१ तिमोथी 5:10 - डोटेलि

¹⁰ तिनु निका काम अर्‍याकि, चेला-चलिलाइ हुर्कायकि, प्रदेसिको स्‍वागत सत्‍कार अर्‍याकि, ख्रिस्‍टका पबित्‍तर जनका खुट्‍टा धोइबर सेबा अर्‍याकि, दुःखमि पड्‍यालाइ साहेता अर्‍याकि, रे यसाइ निका काममि ध्‍यान दिएइ हुन्‌ पड्न्‍छ।

डोटेली नयाँ करार

¹⁰ और मान्सन पक्‍का हुनु पणन्छ कि तइले सदाइ निको काम अर्याछ, उदाहरणकिलाइ: तइले आफ्नो चेला-चेलीलाइ निक्केरि हुर्काया, नचिन्या मान्सनलाइ आफना घरमि स्वागत अर्या, तइले परमेश्वरका जनको नम्र भइबर सेवा अर्या, रे तइले समस्यामि भया मान्सनलाइ सहयोग अर्या। तइले यिन सब असल कुरणी अद्दाइलाइ आफइलाइ समर्पित अर्या हुनु पणन्छ।

१ तिमोथी 5:10 Referans Kwoze

१ तिमोथी 6:18

तिनुले असल काम अरुन, रे असल काममि धनि, उदार-चित्‍तका रे दानि हउन्‌।

तितस 3:8

यो कुरा साँच्‍चि हो। परमेस्‍वरमि बिस्‍वास अद्‌द्‌या जतिले असल काम अद्‍द ध्‍यान दिय भुनि तुइले जोड दिबर सिकाया मु चाहानउ, क्‍यालाइकि यिनु असल कुरा हामरा मान्‍सलाइ फाइदा दिन्‍या कुरा हुन्‌।

प्रेरित 9:36

योप्‍पा सहरमि तबिता भन्‍नेइ एक जनि प्रभुमि बिस्‍वास अद्‍देइ स्‍वानि थिन्‌। ग्रिक भासामि तनलाइ डोरकास भणिन्‍थ्‍यो। तइको अर्थ हरिणि हो। तन जन्‍ज्‍यालइ अउरको भलाइ अरन्‍थिन्‌ रे गरिबनलाइ साहेता अरन्थिन्‌।

तितस 3:1

सासक रे अधिकारिका अधिनमि बस्‍सु पड्‌डछ भनि तिनुलाइ सम्‍जाइ दे, रे तिनुले हरेक भलाइका काममि आग्‍याकारि भइ तत्‍पर रउन्‌ भनि तिनुलाइ याद दिलाइ दे।

तितस 2:7

तु आफुइ लइ सप्‍पइ कुरामि असल नमुना भइबर धेका। रे तेरा सिछ्‍यामि इमान्‍दारिता, गम्‍भिरता,

२ तिमोथी 3:17

क्‍यालाइकि परमेस्‍वरका जनले भलाइका हरेक काम पुराइ रुपले अद्‍द सक्‍दाइलाइ धर्म-सास्‍त्‍तर दिइया हो।

लूका 7:44

उनुले तइ स्‍वानितिर फर्‌किबर भुन्‍यो, “इनलाइ हेर मु तमरा घरमि आयाँ रे तमले मुलाइ खुट्‌टा धुनाकि पानिसमेत दियानु। रे इनले त मेरा खुट्‌टा आँसुले धोइबर आफना रउले पुछिदियो।

तितस 3:14

हामरा मान्‍स निका काम अद्‍दामि आफना समय बिताउन्‌, ताकि जरुणि रे खाँचो पणिआया खन्‍डमि तिनुले साहेता दिन सकुन्‌, रे तिनु तत्‍तिकइमि जिबन जनबिताउँन्‌।

तितस 2:14

इसु ख्रिस्‍टले हामुलाइ सप्‍पइ किसमका पापबटहइ छुट्‍कारा दिनाइलाइ आफनो जिबन दियो। उनुले हामुलाइ पबित्‍तर पाड्‍डाइलाइ आफनो बनायो रे असल काम अद्‌द्‌या रे जोसिला बनायो।

लूका 7:38

त्‍यो इसुका पछाडिबटहइ आइबर उनरा खुट्‌टाखि कल्‍लिबर रुनलागि रे आँसु इसुका खुट्‌टाइनि झड्‌या। उनरा खुट्‌टा रउले पुछिबर भात्‍तिखाइबर बास आउन्‍या तेल उनरा खुट्‌टाइनि खणेइ दियो।

