Si Apwesa 20:2 - Buki Tabu Lowaenei 1919

² ‘Abo‘agu Ieoba ‘imu Eaubada, tauna ‘asa Aigupitoega i ‘au‘ewemu, ioniionidi ‘idi anuega.

Si Apwesa 20:2 Referans Kwoze

Loina 26:13

‘Abo‘agu Ieoba ‘imi Eaubada, tauna ‘i me‘emi ‘asa Aigupitoega, be ‘enega gea‘abo ‘omi ‘idi tai‐ioniionidi; ta ‘imi ‘ebe‘a‘ara ‘ana kaiwe sa‘ubarabara ia gilasedi, ta ia bubuna be wa tauia paruparu.

Salamo 81:10

‘Abo‘agu Ieoba ‘imu Eaubada, Taugu ia ‘au‘ewemu ‘asa Aigupitoega: ‘Awaio ‘u da ebari sinabwana, ta ia da loemaena.

Si Apwesa 13:3

Ta Mose ‘i ona tomota ‘edia, Asiata gete wa da nua‘i‘isi, tauna ‘enega Aigupitoega wa apwesama, ioniionidi ‘idi anuega; nima waiwaiiega Ieoba esena gete ‘enega i ‘au‘ewemi ta ‘enega: gea‘abo palaua malebeni wa ‘e‘ani.

Loina 19:36

‘Ebekuge paruparuna, ‘ebemwau paruparuna, keiga‐epa paruparuna, keiga‐iina paruparuna, wa da ‘ewedi: ‘Abo‘agu Ieoba ‘imi Eaubada, tauna i ‘au‘ewemi ‘asa Aigupito ‘enega.

Loina 23:43

Be ‘enega ‘imi epata‐tomota si da mwaratoni ‘aene Iseraela tubunao ia loinedi be ioeioe ‘edia si da miami, tuta ‘enega ia ‘au‘ewedi ‘asa Aigupito ‘enega: ‘Abo‘agu Ieoba ‘imi Eaubada.

Loina 26:1

Gea‘abo ‘e bweu goamamea wa da bubu ‘emia, nai tokwarui wa gietooro ‘emia, nai ‘ora gurewa, ta gea‘abo tokwarui gurewa ‘imi ‘asaia wa sa‘usa‘u, be ‘ena ‘u da bwagobwago: ‘Abo‘agu Ieoba ‘imi Eaubada ta ‘enega.

Salamo 50:7

Wa da nono, ‘igu tomota ie, ta ia da gwae; Iseraela ie, ta ia da simana ‘emuia: ‘Abo‘agu Eaubada, ‘imu Eaubada.

Si Apwesa 6:6

Ta ‘enega Iseraela tubunao ‘edia ‘u da gwae, ‘Abo‘agu Ieoba, ta me Aigupito ‘idi ‘a‘ara ‘ediega ia da ‘au‘ewemi, ta ‘idi iona ‘enega ia da ‘etoseemi, ta ia da li‘amimi nima iasitotoega, ta loina sinabwadi ‘ediega:

Si Apwesa 15:13

‘Oio ‘imu ‘atenua‘ole‘oleiega tomota taudi manudi u ‘e‘isa ‘u nuganedi: ‘Imu waiwaiiega u ‘au‘ewedi ‘imu ‘ebemia tabu ‘enaia.

Si Apwesa 15:16

‘Atesa‘ara ta matauta ‘edia si be‘u; Nimaio ‘ina sinabwana ‘enega si miaenono gurewa ‘atua; Ga ‘imu tomota si taona, Ieoba Ie. Ga tomota taudi u ‘ewedi si da taona.

Si Apwesa 15:26

Ta ‘i gwae, ‘Abo Ieoba ‘imu Eaubada ‘enana ‘ena ‘u da nono waiwai, ta iage paruparuna matanaia ‘u da guinua, ta ‘ina ona ‘edia ‘u da nono, ta ‘ina loina ‘u da ‘ita‘i‘isidi, ga le‘oasa, taudi me Aigupito ‘edia ia sa‘u, gea‘abo ‘emuia ia da sa‘u: ‘Abo‘agu Ieoba tauna ‘i giebobo‘anemu ta ‘enega.

Si Apwesa 20:1

Ta Eaubada ona iauiauna getedi ‘i eonena, ‘i gwae,

Si Apwesa 29:46

Ta si da mwaratoni ‘abo‘agu Ieoba ‘idi Eaubada, tauna ‘asa Aigupitoega ia ‘au‘ewedima, be ‘enega ia da miami ‘edia: ‘Abo‘agu Ieoba ‘idi Eaubada.

Loina 11:45

‘Abo‘agu Ieoba taugu ta ‘enega ia ‘au‘ewemi ‘asa Aigupito ‘enega, be ia ‘imi Eaubada; ‘omi wa da ‘esasemi, ‘abo‘agu ‘esasegu ta ‘enega.

Isaia 43:3

‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Si Apwesa 13:14

Ta ‘ena natuio me‘olotona tuta ‘i memai ‘enega ‘i eonaio, ‘i gwae, To‘ase gete? ga ‘u da ona ‘enaia, Nima waiwaiiega Ieoba i ‘au‘eweda Aigupitoega, ioniionidi ‘idi anuega:

Loina 25:38

‘Abo‘agu Ieoba ‘imi Eaubada, taugu ia ‘au‘ewemi ‘asa Aigupito ‘enega, be ‘asa Kanania ia da ‘ebwaemi, be ‘abo‘agu ‘imi Eaubada.

Loina 25:42

Taudi ‘igu to‐guinuao ta ‘enega, taudi ia ‘au‘ewedima ‘asa Aigupito ‘enega: gea‘abo wa da gimwagimwaniedi tai ioniionidi ‘atua.

Loina 25:55

‘Eguia Iseraela tubunao si ‘etoguinuao ta ‘enega; taudi si ‘igu to guinuao taudi ia ‘au‘ewedima ‘asa Aigupito ‘enega: ‘abo‘agu Ieoba ‘imi Eaubada.

Salamo 81:7

‘Ate‘uia‘uia ‘ena ‘u bwau, ta ia ‘etoseemu; Weparara ‘ina esena kwaia ‘enega ia ona limana ‘emuia; Boasi Meriba ‘edia ia tooio. (Sela.)

Salamo 81:11

Ta ‘igu tomota ‘enagu nigea si nonona; Ta Iseraela si guitoasegu.