१ तिमोथी 3:1 - डोटेलि

¹ “यदि कसइले मण्‍डलिका अगुवा भइबर सेबा अद्‌द्‌या इछ्‍या अरन्‍छ भन्‍या तिनुले सम्‍मानित कामको इछ्‍या अद्‍दाछन्‌” यो भुनाइ बिस्‍वासयोग्‍य छ।

डोटेली नयाँ करार

¹ मइले तमनलाइ सिकाया यिन कुरणी सत्य छन, रे यइमि बिश्वास अद्द सकिन्छ, यदि कसइ मान्सले अगुवाको काम अरन्छ भण्या तइले आदणिय काम अद्द्या इच्छा अरन्छ।

१ तिमोथी 3:1 Referans Kwoze

तितस 1:7

क्‍यालाइकि परमेस्‍वरका कामको जिम्‍मा लिया हुनाले मण्‍डलिको अगुवा दोस नभया हुनपणन्‍छ। तिनु आफु खुसि अद्‍या, छिट्‍टाइ रिसाउन्‍या, जण्‍या, मारपिट अद्‌द्‌या रे धनको लोबि हुनुहुनइन्‌।

प्रेरित 20:28

आब तमु आफनि निउति रे आफना बिस्‍वासिन कि निउति सचेत होइबर बस, पबित्‍तर आत्‍माले तमुलाइ बिस्‍वासिनको जिम्‍मावाला बनाया हुनाले उनुले आफनाइ रगतले किन्‍या परमेस्‍वरका मण्‍डलिको हेरबिचार तमुले अर।

१ तिमोथी 1:15

यो बचन हरप्रकारले ग्रहणयोग्‍य छ, कि पापिलाइ उद्‍दार अद्‍द इसु ख्रिस्‍ट सन्‍सारमि आयाहुन्‌, रे पापिमध्‍ये मु सप्‍पइहइ बर्ता पापि हुँ।

२ तिमोथी 2:11

यो भुनाइ साँचो हो, “यदि हामु उनुसितइ मर्‍या छु भुन्‍या, हामु लइ उनुसितइ जिउन्‍या छउँ।

१ तिमोथी 4:9

यो कुरा साँचो रे सप्‍पइले ग्रहण अद्‍दु पड्‍डया योग्‍यको छ।

लूका 15:10

मु तमुखि भुन्‍नउ, इसेरि पस्‍याताप अद्‍या एक जनो पापिखिलाइ परमेस्‍वरका स्‍वर्गदुतनका आगाडि आनन्‍न हुन्‍छ।”

तितस 3:8

यो कुरा साँच्‍चि हो। परमेस्‍वरमि बिस्‍वास अद्‌द्‌या जतिले असल काम अद्‍द ध्‍यान दिय भुनि तुइले जोड दिबर सिकाया मु चाहानउ, क्‍यालाइकि यिनु असल कुरा हामरा मान्‍सलाइ फाइदा दिन्‍या कुरा हुन्‌।

प्रेरित 1:20

पत्‍रुसले अज भुन्‍यो, “क्‍यालाइकि भजनका किताबमि यसो लेखिया छ, ‘तइको बासस्‍थान उजाड हउ, रे ताँ बास अद्‌द्‌या कोइ लइ जन हउ।’ ‘तइले अद्‌द्‌या कामको जिम्‍मा अर्खाइले लेउ भनिबर लेखिया छ।’

१ थेसलोनिकि 5:14

भाइबिना हो, हामु तमुलाइ अर्ति दिनाउ कि अल्‍छि मान्‍सलाइ चेतावनि दिय, हरेस खान्‍यालाइ दिलासा दिय, कमजोरलाइ साहेता अर, रे तिनु सप्‍पइ मान्‍ससित सहनसिलता धेकाय।