२ तिमोथी 3:15

तु नान्‍काइछनबटहइ पबित्‍तर धर्म-सास्‍त्‍तरका बिसयमि जान्‍नछइ यिनु कुराले ख्रिस्‍ट इसुमि भया बिस्‍वासबटहइ मुक्‍तिकि निउति तुलाइ सिछ्‍या दिन सकन्‍छ।

२ तिमोथी 2:21

कसइले खराब कुराबटहइ आफुलाइ सुद्‍द पाण्‍यो भुन्‍या त्‍यो आदरका कामकि निउति काम लाग्‍द्‍या भाणो जसोइ हुन्‍या छ, रे घरका मालिककि निउति काम लाग्‍द्‍या रे असल कामकि निउति तयार रन्‍या छ।

२ तिमोथी 1:5

मुलाइ तेरो त्‍यो साँचो बिस्‍वासको सम्‍जना हुन्‍छ, जो पइल्‍लि तेरि बजेइ लोइस रे तइपाछा तेरि इजा युनिसमि थ्‍यो। रे आब तुमि लइ तेइ बिस्‍वास छ भन्‍न्‍या कुरामि मु पक्‍का छु।

१ तिमोथी 5:25

तसोइ अरि कति असल काम पइल्‍लि छर्लङइ धेकिनाछन्‌ रे छर्लङइ नधेकिया लइ लुकिबर रन्‍या आथिनन्‌।

१ तिमोथी 2:10

तर परमेस्‍वरको भक्‍ति अद्‍देइ स्‍वाइनि मान्‍सले आफुलाइ स्‍वाउन्‍या किसिमका असल काम मात्‍तरइ अरुन।

प्रेरित 22:12

“तइ सहरमि हननिया नाउँ भया एक जना मान्‍स बसन्‍थ्‍या। उन मोसाले दिया ब्‍याबस्‍था पालन अद्‌द्‌या धर्मि मान्‍स थ्‍या रे दमस्‍कसमि बस्‍या यहुदिन सप्‍पइले उनलाइ आदर अरन्‍थ्‍या।

प्रेरित 10:22

तिनुनले भुन्‍यो, “एक जना कप्‍तान कर्नेलियस, जो सोजा रे परमेस्‍वरसित डराउन्‍या रे सारा यहुदि जातिबटहइ सम्‍मान पाया मान्‍स हुन्‌। तमलाइ उनरा घरमि बोलाया छन् क्‍यालाइकि तमबटहइ परमेस्‍वरको बचन सुन्‍न भुणि एक पबित्‍तर स्‍वर्गदुतबटहइ उनलाइ आदेस मिल्‍या छ।”

प्रेरित 9:39

तबइ पत्‍रुस उठिबर तिनुनसित गया। पत्‍रुस योप्‍पामि पुग्‍यापाछा तिनुनले पत्‍रुसलाइ मल्‍ला तलाको कोठामि लइया। बिधुवान सप्‍पइ तिनरा नजिक कलिबर रुन लागिन्‌, रे डोरकास तिनुनसित हुन्‍ज्‍या तनले बनाइराख्‍या लत्‍ता रे अउर लत्‍तानलइ धेकायो।

प्रेरित 6:3

तबइलाइ दाइभाइन हो, तमु मध्‍ये पबित्‍तर आत्‍मा रे बुद्‍दिले भरिया सप्‍पइको आदर पाया सात जना मान्‍सन छान, जइलाइ हाम यइ काममि नियुक्‍ति अद्‍दाउ।

१ तिमोथी 5:16

तर कसइ बिस्‍वासि स्‍वाइनि मान्‍सका आफनाइमि बिधुवा छन् भन्‍या, तिनुले उनरो हेरबिचार अरुन, तसो अर्‍यो भन्‍या मण्‍डलिले तिनरो बोझ बोक्‍दु पड्‍डया आथिन्‌। तबइलाइ कोइ नभएइ बिधुवाको मात्‍तरइ मण्‍डलिले हेरबिचार अरउ।

१ तिमोथी 3:7

मण्‍डलिको अगुवा मण्‍डलि भित्‍तर मात्‍तरइ हइन मण्‍डलिबाइर लइ मान-सम्‍मान पाया मान्‍स हुन्‌पड्‍डछ। नति तिनु सइतानका पासामि पड्‍डया छन्‌।

१ तिमोथी 3:2

तबइलाइ मण्‍डलिका अगुवा कसइले लइ दोस लाउन नसक्‍द्‍या हुनुपड्‌डछ। तिनु एकइ मात्‍तरइ स्‍वाइनि भया हुन्‌पड्‍डछ, आफुलाइ बसमि राख्‍द्‍या, समज्‍दार असल बानिबेहोरा भया, पाउनाको स्‍वागत-सत्‍कार अद्‌द्‌या रे मान्‍सलाइ परमेस्‍वरको बचन सिकाउन सक्‍द्‍या,