Si Apwesa 3:18 - Buki Tabu Lowaenei 1919

¹⁸ Ta ‘enaio si da nonona: ta ‘u da mai, ‘oio ta Iseraela ‘ina ‘inapwanao, Aigupito ‘ina king ‘enaia, ta ‘ena wa da gwae, ‘Ieoba, me Eberu ‘idi Eaubada, ni‘atu ‘i apwesa ‘emaia: ta ‘u da tagwarema, ‘a sideio, be ‘a da tauia ga asiata ‘e toi mitawa ‘enaia, be Ieoba ‘ima Eaubada ‘ena ‘a da taria.

Si Apwesa 3:18 Referans Kwoze

Si Apwesa 9:1

Ga Ieoba ‘i ona Mose ‘enaia, Parao ‘ena ‘u da rugu, ta ‘ena ‘u da simana, Ieoba me Eberu ‘idi Eaubada, gete nadigega ‘i gwae ‘Igu tomota ‘u da tagwaredi be si da tauia, be ‘enega ‘eguia si da guinua.

Si Apwesa 7:16

Ta ‘ena ‘u da gwae, Ieoba, me Eberu ‘idi Eaubada, ni‘atu i ‘etunegu ‘emuia, ‘i ona, ‘Igu tomota ‘u da tagwaredi be si da tauia, be ‘eguia si da guinua mitawaia: ta, u ‘ita, ni‘atu nigea ‘u nonono.

Si Apwesa 10:3

Ta Mose be Aarona si rugu Parao ‘enaia, ta si eonena, Gete nadigega Ieoba me Eberu ‘idi Eaubada ‘i gwae, Tuta ‘eisa gimwa‘uteio mataguia ‘u da guitoasa? ‘igu tomota ‘u da tagwaredi be si da tauia, be ‘enega ‘eguia si da guinua:

Si Apwesa 9:13

Ta Ieoba ‘i ona Mose ‘enaia, Gonagonaia ‘u da tooro manini, ta Parao matanaia ‘u da tooro, ta ‘ena ‘u da ona, Ieoba, me Eberu ‘idi Eaubada, gete nadigega ‘i ona, ‘Igu tomota ‘u da tagwaredi be si da tauia, be ‘enega ‘eguia si da guinua.

Salamo 110:3

‘Imu tomota si tagwara ‘ai‘ailidi ‘imu waiwai ‘ana asiata ‘ena: Bubuna ‘esasena ‘ana ‘ita bobo‘ana ‘ena, gonagona gamwanega, ‘Oio ‘amu tuta tubuau ‘ana gaguna u ‘ewena.

Si Apwesa 30:6

Ta ‘aubodakaleko, tauna ‘ebee‘ita ‘ana dedewaga deinaia ‘i miami, matanaia ‘u da sa‘u, ‘ebemia‐nua‘ole‘ole tauna ‘ebee‘ita debanaia ‘i miami matanaia, ‘ena ma‘ieaio ta da elobaloba.

Si Apwesa 25:22

Ta ‘ena ia da lobaio, ta ia da onaona ma‘ieaio ‘auboda‐nua‘ole‘ole ‘etanega, ierubima ‘e rua, taudi ‘ebe‘e‘ita ‘ana dedewaga ‘ena si miami, gamwagamwanidia ediega, iage iauiauna manudi taudi ia da ‘ebwaemu ona ‘enega Iseraela tubunao ‘edia.

Si Apwesa 19:1

Iseraela tubunao ‘asa Aigupitoega si apwesawa nawarae ‘etonina ‘enega, Asiata gote si mai Sinai mitawina ‘enaia.

Si Apwesa 4:31

Ta tomota si iareiare; ta ni‘atu si nonona ‘aene Ieoba ni‘atu Iseraela tubunao i ‘itedi, ta ‘aene ‘idi elo‘uia i ‘itena ni‘atu, ga si kopukopu ta si bwagobwago.

Si Apwesa 4:24

Ta ‘edega gete ‘i apwesa ‘ebe‘eiawai‘ata ‘enaia, Ieoba ‘i lobena, ta i ‘ebesa sabi ununa.

Si Apwesa 3:16

‘U da tauia, ta Iseraela ‘ina ‘inapwanao ‘u da egogonedi, ta ‘edia ‘u da ona, Ieoba, tamamiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ni‘atu ‘i apwesa ‘eguia, ‘i gwaegwae, ‘Abo‘agu ni‘atu ia ‘itemi, ta iage si guinuena ‘emia Aigupito ‘enaia:

Si Apwesa 3:12

Ta ‘i gwae, Abo‘agu ai‘aila ma‘ieaio; ta gete we‘iwe‘iiaia ‘emuia, ‘aene ni‘atu ia ‘etunemu: ni‘atu tomota u ‘au‘ewedima Aigupitoega, ‘oea gete ‘ena Eaubada ‘ena wa da guinua.

