१ तिमोथी 1:4 - डोटेलि

⁴ तुइले तिनुलाइ तिनु बनावटि कथा रे पिता-पुरखाका नसकिन्‍या बंसाबलितिर ध्‍यान लाउन जनदेइ। क्‍यालाइकि तिनु कुराले त बादबिबाद मात्‍तरइ ल्‍याउछ। रे परमेस्‍वरलाइ बिस्‍वास अरिबर जिउन्‍याहुन्‍यालाइ केइ साहेता अद्‍दइन्‌।

डोटेली नयाँ करार

⁴ तिनन अनुमानका कुरणी मान्तरइ बडाउन्या दन्त्य काहानि रे नसकिन्या पुर्खाको लामो सुचीमि समय बर्बाद अद्द बन्द अरुन, यिसा बादबिबादले कसइलाइ परमेश्वरको काम अददाइलाइ सहयोग अद्दइन। तसो काम परमेश्वरमि बिश्वास अद्याले मान्तर अद्द सकन्छ।

१ तिमोथी 1:4 Referans Kwoze

तितस 3:9

तर बिना कामका छलफल, रे बंसाबलि, फुट रे ब्‍यबस्‍थाका बिसयमि भया झइ झगडाबटहइ अलग बस। क्‍यालाइकि तिनु कुरा बिना कामका रे खालिसारा हुन्‌।

तितस 1:14

आब यहुदिका बनावटि कथा रे सत्‍यलाइ नमान्‍या मान्‍सका आग्‍यालाइ जनमानेइ।

१ तिमोथी 4:7

परमेस्‍वरलाइ आदर नअद्‍या रे अर्थनहिन कथाबटहइ एकदम अलगइ बस बरु परमेस्‍वरलाइ भक्‍ति अद्‌द्‌या जिबन जिउन्‍या बिसयमि तालिम दे।

२ तिमोथी 4:4

रे आफना कानले सत्‍य कुरा सुन्‍नाइलाइ हइन तर मान्‍सले बनाया खालिसारा कथा सुन्‍नु निको मान्‍न्‍या छन्।

१ तिमोथी 6:20

तिमोथि, परमेस्‍वरले तुलाइ ज्‍या दिराइछ, त्‍यो सुरछित राख्‌। कतिपइ मान्‍सले सन्‍सारका मुर्ख कुरा रे ग्‍यान भनिमानिबर मान्‍या झुटा कुराबटहइ अलग होय।

२ तिमोथी 2:14

यो कुरा तु मण्‍डलिका मान्‍सलाइ सम्‍जाइ दे, रे परमेस्‍वरका नाउमि आग्‍या दे, कि तिनुले सब्‍दमि बादबिबाद जनअरुन। जइले भलाइ अद्‍दइन्‌, तर सुन्‍या मान्‍सलाइ बिगाणन्‍छ।

२ तिमोथी 2:22

तबइलाइ जवानिका अभिलासा छाडिबर सुद्‍द मनले प्रभुको नाउँ लिन्‍यासित सङसङइ धर्मिकता, बिस्‍वास, पिरिम रे सान्‍तिको लछ्‍य राख।

१ तिमोथी 6:11

तर परमेस्‍वरको जन तिमोथि, यिनु फुचेरा कुराबटहइ अलगइ बस्‌, रे धार्मिकता, परमेस्‍वर प्रतिको भक्‍ति, बिस्‍वास, पिरिम, स्‍थिरता रे नम्रताको लछ्‍य राख्‌।

१ तिमोथी 3:16

हामु सुइकार अद्‍दाउ, कि हामरो बिस्‍वासको रहस्‍य भउतइ माहान छ। उनु सरिलमि धेकिया, पबित्‍तर आत्‍माबटहइ सत्‍य साबित भया, उनुलाइ स्‍वर्ग दुतले धेक्‍यो, जाति जातिका बिचमि प्रचारिया, सन्‍सारमि मान्‍सले उनुलाइ बिस्‍वास अर्‍यो, रे परमेस्‍वरले उनुलाइ स्‍वर्ग लइग्‍या।

तितस 1:1

परमेस्‍वरको दास रे ख्रिस्‍ट इसुको प्रेरित मु पावलकातर्फबटहइ यो चिट्‌ठि लेख्‍दाछु। परमेस्‍वरले मुलाइ छान्‍यो रे उनरा चुनियाको बिस्‍वास बलियो बनाउनाइलाइ रे परमेस्‍वरलाइ मन पड्‍या जिबनसित मिल्‍ल्‍या सत्‍यको ग्‍यानतिर तिनुलाइ डोर्‍याउनाइलाइ मु खटाया हुँ।

२ तिमोथी 2:23

तर जान्‍नइ नजान्‍या बिनाकामका तर्कबितर्कबटहइ अलगइ बस। तुलाइ थाइ छ, यसा कुराबटहइ झगडा मात्‍तरइ हुन्‍छ।