१ तिमोथी 1:1 - डोटेलि

¹ बिस्‍वासमि मेरो साँचो चेलो तिमोथि, हामरा उद्‍दारकर्ता परमेस्‍वर रे हामुले आसा अर्‍या ख्रिस्‍ट इसुका आग्‍याअन्‍सार मु प्रेरित पावलका तर्फबटहइ यो चिट्‌ठि लेख्‍दाछु।

डोटेली नयाँ करार

¹ म, पावल यो चिठ्ठी लेख्दाछु। म परमेश्वर हमरा मुक्तिदाता रे येशू ख्रीष्टको अधिकार बठेइ येशू ख्रीष्टकी निउति छान्या शिष्या हु जइमि हाम आसा राख्दाउ।

१ तिमोथी 1:1 Referans Kwoze

तितस 1:3

पइ ठिक समयमि उनुले आफनो बचन धेकायो। जो बचन सुनाउनाइलाइ हामुलाइ मुक्‍ति दिन्‍या परमेस्‍वरका आग्‍याबटहइ मुलाइ जिम्‍मा दियाछन्।

प्रेरित 9:15

तर प्रभुले तनलाइ भुन्‍यो, “जा, क्‍यालाइकि अउरजातिन, राजान रे इज्राएलिनका सन्‍तानका अगाडि मेरो नाउँ प्रचार अद्‌द्‌या मान्‍स हुनाइलाइ मुइले तनलाइ चुन्या छु।

१ तिमोथी 1:12

मुलाइ सक्‍ति दिन्‍या ख्रिस्‍ट इसु हामरा प्रभुलाइ मु धन्‍यबाद दिनउ, क्‍यालाइकि आफना सेबाका काममि निउक्‍ति अरिबर उनुले मुलाइ बिस्‍वासयोग्‍य ठान्‍यो।

१ तिमोथी 2:7

तबइलाइ परमेस्‍वरले मुलाइ प्रचारक रे प्रेरित निउक्‍ति अर्‍यो। ताकि अउरजातिका मान्‍सलाइ बिस्‍वास रे सत्‍यताको सन्‍देस प्रचार अद्‍द मु एक सिछ्‍यक बनाइया हुँ। मु साँच्‍चि भुन्‍ना छु झुटा हइन।

२ थेसलोनिकि 2:16

हामरा प्रभु इसु ख्रिस्‍ट रे पिता परमेस्‍वरले हामुलाइ पिरिम अर्‍यो रे उनरा अनुग्रहबटहइ अन्‍त नहुन्‍या उत्‍साह रे असल आसा दियो।

तितस 3:6

जो उनुले हामरा मुक्‍तिदाता इसु ख्रिस्‍टबटहइ हामुमि प्रस्‍सत अरि पबित्‍तर आत्‍मा दियो।

तितस 3:4

तर जबइ परमेस्‍वर हामरा मुक्‍तिदाताको दया रे पिरिम प्रकट भया हामुले धेक्‍या,

तितस 2:13

यसेरि हामुले आसा राख्‍या कुरा पुरा हुन्‍या दिनको बाटो हेद्‍दाउ। माहान परमेस्‍वर रे हामुलाइ मुक्‍ति दिन्‍या इसु ख्रिस्‍टको तइ दिन ठुलो सम्‍मान भया धेकिन्‍या छ।

तितस 2:10

तिनुले नचोरुन्‌ तर सप्‍पइ कुरामि बिस्‍वासयोग्‍य हउन्‌। यसेरि तिनुले अर्‍या सप्‍पइ कामबटहइ मुक्‍तिदाता परमेस्‍वरका बारेमि सिकाया कुराको आदर हउ।

१ तिमोथी 4:10

तबइलाइ हामु यइ उदेस्‍यले काम अद्‍दाउ, क्‍यालाइकि हामरो आसा जिउना परमेस्‍वरमि राखिया छ। उनु सप्‍पइ मान्‍सका मुक्‍तिदाता हुन्‌, खास अरिबर उनुमि बिस्‍वास अद्‌द्‌याहुन्‍याका मुक्‍तिदाता हुन्‌।

१ तिमोथी 2:3

यसेरि सप्‍पइकि निउति प्रार्थना अद्‍दु असल कुरा हो रे हामरा मुक्‍तिदाता परमेस्‍वरका नजरमि यो निको छ।

लूका 1:47

रे मेरो आत्‍मा मेरा मुक्‍तिदाता परमेस्‍वरमि रमाउछ।

लूका 2:11

आज दाउदका सहरमि तमरि निउति एक जनो मुक्‍तिदाताको जनम होइरइछ, जो ख्रिस्‍ट प्रभु हुन्‌।