Si Apwesa 20:4 - Buki Tabu Lowaenei 1919

⁴ Gea‘abo tokwarui daiagina ‘emuia ‘u da bubuna, nai maamaaiau ‘e bweu nadigega ‘e bweu iage garewa lo‘etana ‘enaia, nai bare‘u lo‘ubuna ‘enaia, nai ora bare‘u ‘ubunaia ‘enaia;

Si Apwesa 20:4 Referans Kwoze

Loina 26:1

Gea‘abo ‘e bweu goamamea wa da bubu ‘emia, nai tokwarui wa gietooro ‘emia, nai ‘ora gurewa, ta gea‘abo tokwarui gurewa ‘imi ‘asaia wa sa‘usa‘u, be ‘ena ‘u da bwagobwago: ‘Abo‘agu Ieoba ‘imi Eaubada ta ‘enega.

Salamo 97:7

Iauiaudi tokwarui daiadaiagina ‘ena si guiguinua si da omaiamaia, Taudi si ona gagasa taudimo goamamea manudi; ‘Ena wa da bwagobwago, ‘omi eaubadao iauiaumi.

Loina 19:4

Iage besobeso gea‘abo ‘edia wa bunibuni, nai eaubada kainumu dogadogadi ‘emia wa da bubudi: ‘Abo‘agu Ieoba ‘imi Eaubada.

Isaia 45:16

Si da omaiamaia, tamo, si da loniu, iauiaudi: taudi to bubu tokwarui loniu ‘ena si da tauia rererea.

Isaia 42:8

‘Abo‘agu Ieoba; gote ‘agu esana: ta ‘igu esaesa gea‘abo wate ‘e bweu ‘ena ia da ‘ebwaea, nai ‘agu tuputupu tokwarui daiadaiagidi ‘edia.

Isaia 42:17

Si da ‘iledi, si da omaiamaia sinabwana, taudi tokwarui daiadaiagidi edia si ‘emisa, taudi si gwae tokwarui ‘e‘urenidi ‘edia, ‘Omi ‘ima eaubadao.

Si Apwesa 34:17

Gea‘abo eaubadao dogadoga ‘emuia ‘u da bubudi.

Si Apwesa 32:1

Ta ni‘atu tomota si ‘itena ‘aene Mose ‘ina mwa‘utama oega ‘i so‘iwawasae, ga tomota si egogonedi Aarona ‘enaia, ta si ona ‘enaia, Ta da tooro, eaubadao ta da mweruruidi manuda, taudi si da tauia nuganeda; Mose gete manuna, tai nina ‘asa Aigupitoega i ‘au‘ewedima, nigea ta mwaratoni mwa‘onai tauna.

Si Apwesa 32:23

‘Eguia si gwae ta ‘enega, Eaubadao ‘u da bubudi ‘emaia, taudi si da tauia nuganidaia: Mose gete manuna, tai nina ‘asa Aigupitoega i ‘au‘ewedima, nigea ‘a mwaratoni mwa‘onai tauna.

Si Apwesa 32:8

Ni‘atu ‘eda ia ona ‘edia ‘enega si tauia dumaduma manini: ni‘atu bulomakau menonoiana dogadogana si bubuna, ta ni‘atu ‘ena si bwagobwago, ta ‘ena si taritaria, ta si gwae, Getedi si da e ‘imu eaubadao, Iseraela ie, taudi si ‘au‘ewatu‘eiemi ‘asa Aigupitoega.

Salamo 78:58

Si ‘eiabena be ‘i da gamwasoara ta ‘enega ‘idi esena lo‘etanidi ‘ediega, Ta ‘ana e‘ipi‘ipi si sa‘una ‘idi tokwarui daiadaiagidi ‘ediega.

Si Apwesa 20:23

Gea‘abo mari eaubadao wa bubu ma‘ieagu; eaubadao sileba, nai eaubadao gola, gea‘abo wa bubu ‘emia.

Si Apwesa 32:4

Ta nimadiega i ‘ewena, ta ‘ebedaiagiega ‘i iagena, ta ‘i bubuna bulomakau menonoiana dogadogana: ta si gwae, Iseraela ie, getedi si da ‘imi eaubadao, taudi ‘asa Aigupitoega si ‘au‘ewemi.