Si Apwesa 6:6 - Buki Tabu Lowaenei 1919

⁶ Ta ‘enega Iseraela tubunao ‘edia ‘u da gwae, ‘Abo‘agu Ieoba, ta me Aigupito ‘idi ‘a‘ara ‘ediega ia da ‘au‘ewemi, ta ‘idi iona ‘enega ia da ‘etoseemi, ta ia da li‘amimi nima iasitotoega, ta loina sinabwadi ‘ediega:

Si Apwesa 6:6 Referans Kwoze

Si Apwesa 7:4

Ta Parao gea‘abo ‘emia ‘i da nonono, ta nimagu ia da sa‘u Aigupito ‘enaia, ta ‘igu bodao, ‘igu tomota Iseraela tubunao, ia da ‘au‘ewedima ‘asa Aigupito ‘enega loina sinabwadi ‘ediega.

Salamo 81:6

‘A‘arana ia ‘ewena bwagilega: Nimanao si li‘amidi kodoega.

Si Apwesa 15:13

‘Oio ‘imu ‘atenua‘ole‘oleiega tomota taudi manudi u ‘e‘isa ‘u nuganedi: ‘Imu waiwaiiega u ‘au‘ewedi ‘imu ‘ebemia tabu ‘enaia.

Si Apwesa 3:17

Ta ni‘atu ia gwae, Aigupito ‘ina ‘elo‘uiaega ia da ‘au‘ewa tu‘eieio ga me Kanania ‘idi ‘asa ‘enaia, me Eta be, me Amori be, me Perisi be, me Ibite be, me Iebusi be, ‘asa ‘enaia susu ta oni ‘ena si daudau.

Isaia 9:21

Manase, Eparaima; ta Eparaima, Manase: ta siterua ruarua Iuda si da guitoasena. Ga iage maibo‘ana gete ‘i da apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Si Apwesa 6:29

Ieoba Mose ‘ena ‘i gwae, ‘i ona, ‘Abo‘agu Ieoba: ona iauiauna ia ‘egwaeiena ‘emuia ‘u da eonae Parao Aigupito ‘ana king ‘enaia.

Si Apwesa 6:8

Ta ‘asa ‘ena ia da ‘au‘ewemi, tauna manuna nimagu ia gilagasina be ia da ‘ebwaea‘ena Aberaamo ‘enaia, Isaako ‘enaia, ta Iakobo ‘enaia; ta ia da ‘ebwaea‘ena ‘emia gwegwe manuna: ‘Abo‘agu Ieoba.

Si Apwesa 6:2

Ta Eaubada ‘i gwae Mose ‘ena, ta ‘i eonena, ‘Abo‘agu Ieoba:

Isaia 9:12

Me Siria nuganaia, ta me Pilisitia murinaia; ta Iseraela si da ‘enina ‘awa ‘eebarinega. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 9:17

Ta ‘enega ‘Inapwana gea‘abo ‘i da guausoara ‘idi tubuau manudi, nai ‘i da ‘atenua‘ole‘ole ‘idi pesiedao ta ‘idi kwaburao ‘edia; iauiaudi ‘e bweuna ‘e bweuna ‘i ona besobeso ta ‘i to‘umali ‘ina to‐guinua, ta ‘awa iauiauna si ona euwauwa. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Si Apwesa 1:11

‘Enega to‐loina‐guinua si aseiadi ‘edia be si da giedeededonidi ‘a‘ara mwau ‘ediega. Ta Parao manuna ‘asa ‘ebesa‘ugwegwe si ‘abidi, Pitoma ta Raamese.

Si Apwesa 2:11

Ta asiata gotedi gete ‘i apwesa, ni‘atu Mose ‘i sinabwa, ga ‘i apwesa tasinao ‘edia, ta ‘idi ‘a‘ara ‘i duneduneiedi: ta goma Aigupito ‘e bweuna i ‘itena goma Eberu ‘i unuina, tasinao ‘ediega ‘e bweuna.

