१ तिमोथी 6:17 - डोटेलि

¹⁷ यइ सन्‍सारका धनिलाइ घमण्‍डि नहुन्‍या आग्‍या दे, रे तिनरा धन-सम्‍पति सदाइँ रन्‍या हइनन्‌ तर हामरा सुखकि निउति प्रसस्‍त अरि सप्‍पइ कुरा दिन्‍या परमेस्‍वरइमि भरोसा राख भनिबर आग्‍या दे।

डोटेली नयाँ करार

¹⁷ यइ संसारका धनिलाइ आदेस दिय कि घमण्ड अददु पड्डइन, रे आफना सम्पतिमि भरोसा जन अर जो अस्थायि हो रे जो भर पड्डो आथिन। तर परमेश्वरमि भरोसा राख जइले उदारतासित सब कुरणी दिनाहान जो हामसित छ ताकि हाम आनन्द लिन सकु।

१ तिमोथी 6:17 Referans Kwoze

प्रेरित 14:17

तबइलइ परमेस्‍वरले निका रे भलाइका कामअद्‍द छाडेन। क्‍यालाइकि उनुले अग्‍गासबटहइ पानि दिबर ठिक समयमि उब्‍जनि अराइदिनाहान्‌। प्रस्‍सत खान्‍याकुरा जुटाइदिबर मान्‍सनका ह्रिदयलाइ हर्सले भरिदिनाहान। इसेरि परमेस्‍वरका कामइले उनरो साछि दिन्‍छ।”

१ तिमोथी 4:10

तबइलाइ हामु यइ उदेस्‍यले काम अद्‍दाउ, क्‍यालाइकि हामरो आसा जिउना परमेस्‍वरमि राखिया छ। उनु सप्‍पइ मान्‍सका मुक्‍तिदाता हुन्‌, खास अरिबर उनुमि बिस्‍वास अद्‌द्‌याहुन्‍याका मुक्‍तिदाता हुन्‌।

तितस 2:12

यइ अनुग्रहले हामुलाइ परमेस्‍वरको भक्‍ति नअद्‌द्‌या जिबन रे सान्‍सारिक लालचलाइ त्‍याग्‍द लाउछ, आफुइलाइ रे आफुइलाइ बसमि राखि सन्‍सारमि साँचो परमेस्‍वरलाइ भक्‍ति अद्‌द्‌या जिबन बिताउनाइलाइ तालिम दिन्‍छ।

लूका 19:2

ताँ जखायस नाउँ भया एक जनो मान्‍स थ्‍यो। तिन कर उठाउन्‍यामिका प्रमुख मान्‍स थ्‍या, रे धनि लइ थ्‍या।

२ तिमोथी 4:10

क्‍यालाइकि डेमासले यइ सन्‍सारलाइ पिरिम अरि मुलाइ छाडिबर उ थेसलोनिके गयो। क्रेसेन्‍स गलातियामि रे तितस भन्‍या दलमातियामि गया छन्।

१ तिमोथी 6:13

सप्‍पइ थोकलाइ जिबन दिन्‍या परमेस्‍वर रे पन्‍तियस पिलातसका अगाडि साँचो साछि दिन्‍या ख्रिस्‍ट इसुका अगाडि,

१ तिमोथी 1:3

मु माकेडोनिया जान्‍याबेला तुलाइ भुन्‍या जसेरि तु एफिससइमि बस्‌, रे झुटा सिछ्‍या सिकाउन्‍या मान्‍सलाइ तसो झुटा सिछ्‍या जनसिका भनिबर कडा आग्‍या दे।

१ थेसलोनिकि 1:9

क्‍यालाइकि जइ तरिकाले हामरो स्‍वागत तमरा वाँ भयो। परमेस्‍वरको सेबा अद्‍दाइलाइ तमुले मुर्तिलाइ छाडिबर जिउना परमेस्‍वरतिर फर्क्‍या। यो कुरा तिनु सप्‍पइ मान्‍सले आफुइ बताउनाछन्‌।

प्रेरित 17:25

उनलाइ मान्‍सनले चढाया केइ थोकको लइ खाँचो पड्‍डइन, क्‍यालाइकि उनुले सप्‍पइ मान्‍सनलाइ जिबन, परान रे चाइन्‍या सप्‍पइ थोक दिनाहान्‌।

प्रेरित 14:27

पावल रे बारनाबास एन्‍टिओखियामि आया, तबइ मण्‍डलिका बिस्‍वासिनलाइ भेला अरायो, रे परमेस्‍वरले तिनुनसित अर्‍या सप्‍पइ कामको बयान अर्‍यो, रे कसेरि परमेस्‍वरले अउरजातिनका मान्‍सनकि निउति बिस्‍वास अद्‌द्‌या बाटो खोलिदियो त्‍यो कुरा सुणायो।

मर्कुस 10:24

इसुले भुन्‍या कुरामि सिस्‍या अचम्‍म पण्‍या। रे इसुले अज तिनुलाइ भुन्‍यो, “नान्तिनाउ, परमेस्‍वरका राज्‍य भित्‍तर पस्‍साइलाइ भउतइ कठिन छ।

तितस 3:6

जो उनुले हामरा मुक्‍तिदाता इसु ख्रिस्‍टबटहइ हामुमि प्रस्‍सत अरि पबित्‍तर आत्‍मा दियो।

१ तिमोथी 5:21

मु तुलाइ परमेस्‍वर, इसु ख्रिस्‍ट रे चुनिया स्‍वर्गदुतका अगाडि यो सिछ्‍या मान्‍नाइलाइ कडा आग्‍या दिनउ, कि भेदभाब बिना यिनु नियम पालन अर्‌। पछ्‍यपात अरिबर केइ लइ काम जनअरइ।

१ तिमोथी 3:15

केइ अरि मु आउन ढिला भयो भन्‍या परमेस्‍वरका घरानामि कसेरि चल्‍लु पड्‍डया हो, त्‍यो तुइले यइ चिट्‌ठिबटहइ जानिराखेइ। परमेस्‍वरको घराना भन्‍या जिउना परमेस्‍वरको मण्‍डलि, सत्‍यको खामो रे जग हो।

लूका 3:11

तनले उनुनलाइ जवाफ दियो, “दुइ लत्‍ता हुन्‍याले एक नहुन्‍यालाइ दिय, तसेरि खान्‍या कुरालइ नहुन्‍यालाइ दिय।”

१ तिमोथी 6:9

तर धनि हुन खोज्‍या मान्‍स पापका कुरामि फसन्‍छ। उ मुर्ख रे हानि अद्‌द्‌या इछ्‍याका पासामि पडन्‍छ, यिनु खराब इछ्‍याले उइलाइ डरलाग्‍दो नास अरि बरबादिमि पुर्‍याउँन्‍छ।