Si Apwesa 8:12 - Buki Tabu Lowaenei 1919

¹² Ta Mose be Aarona Parao ‘enega si tauiawa: ta Mose ‘i bwa‘u Ieoba ‘ena kwekwe manudi taudi ‘i me‘edi Parao ‘enaia.

Si Apwesa 8:12 Referans Kwoze

Si Apwesa 32:11

Ta Mose Ieoba ‘ina Eaubada ‘ena ‘i sida, ta ‘i gwae, Ieoba, to‘ase manuna ‘imu gamwasoara ‘i iaiiai ‘imu tomota ‘edia, taudi ‘asa Aigupitoega u ‘au‘ewedima waiwai sinabwanega ta nima waiwaiega?

Si Apwesa 10:18

Ta Parao ‘enega ‘i tauiawa, ta Ieoba ‘ena ‘i sida.

Si Apwesa 9:33

Ta Mose Parao ‘enega ‘asega ‘i tauiawa, ta nimana ‘i tuweiarina Ieoba ‘enaia: ta wepararaiao be ‘usana‐patuna si losa‘u, ta ‘usana nigea ‘i daudau bare‘uia.

Si Apwesa 8:30

Ta Mose Parao ‘enega ‘i apwesa, ta Ieoba ‘ena ‘i sida.

Si Apwesa 8:8

Ga Parao Mose ta Aarona, ‘i bwauiedi, ta ‘i gwae, Ieoba wa da sidei, be kwekwe ‘eguiega ‘i da ‘ewedi, ta ‘igu tomota ‘ediega; ta tomota ia da tagwaredi be si da tauia, be ‘enega si da taria Ieoba ‘enaia.

Si Apwesa 8:13

Ta Ieoba ‘i guinua nadigega Mose ‘ina ona; ta kwekwe si mwawasa anua ‘edia ta, ‘atamanaia ta, baguraia ta.

Salamo 105:31

‘I ona, ga nenewara ma‘adi iau si mai, Ta ‘utu ‘idi raba iauiauna ‘edia.