Si Apwesa 19:11 - Buki Tabu Lowaenei 1919

¹¹ Ta asiata ‘etonina manuna si da mia ‘ai‘aila: asiata ‘etonina ta ‘enega Ieoba ‘i da mwa‘utama tomota iauiaudi matadia ‘oea Sinai ‘enaia.

Si Apwesa 19:11 Referans Kwoze

Si Apwesa 19:16

Ta asiata ‘etonina gete ‘i apwesa, ni‘atu ‘i gonagona, ga wepararaiao ta namarao si apwesa, ta poana badona ‘oeaia; ta ioguli ‘enana tosinabwasana; ta tomota iauiauna ‘asa ‘ena si miami si dedera.

Si Apwesa 34:5

Ta Ieoba ‘i mwa‘uta poana ‘ena, ta ‘ena ‘i tooro ma‘ieana, ta Ieoba ‘ana esana i ‘inana.

Salamo 144:5

Ieoba ie, ‘imu garewa ‘u da lisi mwa‘utedi, ta ‘u da mwa‘utama: ‘Oeao ‘u da gitoodi, be si da e‘asu.

Salamo 18:9

Garewa ‘arenao wate ‘i giekopudi, ta ‘i mwa‘utama; Ta guguioi ‘ubwaubu ‘aena ‘agaraunaia ‘i miami.

Si Apwesa 19:20

Ta Ieoba ‘i mwa‘utama ‘oea Sinai ‘enaia, ‘oea debana ‘enaia: ta Ieoba Mose ‘i bwauiena ‘oea debana ‘enaia; ta Mose ‘i tu‘ewa.

Si Apwesa 19:18

Ta ‘oea Sinai i ‘asu‘asu maibo‘ana, Ieoba ‘ena ‘i mwa‘uta aweiega ta ‘enega: ta ‘asuna ‘i tu‘etu‘e umura ‘asuna ‘atua, ta ‘oea maibo‘ana ‘i dedera sinabwana.

Si Apwesa 3:8

Ta ia mwa‘utama be ia da ‘etoseedi me Aigupito nimadiega, be ia da ‘au‘ewatu‘eiedima ‘asa gote ‘enega ga ‘asa bobo‘ana ‘enaia ta ‘asa sinabwana, ‘asa ‘enaia susuta oni ‘ena si daudau; me Kanania ‘idi esena ‘ena be, me Eta be, me Amori be, me Perisi be, me Ibite be, me Iebusi be.

Nugana 11:5

Ta Ieoba ‘i mwa‘uta sabi ‘ita ‘asa nina ta anua kesorana nina, taudi tomota natunao si ‘abina.

Si Apwesa 34:2

Ta gonagona ‘enega ‘u da tooro, ta gonagonaia ‘u da tu‘ema ‘oea Sinai ‘enaia, ta ‘eguia ‘u da gieapweseio ‘oea debanaia.

Si Apwesa 24:16

Ta Ieoba ‘ina esaesa ‘oea Sinai ‘ena ‘i miami, ta poana ‘i lobodebodena asiata e sikisi: ta asiata e sebeni nina Mose ‘ena ‘i bwau poana gamwanega.

Si Apwesa 24:17

Ta Ieoba ‘ina esaesa ‘ana ‘ita ‘atua ‘awesabelulu ‘ara‘arasina ‘oea debanaia Iseraela tubunao matadia.