Si Apwesa 3:12 - Buki Tabu Lowaenei 1919

¹² Ta ‘i gwae, Abo‘agu ai‘aila ma‘ieaio; ta gete we‘iwe‘iiaia ‘emuia, ‘aene ni‘atu ia ‘etunemu: ni‘atu tomota u ‘au‘ewedima Aigupitoega, ‘oea gete ‘ena Eaubada ‘ena wa da guinua.

Si Apwesa 3:12 Referans Kwoze

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Nugana 31:3

Ta Ieoba Iakobo ‘ena ‘i ona, Tubumuao ‘idi ‘asa ‘ena ‘u da ‘ila, ta ‘imu bu‘unao ‘edia; ta ‘abo‘agu ma‘ieaio.

Si Apwesa 4:15

Ta ‘u da ona ‘enaia, ta ‘awanaia ona ‘u da sa‘udi: ta ‘abo‘agu ‘awaio ma‘ieana, ta ‘awana ma‘ieana, ta ia da e‘itemi to‘ase wa da guinua.

Si Apwesa 4:12

Gete ‘enega ‘u da tauia, ta ‘abo‘agu ‘awaio ma‘ieana, ta ia da e‘itaio to‘ase ‘u da gwae.

Isaia 43:2

‘Ena boasi u da rubwaredi, ‘Abo‘agu ma‘ieaio; ta boasidaudau ‘u rubwaredi, gea‘abo si da siwabodeio: ‘ena ‘awe ‘u tauia bwarena, gea‘abo ‘i da ‘ara‘arasiio; nai ‘awe meiana ‘i da sabelulu ‘emuia.

Isaia 7:14

Ta ‘enega ‘Inapwana tauna we‘iwe‘iiaia ‘i da ‘ebwaemi; wa ‘ita, gomagweine nina ‘i da ‘euwana, ta natuna me‘olotona ‘i da enatunena, ta ‘i da eesena Imanuela.

Salamo 86:17

We‘iwe‘iiaia bobo‘ana manuna ‘u da e‘ita ‘eguia; Be ‘enega taudi si guitoasegu, si da ‘itena, ta si da omaiamaia, ‘Oio, Ieoba, ni‘atu ‘u lemegu, ta ‘u gieguausoarigu ta ‘enega.

Isaia 37:30

Ta gete ‘i da we‘iwei‘iaia ‘emuia; iakwara gete iage tauna ‘i tabwa ‘u da ‘e‘ai, ta iakwara ‘e ruena iage tauna ‘enega ‘i tabwa; ta iakwara ‘e tonina ‘enega wa da lelewana, ta wa da sesoi, ta baguraoine wa da ‘aso, ta uanega wa da ‘e‘ai.

Nugana 15:1

Iage getedi si gumwara ga Ieoba ‘ina ona Aberamo ‘ena ‘i mai madawarega, ‘i gwae, Aberamo, gea‘abo u ‘atesa‘ara: ‘Abo‘agu ‘imu lawa, ta ‘amu e‘isa tosinabwasana.

Nugana 15:8

Ta ‘i gwae, ‘Inapwana Ieoba, mwa‘adega ia da mwaratoni be ia da ‘ewena?

Si Apwesa 3:1

Ta Mose, bwasiana Ietoro, Midiana ‘ina to‐taria, ‘ina sipi i ‘ita‘ita‘i‘isi: ta sipi i ‘au‘ewedi mitawa soranaia, ta Eaubada ‘ina ‘oea ‘ena ‘i mai, Oreba ‘enaia.

Si Apwesa 3:13

Ta Mose Eaubada ‘ena ‘i gwae, U ‘ita, ‘ena ia wai Iseraela tubunao ‘edia, ta ‘edia ia da gwae, Tamamiao ‘idi Eaubada ni‘atu i ‘etunegu ‘emia; ta ‘eguia si da ona; Mwa‘adega ‘ana esana? to‘ase ia da ona ‘edia?

Si Apwesa 18:5

Ta Ietoro, Mose bwasiana, ‘i mai natunao me‘olotodi ta mwanena ma‘enao Mose ‘enaia mitawa ‘ena ‘i miami ‘enaia, Eaubada ‘ina ‘oea ‘enaia:

Si Apwesa 33:14

Ta ‘i gwae, ‘Abo‘agu ia da tauia ma‘ieaio, ta ia da gieiawai‘ateio.

Nugana 26:3

‘asa gete ‘ena ‘u da mia, ta abo‘agu ma‘ieaio, ta ia da onaobobomeio; ‘emuia ta ‘enega, ta tubumuao ‘edia, ‘asa iauiauna getedi ia da ‘ebwaea‘edi, ta ‘ona‘upa‘upa tauna tamaio Aberaamo ‘ena ia ona‘upa‘upa ia da giepa‘ari;

Si Apwesa 8:27

‘A da tauia mitawaia ga asiata ‘e toi, ta ‘a da taria Ieoba ‘ima Eaubada ‘enaia, na‘ieana ‘i da eonema.