Si Apwesa 12:41

Ta iakwara e poa anaredi ta tati ‘adi ‘ebelosaroni ga gete ‘i apwesa, asiata tauna ‘ai‘aila gete ‘i apwesa, Ieoba ‘ina bodao iauiaudi ‘asa Aigupito ‘enega si tauiawa.

Si Apwesa 12:51

Ta asiata ‘ai‘aila nina gete ‘i apwesa, Ieoba Iseraela tubunao ‘asa Aigupito ‘enega i ‘au‘ewedima boda ta boda ‘ediega.

Si Apwesa 13:3

Ta Mose ‘i ona tomota ‘edia, Asiata gete wa da nua‘i‘isi, tauna ‘enega Aigupitoega wa apwesama, ioniionidi ‘idi anuega; nima waiwaiiega Ieoba esena gete ‘enega i ‘au‘ewemi ta ‘enega: gea‘abo palaua malebeni wa ‘e‘ani.

Si Apwesa 13:14

Ta ‘ena natuio me‘olotona tuta ‘i memai ‘enega ‘i eonaio, ‘i gwae, To‘ase gete? ga ‘u da ona ‘enaia, Nima waiwaiiega Ieoba i ‘au‘eweda Aigupitoega, ioniionidi ‘idi anuega:

Si Apwesa 16:6

Ta Mose ta Aarona si ona Iseraela tubunao iauiaudi ‘edia, Asunuanuaia, ga wa da mwaratoni ‘aene Ieoba ni‘atu i ‘au‘ewemi ‘asa Aigupitoega:

Si Apwesa 18:1

Ga Ietoro, Midiana ‘ina totaria, Mose bwasiana, iage iauiauna Eaubada ‘i guinua Mose manuna ‘i nonona, ta ‘ina tomota Iseraela manudi, ‘aene Ieoba Iseraela i ‘au‘ewenama Aigupitoega.

Si Apwesa 3:8

Ta ia mwa‘utama be ia da ‘etoseedi me Aigupito nimadiega, be ia da ‘au‘ewatu‘eiedima ‘asa gote ‘enega ga ‘asa bobo‘ana ‘enaia ta ‘asa sinabwana, ‘asa ‘enaia susuta oni ‘ena si daudau; me Kanania ‘idi esena ‘ena be, me Eta be, me Amori be, me Perisi be, me Ibite be, me Iebusi be.

Si Apwesa 7:5

Ta ‘ena nimagu ia iasitoto Aigupito ‘enaia, ta Iseraela tubunao ia ‘au‘ewedima gamwagamwanidiega, ga me Aigupito si da mwaratoni ‘aene ‘abo‘agu Ieoba.

Si Apwesa 13:16

Ta ‘i da we‘iwe‘iiaia manuna nimaio ‘ena, ta ‘ebeloesanana mataio gamwagamwanidia: nima waiwaiiega Ieoba i ‘au‘ewedama Aigupitoega ta ‘enega.

Si Apwesa 32:11

Ta Mose Ieoba ‘ina Eaubada ‘ena ‘i sida, ta ‘i gwae, Ieoba, to‘ase manuna ‘imu gamwasoara ‘i iaiiai ‘imu tomota ‘edia, taudi ‘asa Aigupitoega u ‘au‘ewedima waiwai sinabwanega ta nima waiwaiega?

Salamo 77:16

Eaubada ie, boasiao si ‘itemu: Boasiao si ‘itemu, si matauta: Ni‘u wate ‘i dedera.

Salamo 81:7

‘Ate‘uia‘uia ‘ena ‘u bwau, ta ia ‘etoseemu; Weparara ‘ina esena kwaia ‘enega ia ona limana ‘emuia; Boasi Meriba ‘edia ia tooio. (Sela.)

Salamo 81:11

Ta ‘igu tomota ‘enagu nigea si nonona; Ta Iseraela si guitoasegu.