सन्‍सारमि मान्‍सले उनुलाइ बिस्‍वास अर्‍यो, रे परमेस्‍वरले उनुलाइ स्‍वर्ग लइग्‍या।