Si Apwesa 19:9 - Buki Tabu Lowaenei 1919

⁹ Ta Ieoba ‘i ona Mose ‘enaia, U ‘ita, ‘emuia ia mai poana badonega, be ‘enega tomota si da nono ‘ena ia onaona me‘ieaio, ta wate si da iaremu ‘ataia. Ta Mose tomota ‘idi ona ‘i esimanedi Ieoba ‘enaia.

Si Apwesa 19:9 Referans Kwoze

Si Apwesa 19:16

Ta asiata ‘etonina gete ‘i apwesa, ni‘atu ‘i gonagona, ga wepararaiao ta namarao si apwesa, ta poana badona ‘oeaia; ta ioguli ‘enana tosinabwasana; ta tomota iauiauna ‘asa ‘ena si miami si dedera.

Salamo 97:2

Poanaiao ta guguioi si mia ‘oabu‘oabuiena; Bubuna paruparu ta loina siterua ‘ina ‘ebemi esaesa ‘ana ‘autu.

Si Apwesa 20:21

Ta tomota si tooro ‘edasoraia, ta Mose guguioi ‘ubwa‘ubwa ‘ena Eaubada ‘i miami ‘ena ‘i doro.

Si Apwesa 14:31

Ta Iseraela guinua sinabwana tauna Ieoba ‘i guinuena me Aigupito ‘edia, si ‘itena ta tomota Ieoba si ‘amaiabena: ta Ieoba ‘ena si iareiare, ta Mose ‘ina toguinua ‘enaia.

Isaia 19:1

Aigupito ‘ana ona. Wa ‘ita, Ieoba ‘i geru poana pilimanini ‘ena, ta Aigupito ‘ena ‘i mai: ta Aigupito ‘ina tokwaruiao si da loniu matanaia, ta Aigupito ‘atena ‘i da doga soranaia.

Isaia 7:9

Ta Eparaima debana Samaria, ta Samaria debana Remalia natuna. ‘Abo gea‘abo wa da iareiare, gea‘abo wa da mia pa‘ara.

Si Apwesa 4:5

Be ‘enega si da iareiare ‘aene Ieoba, tamadiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ‘i apwesa ‘emuia.

Si Apwesa 4:31

Ta tomota si iareiare; ta ni‘atu si nonona ‘aene Ieoba ni‘atu Iseraela tubunao i ‘itedi, ta ‘aene ‘idi elo‘uia i ‘itena ni‘atu, ga si kopukopu ta si bwagobwago.

Si Apwesa 34:5

Ta Ieoba ‘i mwa‘uta poana ‘ena, ta ‘ena ‘i tooro ma‘ieana, ta Ieoba ‘ana esana i ‘inana.

Salamo 99:7

Poana ‘ora ‘ena ‘i eonedi: ‘Ina ‘ebee‘itao si ‘ita‘i‘isidi, ta loina nina i ‘ebwaedi.