१ तिमोथी 2:8 - डोटेलि

⁸ तबइलाइ मेरो इछ्‍या बइकान मान्‍सले जइ ठउँर लइ नरिसाइबर सङ्‍का नअरि आफना पबित्‍तर हात उठाइबर परमेस्‍वरमि प्रार्थना अरुन भन्‍न्‍या मु चाहानउ।

डोटेली नयाँ करार

⁸ म चाहानउ कि जबलगइ तमन परमेश्वरको आराधना अददाइ जम्मा हुन्छौ, परमेश्वरलाइ स्वीकारयोग्य जीवन बिताउन्या बैकानले आफ्नो हात उठाइबर परमेश्वरमि पूरारुपमी समर्पित भइबर बिनाक्रोध रे बिनाविबाद प्रार्थना अरुन।

१ तिमोथी 2:8 Referans Kwoze

तितस 3:8

यो कुरा साँच्‍चि हो। परमेस्‍वरमि बिस्‍वास अद्‌द्‌या जतिले असल काम अद्‍द ध्‍यान दिय भुनि तुइले जोड दिबर सिकाया मु चाहानउ, क्‍यालाइकि यिनु असल कुरा हामरा मान्‍सलाइ फाइदा दिन्‍या कुरा हुन्‌।

लूका 24:50

तइपाछा उनुले तिनुनलाइ बेथानिया गाउँसम्‍म लइजाबर गया, रे आफना हात उठाइबर तिनुनलाइ आर्सिबाद दियो।

१ तिमोथी 5:14

तबइलाइ मु ज्‍वान बिधुवाले ब्‍या अरुन भन्‍न्‍या सर-सल्‍लाहा दिनउ। यसेरि तिनुले चेला-चेलि जन्‍माउन्‌, घरबार बनाउन्‌, रे बिरोधिलाइ हामरो बदनाम अद्‌द्‌या मउका नदिउन्‌ भन्‍न्‍या मु चाहानउ।

प्रेरित 21:5

ताँबटहइ हामरो हिट्‍टयाबेला भयापाछा हाम बिदा भइबर आफना यात्‍रामि निकल्‍या। ताँ भया प्रभुमि बिस्‍वास अद्‌या सप्‍पइ दाइभाइ, दिदिबइनि रे केटाकेटिसमेत हामुलाइ सहर बाइरसम्‍म पुर्‍याउन आया, रे हाम सप्‍पइले समुन्‍दरका किनारामि घुणा टेकिबर प्रार्थना अर्‍या, रे एक अर्काबटहइ बिदा भया।

प्रेरित 10:4

तइपाछा कर्नेलियसले डर मानिबर स्‍वर्गदुतलाइ एकहोरिबर हेर्‍यो रे भुन्‍यो, “प्रभु भुण।” रे उनुले तिनलाइ भुन्‍यो, “तमरो प्रार्थना रे गरिबनलाइ अर्‍या साहेता परमेस्‍वरले समजिराइ छन्।

प्रेरित 10:2

तन परमेस्‍वरको आराधना अद्‌द्‌या मान्‍स थ्‍या। तन रे तनरा सप्‍पइ मउकपिलाले परमेस्‍वरको डर राखन्‍थ्‍या। तन खाँचामि पण्‍या मान्‍सनलाइ उदार चित्‍तले दान दिइबर परमेस्‍वरसित सदाइँ प्रार्थना अरनथ्‍या।

प्रेरित 7:60

तिनले घुणा टेकिबर ठुला स्‍वरले कला हालिबर भुन्‍यो, “हे प्रभु, यइ पापको दोस यिनुनलाइ नलागउ।” इति भनिसक्‍या पाछा तिनले आफनो परान त्‍याग अर्‍यो।

प्रेरित 10:31

रे मुलाइ भुन्‍यो, ‘कर्नेलियस, परमेस्‍वरले तमरो प्रार्थना सुण्‍या छ। रे तमले गरिबनलाइ दिया दानको सम्‍जना होइरइ छ।

लूका 23:34

रे इसुले भुन्‍यो, “हे पिता, यिनुनलाइ छिमा अर, क्‍यालाइकि यिनुन कि अद्‌दाछन् जान्‍नाइन्।” रे तिनुनले उनरो लत्‍ता बान्‍नाइलाइ चिठ्‌ठा हाल्‍यो।

१ थेसलोनिकि 1:8

क्‍यालाइकि तमुबटहइ परमेस्‍वरको बचन माकेडोनिया रे अखइयामि मात्‍तरइ फइलिया हइन। तर परमेस्‍वरमि भया तमरो बिस्‍वास चारइतिर फइलिया छ, यइ बिसयमि हामुले अउर केइ भुन्‍न आथिन्‌।