Si Apwesa 19:5 - Buki Tabu Lowaenei 1919

⁵ Gete ta ‘enega, ‘abo ‘enagu wa da nono ‘ai‘aila, ta ‘igu ona‘upa‘upa wa ‘ita‘i‘isi, ga wa da egwegwe bobo‘ai‘ailina ‘eguia tomota iauiaudi ‘ediega: gabura maibo‘ana ‘igu iage ta ‘enega:

Si Apwesa 19:5 Referans Kwoze

Si Apwesa 15:26

Ta ‘i gwae, ‘Abo Ieoba ‘imu Eaubada ‘enana ‘ena ‘u da nono waiwai, ta iage paruparuna matanaia ‘u da guinua, ta ‘ina ona ‘edia ‘u da nono, ta ‘ina loina ‘u da ‘ita‘i‘isidi, ga le‘oasa, taudi me Aigupito ‘edia ia sa‘u, gea‘abo ‘emuia ia da sa‘u: ‘Abo‘agu Ieoba tauna ‘i giebobo‘anemu ta ‘enega.

Salamo 135:4

Ieoba ni‘atu Iakobo i ‘esinuena tauna manuna ta ‘enega, Ta Iseraela ‘ina gwegwe tebweuna manuna.

Si Apwesa 23:22

Ta ‘abo ‘enana wa da nono ‘ai‘aila, ta iage iauiauna ia oneonedi wa da guinua; ga ia da etarauwara ‘amu tarauwarao ‘edia, ta to‐losaia taudi si losaia ‘emuia ‘edia.

Si Apwesa 9:29

Ta Mose ‘i ona ‘enaia, Tuta ‘enega ‘asega ia tauiawa, nimagu ia da tuweiari Ieoba ‘enaia; weparara si da losa‘u, ta ‘usana‐patuna gea‘abo wate; be ‘enega ‘u da mwaratoni ‘aene gabura Ieoba ‘ina gabura.

Salamo 24:1

Bare‘u Ieoba ‘ina bare‘u, ta ‘ina maa; Gabura, ta taudi ‘ena si miami.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 41:8

Ta ‘oio, Iseraela, ‘igu ‘ari‘ei, Iakobo tauna ia ‘esinuena, Aberaamo gosiagu tubuna;

Salamo 25:10

Ieoba ‘ina ‘eda iauiauna si oboboma ta ona ‘ai‘aila Taudi ‘ina ona‘upa‘upa ta ‘ina simana si ‘ita‘i‘isidi ‘edia.

Isaia 1:19

‘Abo wa nuabobo‘ana ta ematamatana, ‘asa ‘ina bobo‘ana ‘enega wa da ‘e‘ai:

Isaia 56:4

Eunakao taudi ‘igu sabateao si ‘ita‘i‘isi, ta iage nuanuagu si ‘esinuedi, ta ‘igu ona‘upa‘upa si giiai, ‘idi Ieoba gete nadigega ‘i gwae ta ‘enega:

Si Apwesa 24:7

Ta ona‐‘upa‘upa ‘ana buki i ‘ewena, ta tomota tenadia ‘i sawena: ta si gwae, Iage iauiauna Ieoba ni‘atu ‘i oneonedi ‘a da guinua, ta ‘a da ematamatana.

Nugana 17:9

Ta Eaubada Aberaamo ‘ena ‘i ona, Ta manuio, ‘oio ‘igu ona‘upa‘upa ‘u da ‘ita‘i‘isi, ‘oio, ta tubumuao murimuia ‘idi epatatomota ‘edia.

Si Apwesa 6:7

ta ia da ‘au‘ewemi ‘eguia ‘igu tomota, ta ‘Abo‘agu Eaubada ‘emia; ta wa da mwaratoni ‘aene ‘abo‘agu Ieoba ‘imi Eaubada, tauna me Aigupito ‘idi ‘a‘ara ‘agaraunega i ‘au‘ewemi.

Si Apwesa 8:22

Ta asiata gote ‘asa Gosena ‘ena ‘igu tomota si miami, ia da lorabena, be ‘enega gea‘abo nenewara iau ‘ena si da miami; ‘arena ‘u da mwaratoni ‘aene ‘abo‘agu Ieoba bare‘u gamwagamwaninaia.

Si Apwesa 34:9

Ta ‘i gwae, ‘Inapwana ie, ‘Abo gete ‘enega ni‘atu nua‘ole‘ole matamuia ia lobena, ia sideio, ‘Inapwana ‘i da tauia gamwagamwanimaia; tomota ‘otopa‘ara ta ‘enega; ta ‘ima bubuna geiogeioi ta ‘ima loegesi ‘u da kweuna, ta ‘u da ‘au‘ewema be ‘a da ‘imu tomotai.

Loina 20:24

Ta ‘emia ia gwae ni‘atu, ‘Idi ‘asa wa da ‘ewa, ta ia da ‘ebwaemi be wa da ‘ewena, ‘asa ‘i daudau susu ta mu‘awa ‘ediega: ‘Abo‘agu Ieoba ‘imi Eaubada, tomotaiao ‘ediega ni‘atu ia sa‘u dumedumemi.