Si Apwesa 3:7 - Buki Tabu Lowaenei 1919

⁷ Ta Ieoba ‘i ona, ‘Igu tomota Aigupito ‘ena ‘idi elo‘uia ni‘atu ia ‘ita ‘ai‘ailina, ta ‘idi bwau ‘idi to‐loina‐guinua manudi ni‘atu ia nonona; ‘idi ‘ate‘uia‘uia ia mwaramwaratoni ta ‘enega;

Si Apwesa 3:7 Referans Kwoze

Salamo 145:19

Taudi si matautena ‘idi nuena ‘i da gieapwesa ‘edia; ‘Idi bwau wate ‘i da nonona, ta ‘i da ‘etoseedi.

Salamo 106:44

Ta ‘idi elo‘uia i ‘itena, ‘Ena ‘idi dedo ‘i nonona:

Salamo 34:6

Tai gomabeso gete ‘i bwau, ta Ieoba ‘i nonona, Ta ‘ina elo‘uia iauiauna ‘ediega i ‘etoseena.

Si Apwesa 22:23

‘Abo ‘e bweu iage ‘enega ‘u giedeedeedonidi, ta si bwau gidarina ‘eguia, ‘idi bwau ia da nono ‘ai‘aila;

Isaia 63:9

‘Idi elo‘uia maibo‘anega tauna ‘i elo‘uia, ta ‘ina miami ‘ana anelose i ‘etoseedi: ‘ina oboboma ta ‘ina nua‘ole‘ole ‘ediega i ‘ewalimedi; ta i ‘amwamwedi, ta i ‘aridi asiata iauiauna lowaeneiega.

Salamo 34:4

Ieoba ia ‘ebesena, ta ‘eguia ‘i ona limana, Ta ‘igu matauta iauiauna ‘ediega i ‘etoseegu.

Si Apwesa 1:11

‘Enega to‐loina‐guinua si aseiadi ‘edia be si da giedeededonidi ‘a‘ara mwau ‘ediega. Ta Parao manuna ‘asa ‘ebesa‘ugwegwe si ‘abidi, Pitoma ta Raamese.

Nugana 29:32

Ta Lea i ‘euwana, ta natuna me‘olotona ‘i enatunena, ta ‘i eesena, Rubena: ‘i ona ta ‘enega, Ieoba ‘igu elo‘uia i ‘itena ta ‘enega; gete tuga mwanegu ‘i da obobomegu ta ‘enega.

Salamo 22:24

To dedoi ‘idi dedoi nigea ‘i sinarina nai ‘i guitoasena ta ‘enega; Nai maninina ‘enega i ‘etokwaiena; Ta ‘ena ‘i dedoi ‘enaia, ‘i nonona.

Salamo 142:3

‘Ena iaruiaruagu ‘i mwawamwawasa ‘ateguia, ‘oio ‘igu ‘eda ‘u mwaramwaratonina. ‘Eda nina ‘enega ia tautauia ‘ena sikwa si sa‘ukwaia manugu.

Nugana 18:21

ga ia da mwa‘uta gete ‘enega, ta ia da ‘ita nai ni‘atu si guinua maibo‘ana nadigega ‘ina bwau, tauna ‘eguia ‘i mai; ta ‘abo nigea, ia da mwaratoni.

Nugana 16:11

Ta Ieoba ‘ina anelose ‘ena ‘i gwae, U ‘ita, u ‘euwana, ta me‘olotona ‘u da enatunena: ta ‘u da eesena Isimaela, ‘imu elo‘uia Ieoba ‘i nonona ni‘atu ta ‘enega.

Nugana 21:17

Ta Eaubada goama ‘enana ‘i nonona; ta Eaubada ‘ina anelose Agari ‘ena ‘i bwau garewega, ta ‘i eonena, Agari ie, mwa‘adega ‘oio? gea‘abo ‘u da ‘atesa‘ara; Eaubada goama ‘enana ‘i nonona ‘ena ‘i miami ta ‘enega.

Nugana 31:12

Ta ‘i gwae, Gete tuga ‘u da ‘ita tu‘e, ta u ‘ita, gota me‘olotodi iauiaudi iau ‘edia si mwera ma‘adi Saba, iomwaiomwaridi, guaiaguaiadi: iage iauiauna Labana ‘i guinua ‘emuia ni‘atu ia ‘itena ta ‘enega.

Nugana 31:42

‘Abo tamagu ‘ina Eaubada, Aberaamo ‘ina Eaubada, ta Isaako ‘ina ‘Ebematauta, nigea ma‘ieagu, ‘ai‘aila ‘u da etunegu manimenimegumo. Eaubada ‘igu elo‘uia i ‘itena ta nimagu ‘idi guinua, ta guruwana ‘i ba‘emu.

Si Apwesa 5:6

Ta asiata gote Parao ‘i ona tomota ‘adi to‐loina‐guinua ‘edia, ta ‘adi tonuganao, ‘i gwae,

Si Apwesa 5:10

Ta tomota ‘idi to‐loina‐guinua si apwesa, ta ‘idi tonuganao, ta si ona tomota ‘edia, si gwae, Gete nadigega Parao ‘i ona, Gea‘abo nedu ia ‘ebwa‘ebwa‘emi.

Si Apwesa 33:13

Ta gete ‘enega, ia sideio, ‘abo matamuia nua‘ole‘ole ia lobena, ‘imu ‘edao ‘u da e‘ita ‘eguia gete ‘enega, be ia da mwaratonio, be ‘enega nua‘ole‘ole ia da lobena: ta ‘u da nuena ‘asa gete ‘imu tomota.

Salamo 35:22

Ieoba ie, ni‘atu u ‘itena: gea‘abo ‘u enono; ‘Inapwana ie, gea‘abo ‘eguiega ‘u miami ‘edasora.

Si Apwesa 1:8

Ga king auauna Aigupito ‘ena ‘i tooro, tauna Iosepa nigea ‘i mwaratoni.

Salamo 9:14

Be ‘enega ‘amu tuputupu maibo‘ana ia da e‘ita: Siona natuna‐me‐wainena ‘ina ‘awa ‘edia, ‘Imu ‘etoseana ‘ena ia da guausoara.

Salamo 12:6

Ieoba ‘ina ona si ona ‘esasena; Na‘ieana sileba si too ‘ebegabu ‘enaia bare‘u ‘enaia, ‘Esasena giesebeni.