Nugana 48:3

Ta Iakobo ‘i ona Iosepa ‘enaia, Eaubada Toewaiwaisana ‘i apwesa ‘eguia Lusa ‘enaia ‘asa Kanania ‘enaia, ta ‘i onaobobomegu,

Nugana 17:1

Ta ni‘atu Aberamo ‘ana tuta iakwara ‘e naineti‐naine, ga Ieoba Aberamo ‘ena ‘i apwesa, ta ‘ena ‘i ona, ‘Abo‘agu Eaubada Toewaiwaisana; mataguia ‘u da tauia, ta ‘u da bobo‘ana maibo‘ana.

Nugana 15:1

Iage getedi si gumwara ga Ieoba ‘ina ona Aberamo ‘ena ‘i mai madawarega, ‘i gwae, Aberamo, gea‘abo u ‘atesa‘ara: ‘Abo‘agu ‘imu lawa, ta ‘amu e‘isa tosinabwasana.

Nugana 12:1

Ga Icoba Aberamo ‘ena ‘i gwae, ‘Imu ‘asa ‘u da pilisinena, ta ‘imu buunao ‘ediega, ta tamaio ‘ina susu ‘enega, ga ‘asa tauna ia da e‘itemu ‘enaia:

Isaia 64:5

Tauna ‘i guausoara ta bubuna paruparu ‘i guinuei ‘oio ‘u lobena, taudi si nua‘i‘isiio ‘imu ‘edao ‘ediega: u ‘ita, ‘oio ‘u gamwasoara, ta ‘a loegesi: ‘edia ‘a miami tuta lowaeneiega, ta ‘a da bobo‘ana nai?

Si Apwesa 30:36

Ta aina ‘u da tutu be matagidarina, ta ‘ebee‘ita matanaia ‘enega ‘u da sa‘u anua ‘ebeeloba ‘enaia, ‘ena ia da lobemu: ‘i da tabu wawasae ‘emia.

Nugana 14:13

Ta to dena ‘e bweuna ‘i mai, ta Aberamo goma Eberu ‘ena ‘i simana: ta tauna Mamire goma Amori ‘ina keigwanao ‘edia ‘i miami, Esikola tasina, ta Anera tasina; ta taudi gete Aberamo ma‘enao si egosigosiana.

Si Apwesa 4:1

Ta Mose ‘i ona limana ta ‘i gwae, Ta, u ‘ita, gea‘abo si da iaregu, nai ‘enagu si da nono: si da ona ta ‘enega, Ieoba nigea ‘i apwesa ‘emuia.

Si Apwesa 5:1

Ta muriega Mose ta Aarona si mai, ta Parao ‘ena si ona, Ieoba, Iseraela ‘ina Eaubada, gete nadigega ‘i gwae, ‘Igu tomota ‘u da tagwaredi be si da tauia, be si da losagari ‘eguia mitawaia.

Si Apwesa 5:3

Ta si gwae, Me Eberu ‘idi Eaubada ni‘atu ma‘ema ‘a elobaloba: ‘a sideio, ‘u da tagwarema be ‘a da tauia mitawaia ga asiata ‘e toi, ta ‘a da taria Ieoba ‘ima Eaubada ‘enaia; ‘abona nai ‘i unuma muiega, nai sisisaiega.

Si Apwesa 8:1

Ta Ieoba ‘i ona Mose ‘enaia, Parao ‘ena ‘u da rugu, ta ‘ena ‘u da gwae, Ieoba gete nadigega ‘i gwae, ‘Igu tomota ‘u da tagwaredi be si da tauia, be ‘enega ‘eguia si da guinua.

Si Apwesa 8:20

Ta Ieoba ‘i ona Mose ‘enaia, Gonagonaia ‘u da tooro manini, ta Parao matanaia ‘u da tooro; u ‘ita, ‘i apwesama boasi ‘enaia; ta ‘ena ‘u da gwae, Ieoba gete nadigega ‘i gwae, ‘Igu tomota ‘u da tagwaredi be si da tauia, be ‘enega ‘eguia si da guinua.

Si Apwesa 17:5

Ta Ieoba ‘i ona Mose ‘enaia, Tomota matadia ‘u da ‘ataona, ta ma‘ieaio Iseraela ‘ana ‘inapwanao ‘ediega ‘u da ‘au‘ewedi; ta ‘imu keweliwelili, ‘enega boasi ‘u ununa, nimamuiega ‘u da ‘ewa, ta ‘u da tauia.

Si Apwesa 4:23

Ta ni‘atu ia ona ‘emuia, Natugu ‘u da giisine, be ‘enega ‘eguia ‘i da guinua; ta nigea ‘u tagwara be ‘i da tauia; u ‘ita, natuio me‘olotona, ‘imu tomatua, ia da loemwawasi.

Si Apwesa 8:23

Ta ‘igu tomota ta ‘imu tomota gamwanidia raba ia da sa‘u: gibua‘i tuga we‘iwe‘iiaia gete ‘i da miami.