१ तिमोथी 5:9 - डोटेलि

⁹ साठि बर्सभन्‍ना मल्‍तिर पुगेइ बिधुवाको नाँउ मात्‍तरइ बिधुवा सुचिमि लेख, तइमि लइ तिनरो एकबर मात्‍तरइ ब्‍या भया हुन्‍पणन्‍छ।

डोटेली नयाँ करार

⁹ जब कोइ बिधवा साठी बर्ष भण्ना मल्तिरकि छ, रे उ एकइ बैकान कि स्वानी छ भण्या तइलाइ मान्तर तमनले बिधवाको सुचीमि राख्द सकन्छौ।

१ तिमोथी 5:9 Referans Kwoze

१ तिमोथी 3:2

तबइलाइ मण्‍डलिका अगुवा कसइले लइ दोस लाउन नसक्‍द्‍या हुनुपड्‌डछ। तिनु एकइ मात्‍तरइ स्‍वाइनि भया हुन्‌पड्‍डछ, आफुलाइ बसमि राख्‍द्‍या, समज्‍दार असल बानिबेहोरा भया, पाउनाको स्‍वागत-सत्‍कार अद्‌द्‌या रे मान्‍सलाइ परमेस्‍वरको बचन सिकाउन सक्‍द्‍या,

१ तिमोथी 5:11

तर ज्‍वान बिधुवाको नाउँ बिधुवा सुचिमि जनलेखइ, क्‍यालाइकि जबइ तिनरा सारिरिक इछ्‍याका कारणले ख्रिस्‍टबटहइ तिनुलाइ दुर लइजान्‍छ, तबइ तिनुले ब्‍या अद्‍द खोज्‍जिन्‍छन्‌।

१ तिमोथी 5:14

तबइलाइ मु ज्‍वान बिधुवाले ब्‍या अरुन भन्‍न्‍या सर-सल्‍लाहा दिनउ। यसेरि तिनुले चेला-चेलि जन्‍माउन्‌, घरबार बनाउन्‌, रे बिरोधिलाइ हामरो बदनाम अद्‌द्‌या मउका नदिउन्‌ भन्‍न्‍या मु चाहानउ।

१ तिमोथी 3:12

डिकनकि लइ एकइ स्‍वाइनि हुनुपड्‌डछ। रे तिनुले आफना चेला-चेलि रे आफना मउकपिलाको निकेरि रेखदेख अद्‌द्‌या हुनुपड्‌डछ।

१ तिमोथी 5:16

तर कसइ बिस्‍वासि स्‍वाइनि मान्‍सका आफनाइमि बिधुवा छन् भन्‍या, तिनुले उनरो हेरबिचार अरुन, तसो अर्‍यो भन्‍या मण्‍डलिले तिनरो बोझ बोक्‍दु पड्‍डया आथिन्‌। तबइलाइ कोइ नभएइ बिधुवाको मात्‍तरइ मण्‍डलिले हेरबिचार अरउ।