Si Apwesa 7:16 - Buki Tabu Lowaenei 1919

¹⁶ Ta ‘ena ‘u da gwae, Ieoba, me Eberu ‘idi Eaubada, ni‘atu i ‘etunegu ‘emuia, ‘i ona, ‘Igu tomota ‘u da tagwaredi be si da tauia, be ‘eguia si da guinua mitawaia: ta, u ‘ita, ni‘atu nigea ‘u nonono.

Si Apwesa 7:16 Referans Kwoze

Si Apwesa 3:18

Ta ‘enaio si da nonona: ta ‘u da mai, ‘oio ta Iseraela ‘ina ‘inapwanao, Aigupito ‘ina king ‘enaia, ta ‘ena wa da gwae, ‘Ieoba, me Eberu ‘idi Eaubada, ni‘atu ‘i apwesa ‘emaia: ta ‘u da tagwarema, ‘a sideio, be ‘a da tauia ga asiata ‘e toi mitawa ‘enaia, be Ieoba ‘ima Eaubada ‘ena ‘a da taria.

Si Apwesa 9:1

Ga Ieoba ‘i ona Mose ‘enaia, Parao ‘ena ‘u da rugu, ta ‘ena ‘u da simana, Ieoba me Eberu ‘idi Eaubada, gete nadigega ‘i gwae ‘Igu tomota ‘u da tagwaredi be si da tauia, be ‘enega ‘eguia si da guinua.

Si Apwesa 9:13

Ta Ieoba ‘i ona Mose ‘enaia, Gonagonaia ‘u da tooro manini, ta Parao matanaia ‘u da tooro, ta ‘ena ‘u da ona, Ieoba, me Eberu ‘idi Eaubada, gete nadigega ‘i ona, ‘Igu tomota ‘u da tagwaredi be si da tauia, be ‘enega ‘eguia si da guinua.

Si Apwesa 3:12

Ta ‘i gwae, Abo‘agu ai‘aila ma‘ieaio; ta gete we‘iwe‘iiaia ‘emuia, ‘aene ni‘atu ia ‘etunemu: ni‘atu tomota u ‘au‘ewedima Aigupitoega, ‘oea gete ‘ena Eaubada ‘ena wa da guinua.

Isaia 45:13

Ia gietoorona bubuna paruparuiega, ta ‘ina ‘eda iauiauna ia da gieparuparu: ‘igu ‘asa ‘i da ‘abina, ta ‘igu tomia to‘u‘umara ‘i da li‘amidi, nigea e‘isa nai tamapu manuna, bodao ‘idi Ieoba ‘i gwae.

Si Apwesa 14:5

Ta si simana Aigupito ‘ana king ‘enaia ‘aene tomota ni‘atu si dena: ta Parao ta ‘ina ‘ari‘eiao nuadi ‘i ebunina tomota ‘edia, ta si gwae, To‘ase gete ta guinua, Iseraela ‘idi guinua ‘edaia ta giisinedi?

Si Apwesa 13:15

Ta gete ‘i apwesa, Parao i ‘atepatu be gea‘abo ‘i da tagwarema be ‘a da tauia, ga Ieoba tomatua iauiaudi ‘asa Aigupito ‘ena ‘i loemwawasidi, tai ‘ina tomatua, ta bulomakau ‘ina tomatua ruarua; ta ‘enega iauiaudi ‘ebetubua si gigegena Ieoba ‘ena ia taria, me‘olotodi taudi; ta natuguao me‘olotodi ‘idi tomatua ia ‘e‘isai.

Si Apwesa 10:3

Ta Mose be Aarona si rugu Parao ‘enaia, ta si eonena, Gete nadigega Ieoba me Eberu ‘idi Eaubada ‘i gwae, Tuta ‘eisa gimwa‘uteio mataguia ‘u da guitoasa? ‘igu tomota ‘u da tagwaredi be si da tauia, be ‘enega ‘eguia si da guinua:

Si Apwesa 8:20

Ta Ieoba ‘i ona Mose ‘enaia, Gonagonaia ‘u da tooro manini, ta Parao matanaia ‘u da tooro; u ‘ita, ‘i apwesama boasi ‘enaia; ta ‘ena ‘u da gwae, Ieoba gete nadigega ‘i gwae, ‘Igu tomota ‘u da tagwaredi be si da tauia, be ‘enega ‘eguia si da guinua.

Si Apwesa 8:1

Ta Ieoba ‘i ona Mose ‘enaia, Parao ‘ena ‘u da rugu, ta ‘ena ‘u da gwae, Ieoba gete nadigega ‘i gwae, ‘Igu tomota ‘u da tagwaredi be si da tauia, be ‘enega ‘eguia si da guinua.

Si Apwesa 3:13

Ta Mose Eaubada ‘ena ‘i gwae, U ‘ita, ‘ena ia wai Iseraela tubunao ‘edia, ta ‘edia ia da gwae, Tamamiao ‘idi Eaubada ni‘atu i ‘etunegu ‘emia; ta ‘eguia si da ona; Mwa‘adega ‘ana esana? to‘ase ia da ona ‘edia?

Si Apwesa 4:22

Ta ‘u da ona Parao ‘enaia, Gete nadigega Ieoba ‘i ona, Iseraela natugu me‘olotona, ‘igu tomatua:

Si Apwesa 4:23

Ta ni‘atu ia ona ‘emuia, Natugu ‘u da giisine, be ‘enega ‘eguia ‘i da guinua; ta nigea ‘u tagwara be ‘i da tauia; u ‘ita, natuio me‘olotona, ‘imu tomatua, ia da loemwawasi.

Si Apwesa 7:4

Ta Parao gea‘abo ‘emia ‘i da nonono, ta nimagu ia da sa‘u Aigupito ‘enaia, ta ‘igu bodao, ‘igu tomota Iseraela tubunao, ia da ‘au‘ewedima ‘asa Aigupito ‘enega loina sinabwadi ‘ediega.