Si Apwesa 6:7 - Buki Tabu Lowaenei 1919

⁷ ta ia da ‘au‘ewemi ‘eguia ‘igu tomota, ta ‘Abo‘agu Eaubada ‘emia; ta wa da mwaratoni ‘aene ‘abo‘agu Ieoba ‘imi Eaubada, tauna me Aigupito ‘idi ‘a‘ara ‘agaraunega i ‘au‘ewemi.

Si Apwesa 6:7 Referans Kwoze

Isaia 41:20

Be ‘enega si da ‘ita, ta si da mwaratoni, ta si da nuanua, ta si da sinapuna rererea, ‘aene Ieoba nimana iage gete ‘i guinua, ta Iseraela ‘ina Tabu Tebweuna ‘i mweruruina.

Salamo 81:6

‘A‘arana ia ‘ewena bwagilega: Nimanao si li‘amidi kodoega.

Si Apwesa 16:12

Iseraela tubunao ‘idi onaolilisana ni‘atu ia nonona: ‘u da ona ‘edia, ‘u da gwae, Asunuanuaia esio wa da ‘e‘ani, ta gonagonaia masurega wa da maa; ta wa da mwaratoni ‘Abo‘agu Ieoba ‘imi Eaubada.

Si Apwesa 6:6

Ta ‘enega Iseraela tubunao ‘edia ‘u da gwae, ‘Abo‘agu Ieoba, ta me Aigupito ‘idi ‘a‘ara ‘ediega ia da ‘au‘ewemi, ta ‘idi iona ‘enega ia da ‘etoseemi, ta ia da li‘amimi nima iasitotoega, ta loina sinabwadi ‘ediega:

Si Apwesa 2:11

Ta asiata gotedi gete ‘i apwesa, ni‘atu Mose ‘i sinabwa, ga ‘i apwesa tasinao ‘edia, ta ‘idi ‘a‘ara ‘i duneduneiedi: ta goma Aigupito ‘e bweuna i ‘itena goma Eberu ‘i unuina, tasinao ‘ediega ‘e bweuna.

Si Apwesa 16:6

Ta Mose ta Aarona si ona Iseraela tubunao iauiaudi ‘edia, Asunuanuaia, ga wa da mwaratoni ‘aene Ieoba ni‘atu i ‘au‘ewemi ‘asa Aigupitoega:

Loina 11:44

‘Abo‘agu Ieoba ‘imi Eaubada ta ‘enega; ‘enega wa da ‘etabuiemi, be wa da ‘esasena; ‘abo‘agu ‘esasegu ta ‘enega: ta gea‘abo wa da giebaila‘emi iage lokawaridi bare‘uia si loniu ‘e bweuna ‘enega.

Loina 11:45

‘Abo‘agu Ieoba taugu ta ‘enega ia ‘au‘ewemi ‘asa Aigupito ‘enega, be ia ‘imi Eaubada; ‘omi wa da ‘esasemi, ‘abo‘agu ‘esasegu ta ‘enega.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 49:26

Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 63:8

‘I gwae ta ‘enega, Ona ‘ai‘aila, taudi ‘igu tomota, natuguao nigea si da bubu kabokabo: nadigega tauna ‘adi to‘etoseana.

Nugana 26:3

‘asa gete ‘ena ‘u da mia, ta abo‘agu ma‘ieaio, ta ia da onaobobomeio; ‘emuia ta ‘enega, ta tubumuao ‘edia, ‘asa iauiauna getedi ia da ‘ebwaea‘edi, ta ‘ona‘upa‘upa tauna tamaio Aberaamo ‘ena ia ona‘upa‘upa ia da giepa‘ari;

Nugana 28:13

Ta, wa ‘ita, Ieoba debanaia ‘i tooro, ta ‘i ona, ‘Abo‘agu Ieoba, Aberaamo tubuio ‘ina Eaubada, ta Isaako ‘ina Eaubada: bwa‘a ‘ena u ‘eno‘eno, ia da ‘ebwaemu, ta tubuio ‘enaia:

Si Apwesa 7:17

Gete nadigega Ieoba ‘i gwae, Gete ‘ena ‘u da mwaratoni ‘abo‘agu Ieoba: u ‘ita, Keweliwelili nimagu ‘ena ‘i miami ‘enega boasiao taudi boasi ‘awa ‘ena si miami ia da unudi, ta si da erara.

Si Apwesa 13:3

Ta Mose ‘i ona tomota ‘edia, Asiata gete wa da nua‘i‘isi, tauna ‘enega Aigupitoega wa apwesama, ioniionidi ‘idi anuega; nima waiwaiiega Ieoba esena gete ‘enega i ‘au‘ewemi ta ‘enega: gea‘abo palaua malebeni wa ‘e‘ani.

Si Apwesa 13:14

Ta ‘ena natuio me‘olotona tuta ‘i memai ‘enega ‘i eonaio, ‘i gwae, To‘ase gete? ga ‘u da ona ‘enaia, Nima waiwaiiega Ieoba i ‘au‘eweda Aigupitoega, ioniionidi ‘idi anuega:

Si Apwesa 14:4

Ta Parao ‘atena ia da giewaiwai, ta ‘i da muriedima; ta ‘agu amaiaba ia da ‘ewa Parao ‘enega, ta ‘ina boda maibo‘ana ‘enega; ta me Aigupito si da mwaratoni ‘aene ‘Abo‘agu Ieoba. Ta si guinua nadigega.

Si Apwesa 14:18

Ta me Aigupito si da mwaratoni ‘aene ‘Abo‘agu Ieoba, ‘ena ‘igu ‘amaiaba ia ‘ewena Parao ‘enega, ‘ina wagalisilisi ‘ediega, ta ‘ina togeruoseao ‘ediega.

Si Apwesa 15:2

Ieoba ‘igu waiwai ta ‘igu wari, Ta Tauna ni‘atu ‘agu ‘etoseana: Gete ‘igu Eaubada, ta ia da tupuna; Tamagu ‘ina Eaubada, ta ia da gitu‘eiena.

Si Apwesa 15:16

‘Atesa‘ara ta matauta ‘edia si be‘u; Nimaio ‘ina sinabwana ‘enega si miaenono gurewa ‘atua; Ga ‘imu tomota si taona, Ieoba Ie. Ga tomota taudi u ‘ewedi si da taona.

Salamo 100:3

Wa da mwaratoni Ieoba tauna Eaubada: Tauna ‘i mweruruida, ta ‘abo‘ada ‘ina tomota; ‘Abo‘ada ‘ina tomota, ta ‘ina ‘ebe ‘e‘ai ‘ina sipiao.

Isaia 51:15

‘Abo‘agu Ieoba ‘imu Eaubada ta ‘enega, tauna ora ‘i ilia, be ‘enega lisuna si dududu: ‘Ana esana bodao ‘idi Ieoba.